ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ- ដើម្បីអាចជួយសង្គមបាន យុវជនខ្លួនឯងត្រូវមានសមត្ថភាព និងមានគោលដៅអភិវឌ្ឍខ្លួនឯងឱ្យបានច្បាស់លាស់មុននឹងចេញមកជួយការងារសង្គមប្រកបដោយចីរភាព ។ នេះជាការលើកឡើងរបស់កញ្ញា វាសនា សុជាតា និស្សិតអាហារូបករណ៍រដ្ឋាភិបាលចិន ថ្នាក់បរិញ្ញាបត្រ នៃសាកលវិទ្យាល័យ Northeast Normal University ។
កញ្ញា វាសនា សុជាតា ជានិស្សិតម្នាក់ក្នុងចំណោមនិស្សិតខ្មែរ៨នាក់បានជាប់ឈ្មោះអាហារូបករណ៍ទៅសិក្សាថ្នាក់បរិញ្ញាបត្រនៅសាកលវិទ្យាល័យ Northeast Normal University ជំនាញវិស្វកម្មព័ត៌មានអេឡិចត្រូនិច បានចែករំលែកបទពិសោធន៍ដើម្បីទទួលបានអាហារូបករណ៍សិក្សានៅប្រទេសចិនដើម្បីបំពេញក្ដីស្រមៃការសិក្សាជំនាញដែលខ្លួនស្រលាញ់ ។ កញ្ញា សុជាតា បានលើកឡើងថា ដើម្បីទទួលបានអាហារូបករណ៍សិក្សានៅប្រទេសចិននេះ កញ្ញាបានស្វែងរកព័ត៌មានអាហារូបករណ៍នេះតាមរយៈសមាគមសិស្ស និស្សិត អាហារូបករណ៍សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ។
កញ្ញា សុជាតា បានបន្តថា នៅក្នុងការដាក់ពាក្យ និងស្វែងរកអាហារូបករណ៍នេះ និស្សិតត្រូវតាមដានព័ត៌មានអាហារូបករណ៍ជាពិសេសអាចជួបពិភាក្សាជាមួយសិស្សច្បងដែលសិក្សានៅប្រទេសចិនផ្ទាល់តាមរយៈសមាគមន៍និស្សិតកម្ពុជាប្រចាំសាធារណរដ្ឋប្រជាមានិតចិន ឬហៅកាត់ថា ACSC ដើម្បីទទួលបាននូវបទពិសោធន៍ផ្ទាល់ពីសិស្សច្បង របៀបនៃជ្រើសរើសសាកលវិទ្យាល័យ របៀបដាក់ពាក្យស្នើរសុំអាហារូបករណ៍ និងការត្រៀមលក្ខណៈនានាដើម្បីឱ្យពាក្យស្នើរសុំកាន់តែមានទម្ងន់ និងឱកាសកាន់តែច្រើន ។
យុវតីមានស្រុកកំណើតខេត្តកំពង់ចាមរូបនេះបានបន្តថា មានពីរកត្តាដែលជម្រុញចិត្តឱ្យកញ្ញាសម្រេចចិត្តដាក់ពាក្យទៅសិក្សានៅប្រទេសចិន ដោយទី១ កញ្ញាមានទំនោរ និងនិស្ស័យផ្នែកអេឡិចត្រូនិច និងទី២ ការសង្កេតឃើញអំពីទំនាក់ទំនងរវាងរដ្ឋាភិបាលនៃប្រទេសកម្ពុជា-ចិនមានមិត្តភាពល្អដូចពាក្យថា មិត្តភាពដែកថែបកម្ពុជាចិន ដែលធ្វើឱ្យកញ្ញាមានភាពកក់ក្ដៅ នឹងផ្ញើទំនុកចិត្តក្នុងការរៀនសូត្រដែលអាចទទួលបានលទ្ធផលល្អប្រសើរនាថ្ងៃអនាគត ។
និស្សិតអាហារូបករណ៍រូបនេះបានលើកឡើងទៀតថា ក្រោយពេលបានទៅដល់ទឹកដីប្រទេសចិនកញ្ញា និងនិស្សិតឯទៀតមិនមានជួបបញ្ហាប្រឈមច្រើននោះទេដោយសារមានការណែនាំ និងសម្របសម្រួលពីលោក អ៊ុំ វុទ្ធទី ប្រធានក្រុមប្រឹក្សាភិបាលសមាគមនិស្សិតកម្ពុជាប្រចាំសាធារណរដ្ឋប្រជាមានិតចិន(ACSC) និងបងៗក្រុមការងារ ACSCទាំងអស់ផងដែរ ។ លើសពីនេះ ការប្រើប្រាស់ភាសា ការទំនាក់ទំនងជាមួយអ្នកជុំវិញខ្លួន ជាមួយលោកគ្រូ អ្នកគ្រូ កំពុងដំណើរការយ៉ាងល្អសម្រាប់កញ្ញា និងនិស្សិតផ្សេងៗទៀត ។
