ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – សិក្សាជំនាញវគ្គខ្លីបន្ថែមពីការសិក្សានៅមហាវិទ្យាល័យជាចំណុចសំខាន់មួយដែលសិស្ស-និស្សិត គួរស្វែងយល់ ព្រោះវាជាកត្តា និងឱកាសដែលជម្រុញបន្ថែមការយល់ដឹង និងបទពិសោធន៍ ។ នេះជាការយល់ឃើញរបស់យុវនិស្សិត សំ ភានារីលក្ខណ៍ ជានិស្សិតនៅវិទ្យាស្ថានភាសាបរទេស (IFL) ហើយក៏ជាបេក្ខភាពនិស្សិតអាហារូបករណ៍វគ្គបណ្តុះបណ្តាលជំនាញផ្នែកឌីជីថល នៅវិទ្យាស្ថានថាក់គ្លូប៊លផងដែរ។
កញ្ញា សំភា នារីលក្ខណ៍ បានលើកឡើងថា ដោយការស្រឡាញ់ចូលចិត្ត និងចាប់អារម្មណ៍លើវិស័យឌីជីថល កញ្ញាបានស្វែងរកដំណឹងអាហារូបករណ៍ណាដែលទាក់ទងនឹងជំនាញនេះ រួចបានឃើញពីអាហារូបករណ៍ TGI ។ កញ្ញាបានបន្តថា ក្រោយបានឃើញពីដំណឹងនេះ កញ្ញាបានចាប់ផ្ដើមធ្វើការស្រាវជ្រាវបន្ថែមពីវិទ្យាស្ថានដើម្បីឱ្យមានភាពជឿជាក់ថា នឹងអាចជួយបន្ថែមជំនាញផ្នែកឌីជីថលឱ្យកាន់តែប្រសើរ ដូចនេះកញ្ញាក៏បានដាក់ពាក្យដើម្បីស្នើសុំអាហារូបករណ៍តែម្តង។
បច្ចុប្បន្នកំពុងរៀនជំនាញ UX/UI design នារីលក្ខណ៍ បានបង្ហើបថា ដើម្បីទទួលបានអាហារូបរកណ៍នេះ ត្រូវឆ្លងកាត់ ៣ដំណាក់កាល ក្នុងនោះ ដំណាក់កាលទី១ ត្រូវឆ្លើយសំណួរខ្លះៗពីប្រវត្តិរូបសង្ខេប គម្រោងនាពេកអនាគត់របស់អ្នកជាដើម, ដំណាក់កាលទី២ បេក្ខជនដែលជាប់ក្នុង Shortlist ត្រូវឆ្លងកាត់ការប្រឡង៣មុខមានដូចជា IQ test, ភាសាអង់គ្លេស និងចំណេះដឹងមូលដ្ខានដែលទាក់ទងនឹងជំនាញដែលបានរើស ។ បន្តទៅដំណាក់កាលទី៣ ជាដំណាក់កាលចុងក្រោយ បេក្ខជនត្រូវធ្វើការសម្ភាសន៍ផ្ទាល់ជាមួយគណៈកម្មការដែលមានភាពរួសរាយរាក់ទាក់ និងផ្ដល់ភាពកក់ក្ដៅដែលធ្វើបេក្ខភាពទាំងអស់មានស្មារតី និងកម្លាំងចិត្តក្នុងការសម្ភាសន៍ ។
ក្រោយសិក្សាបានមួយរយៈពេល នារីលក្ខណ៍ សង្កេតឃើញខ្លួនឯងមានភាពរីកចម្រើនច្រើន មានភាពចាស់ទុំជាងមុន មានភាពម្ចាស់ការ អាចរៀបចំគម្រោងការសម្រាប់ខ្លួនឯងនៅពេលអនាគត អាចធ្វើការស្រាវជ្រាវល្អប្រសើរ និងច្រើនជាងមុន មានផលិតភាពការសិក្សា និងចេះធ្វើយ៉ាងណាឱ្យខ្លួនឯងបានល្អប្រសើរក្នុងការត្រៀមខ្លួនធ្វើអ្វីមួយ ។ លើសពីនេះ វគ្គបណ្ដុះបណ្ដាលជំនាញផ្នែកឌីជីថលនេះបានផ្ដល់ការសិក្សាជំនាញទន់ដល់សិស្ស-និស្សិតគ្រប់រូបដើម្បីជំរុញឱ្យពួកគាត់កាន់តែមានភាពជឿជាក់លើខ្លួនឯង ។
