ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅប្រទេសអាល្លឺម៉ង់សម្រាប់ឆ្នាំសិក្សា២០២៦ ពីកម្មវិធីអាហារូបករណ៍ Neufert Founation Scholarship 2026។ អាហារូបករណ៍ផ្ដល់ការសិក្សារយៈពេល ១ឆ្នាំ ទៅ២ឆ្នាំ តាមកម្មវិធីសិក្សា។
ជំនាញដែលអាហារូបករណ៍ផ្ដល់ជូនរួមមាន ៖ ស្ថាបត្យកម្ម, ការរៀបចំទេសភាព (Lanscaping) និង ការអភិវឌ្ឍទីក្រុង នៅសកលវិទ្យាល័យអាល្លឺម៉ង់ ( Germany University)។
កម្មវិធីអាហារូបករណ៍នឹងគាំទ្រ €2,500 សម្រាប់សិស្សម្នាក់ (អាស្រ័យទៅលើជំនាញសិក្សារបស់បេក្ខជន) សម្រាប់ថ្លៃសិក្សា ការធ្វើដំណើរ និងការចំណាយលើការរស់នៅក្នុងកំឡុងពេលសិក្សា។ ការគាំទ្រលើការបោះពុម្ព ឬឌីជីថលលើនិក្ខេបបទ និងឱកាសចូលរួមព្រឹត្តិការណ៍តាំងពិព័រណ៌ Neufert និងការចែករំលែករបស់អ្នកជំនាញ និងអតីតនិស្សិតជាដើម។
លក្ខខណ្ឌនៃបេក្ខជន ៖ សម្រាប់និស្សិតអន្តរជាតិគ្រប់សញ្ជាតិសាសន៍, បានបញ្ចប់ថ្នាក់បរិញ្ញាបត្រ, មានសញ្ញាបត្រមធ្យមសិក្សាទុតិយភូមិ ឬមានតម្លៃស្មើ, មានលិខិតបញ្ជាក់ភាសាអង់គ្លេស ឬភាសាអាល្លឺម៉ង់ (២.៥/៤.០ ឡើងទៅ)។ ជាមួយគ្នានេះ បេក្ខជនត្រូវមាន លិខិតបញ្ជាក់ការសិក្សាថ្នាក់បរិញ្ញាបត្រ ដែលបញ្ជាក់ពីសាកលវិទ្យាល័យ ឬសាស្រ្តាចារ្យ និងឯកសារយោងចាំបាច់មួយចំនួនទៀត។
បេក្ខជន បេក្ខនារីមានចំណាប់អារម្មណ៍ សូមភ្ជាប់ឯកសារ ៖ លិខិតលើកទឹកចិត្ត( បង្ហាញមូលហេតុដែលចង់សិក្សានៅបរទេស និងគោលបំណង), ប្រវត្តិរូបសង្ខេប (ជាភាសាអង់គ្លេស ឬអាល្លឺម៉ង់ និងរូបថត) ច្បាប់ចម្លងនៃសញ្ញាបត្របរិញ្ញាបត្រ ឬសញ្ញាបត្រមានតម្លៃស្មើ(មានបញ្ជាក់), លិខិតពីសាកលវិទ្យាល័យអាល្លឺម៉ង់ (បេក្ខជនតែស្នើសុំពាក្យសិក្សានៅសាកលវិទ្យាល័យ មុនស្នើអាហារូបករណ៍) និងស្នាដៃនិក្ខេបបទ។
សម្រាប់ព័ត៌មានបន្ថែម និងលម្អិត សូមចូលទៅកាន់ https://ehsaskafaalat.com/neufert-foundation-scholarships/ ។ អាហារូបករណ៍នឹងបើកទទួលពាក្យពីថ្ងៃខែមករា ឆ្នាំ២០២៦ ដល់ថ្ងៃទី១៥ ខែឧសភា ឆ្នាំ២០២៦៕