កញ្ញា វាសនា សុជាតា បានបន្ថែមថា អាហារូបករណ៍នេះជាផ្នែកមួយដែលបានបំពេញក្ដីស្រមៃការសិក្សានៅក្រៅប្រទេសដល់កញ្ញា ជាពិសេសបានសិក្សាជំនាញដែលខ្លួនស្រលាញ់ និងចូលចិត្តថែមទៀតផង ។ កញ្ញាបន្ថែមបន្តថា ក្រោយឱកាសសិក្សានេះបានបញ្ចប់កញ្ញានឹងយកចំណេះ ជំនាញដែលបានសិក្សានៅក្រៅប្រទេសនេះទៅជួយអភិវឌ្ឍសង្គម ដោយត្រឡប់មកបម្រើមាតុភូមិ និងផ្សព្វផ្សាយចំណេះទៅដល់យុវជនជំនាន់ក្រោយឱ្យបានចេះដឹង ព្រោះថាអ្វីដែលកញ្ញាបានទៅសិក្សានៅប្រទេសចិននេះ ក៏ជាការផ្ដួចផ្ដើមនិងការជ្រោមជ្រែងពីរាជរដ្ឋាភិបាលកម្ពុជាផងដែរ ។
“ខិតខំអភិវឌ្ឍខ្លួនឯងកាន់តែរីកខ្លាំង ដើម្បីត្រឡប់ទៅប្រទេសកម្ពុជាវិញ បម្រើជាតិមាតុភូមិ និងផ្សព្វផ្សាយ ចំណេះដឹងទាំងអស់ដល់យុវជនជំនាន់ក្រោយឱ្យពួកគាត់ បានស្គាល់ខាងផ្នែកអេឡិតត្រូនិតមួយនេះឱ្យកាន់តែច្បាស់ថែមទៀត ដើម្បីជាកិច្ចអភិវឌ្ឍន៍ក្នុងប្រទេសយើង “
កញ្ញា វាសនា សុជាតា គួរបញ្ជាក់ដែរថា អាហារូបករណ៍ China scholarship council (CSC) ឬអាហារូបករណ៍រដ្ឋាភិបាលចិននេះ ជាការគាំទ្រពីរដ្ឋាភិបាលចិន និងផ្ដល់អត្ថប្រយោជន៍ជាច្រើនដល់បេក្ខជនដូចជា ការសិក្សាឥតគិតថ្លៃ កន្លែងស្នាក់នៅ និងប្រាក់ប្រចាំខែផងដែរ ៕
ជីវប្រវត្តិ: ឈឿង ប៉ូលីណា ជាអ្នករាយការណ៍ និងសរសេរព័ត៌មាននៅស្ថាប័នព័ត៌មាន AMS Education ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ ៥០ភាគរយ សម្រាប់មន្រ្តីរាជការបម្រើការនៅក្រសួងមហាផ្ទៃ
ព័ត៌មានអាហារូបករណ៍, ព្រឹត្តិការណ៍
• 03/11/2025
អាហារូបករណ៍អភិសន្តិបណ្ឌិត ស សុខា បានប្រកាសផ្តល់អាហារូបករណ៍ ៥០% សម្រាប់ការសិក្សាថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ (អនុបណ្ឌិត) និងថ្នាក់បណ្ឌិត សិក្សានៅសាកលវិទ្យាល័យអាស៊ីអឺរ៉ុប...
ឱកាសសិក្សាហាត់ការងារផ្នែករូបវិទ្យា និងកុំព្យូទ័រពីកម្មវិធី DESY នៅប្រទេសអាល្លឺម៉ង់ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 30/01/2024
ឱកាសសិក្សា និងហាត់ការងារសម្រាប់សិស្សនិស្សិតកំពុងសិក្សានៅផ្នែករូបវិទ្យា និងកុំព្យូរទ័រពីកម្មវិធី DESY Summer Student សិក្សានៅប្រទេសអាល្លឺម៉ង់ សម្រាប់ឆ្នាំសិក្សា២០២៤។ ការសិក្សា...
អាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Illinois Wesleyan នៃសហរដ្ឋអាមេរិក ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 19/10/2023
ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Illinois Wesleyan នៃសហរដ្ឋអាមេរិកឆ្នាំសិក្សា២០២៣-២០២៤។ អាហារូបករណ៍ផ្ដល់ជូនការសិក្សាដល់និស្សិតទូទាំង....
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យអន្តរជាតិ Cyprus ២០២៥
ព័ត៌មានអាហារូបករណ៍, ព្រឹត្តិការណ៍
• 01/04/2025
ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យអន្តរជាតិ Cyprus នៃសាធារណរដ្ឋស៊ីប (Republic of Cyprus) សម្រាប់ឆ្នាំសិក្សា២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត។
អាហារូបករណ៍ ថ្នាក់វេជ្ជបណ្ឌិតវេជ្ជសាស្រ្ត សម្រាប់ឆ្នាំសិក្សា២០២៦-២០២៧ ទៅសិក្សានៅសាធារណរដ្ឋគុយបា
ព័ត៌មានអាហារូបករណ៍, ព្រឹត្តិការណ៍
• 26/12/2025
ក្នុងឆ្នាំ២០២៦ខាងមុខនេះ រដ្ឋាភិបាលនៃសាធារណរដ្ឋគុយបា បានផ្តល់អាហារូបករណ៍ចំនួន ១កន្លែង ដល់និស្សិតកម្ពុជា ដើម្បីទៅបន្តការសិក្សាថ្នាក់វេជ្ជបណ្ឌិតវេជ្ជសាស្រ្ត (Doctor of Medicine) នៅសាធារណរដ្ឋគុយបា សម្រាប់ឆ្នាំសិក្សា២០២៦-២០២៧។
អាហារូបករណ៍សិក្សាជំនាញវិជ្ជាជីវៈចំនួន៣៦០ន្លែងនៅវិទ្យាស្ថានពហុបច្ចេកទេសខេត្តកំពង់ធំ
ព័ត៌មានអាហារូបករណ៍, ព្រឹត្តិការណ៍
• 25/09/2024
ឱកាសសិក្សាអាហារូបករណ៍ជំនាញវិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ធំ ចំនួន៣៦០កន្លែងសម្រាប់វគ្គសិក្សាថ្មី។ អាហារូករណ៍ផ្ដល់ជូនការសិក្សាចំនួន១២មុខជំនាញទៅកាន់យុវជន យុវនារីដែលមកពីគ្រួសារក្រីក្រ និងគ្រួសារងាយរងហានិភ័យ...
ឪពុកម្ដាយគួរដឹង! របៀបដោះស្រាយភាពតានតឹងផ្លូវចិត្តរបស់កុមារ
ព័ត៌មានអាហារូបករណ៍, ព្រឹត្តិការណ៍
• 26/07/2024
ភាពតានតឹងចិត្តមិនកើតមានឡើងចំពោះតែមនុស្សធំនោះទេ វាក៏អាចកើតមានចំពោះកុមារដែរ។ នៅពេលកូន ឬកុមារមានភាពតាមតឹងចិត្ត តើឪពុកម្ដាយធ្វើបែបណា? ខាងក្រោមនេះ ជារៀបដោះស្រាយភាពតានតឹង...
ឱកាសផ្លាស់ប្តូរការសិក្សាសម្រាប់សិស្សវិទ្យាល័យរយៈពេលមួយសប្តាហ៍នៅប្រទេសជប៉ុន
ព័ត៌មានអាហារូបករណ៍, ព្រឹត្តិការណ៍
• 03/06/2025
កម្មវិធី EACAT Homestay Program 2025 កំពុងប្រកាសឱ្យសិស្សានុសិស្សថ្នាក់វិទ្យាល័យដាក់ពាក្យ ដើម្បីផ្លាស់ប្ដូរការសិក្សារយៈពេល១សប្ដាហ៍ នៅប្រទេសជប៉ុន។ កម្មវិធីផ្ដល់ឱកាសដល់សិស្សានុសិស្ស...
កម្មវិធីពិសេសរបស់ AMS EDUCATION
ព័ត៌មានសង្ខេប