បន្តដោយក្ដីរីករាយ នារីលក្ខណ៍ បានបន្ថែមថាក្រៅពីផ្ដល់ជំនាញទន់សម្រាប់សិក្សាហើយ ក្រោយបញ្ជប់ការសិក្សាវិទ្យាស្ថានក៏មានផ្ដល់ឱកាសការងារ និងឱកាសចូលរួមកម្មវិធីក្នុងការផ្លាស់ប្ដូរបទពិសោធន៍ផងដែរ ។
ជាមួយគ្នានេះដែរកញ្ញា សំភា នារីលក្ខណ៍ បានលើកទឹកចិត្តដល់យុវជនទាំងអស់គួរចាប់យកឱកាសដែលខ្លួនមាន និងរកអ្វីដែលខ្លួនស្រឡាញ់ កុំគិតថាអ្នកមិនមានសមត្ថភាព ប៉ុន្តែអ្នកគួរតែសាកល្បងវាសិន ព្រោះឱកាសតែងតែផ្ដល់សម្រាប់អ្នកដែលមានការព្យាយាម ៕
ជីវប្រវត្តិ: ឈឿង ប៉ូលីណា ជាអ្នករាយការណ៍ និងសរសេរព័ត៌មាននៅស្ថាប័នព័ត៌មាន AMS Education ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍សម្រាប់និស្សិតស្រី ដែលនឹងចូលឆ្នាំទី២ នៅសាកលវិទ្យាល័យ ពី Education First Cambodia
ព័ត៌មានអាហារូបករណ៍, ព្រឹត្តិការណ៍
• 11/05/2026
នេះគឺជាឱកាសសម្រាប់និស្សិតស្រីដែលនឹងត្រូវឈានចូលសិក្សាឆ្នាំទី ២ ក្នុងឆ្នាំ២០២៦។ កម្មវិធីអាហារូបករណ៍នេះ មិនត្រឹមតែផ្ដល់នូវការឧបត្ថម្ភផ្នែកហិរញ្ញវត្ថុប៉ុណ្ណោះទេ ប៉ុន្តែថែមទាំងផ្ដោតសំខាន់លើការបណ្ដុះបណ្ដាលជំនាញទន់ និងជំនាញបច្ចេកទេស...
រដ្ឋាភិបាលជប៉ុន ផ្តល់អាហារូបករណ៍ ៤កម្រិត សម្រាប់មន្រ្តីរាជការ សិស្សនិស្សិតកម្ពុជា ទៅបន្តការសិក្សានៅប្រទេសជប៉ុន ឆ្នាំ២០២៧
ព័ត៌មានអាហារូបករណ៍, ព្រឹត្តិការណ៍
• 04/05/2026
នៅក្នុងឆ្នាំ២០២៦នេះ រដ្ឋាភិបាលជប៉ុន បានសម្រេចផ្តល់អាហារូបករណ៍ ៤កម្រិត ដល់មន្រ្តីរាជការ និស្សិត និងសិស្សកម្ពុជា ដើម្បីទៅបន្តការសិក្សានៅប្រទេសជប៉ុន សម្រាប់ឆ្នាំ២០២៧ ដោយអាហារូបករណ៍នឹងរ៉ាប់រងសោហ៊ុយ...
អាហារូបករណ៍ពេញលេញ ពីសាកលវិទ្យាល័យ Deakin University អូស្ត្រាលី សម្រាប់ឆ្នាំ២០២៧
ព័ត៌មានអាហារូបករណ៍, ព្រឹត្តិការណ៍
• 12/06/2026
សាកលវិទ្យាល័យឈានមុខគេមួយផ្នែកស្រាវជ្រាវនៅអូស្ត្រាលី ប្រកាសផ្តល់អាហារូបករណ៍ដល់និស្សិតជាតិ-អន្តរជាតិ
អាហារូបករណ៍សម្រាប់និស្សិតថ្នាក់បរិញ្ញាបត្រនៅសាកលវិទ្យាល័យភូមិន្ទភ្នំពេញពី ធនាគា អ៊ូរី ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 12/03/2025
សាកលវិទ្យាល័យភូមិន្ទភ្នំពេញ ប្រកាសដល់សិស្សនិស្សិតដែលកំពុងសិក្សាឆ្នាំទី២ ទី៣ និងទី៤ ក្នុងឆ្នាំសិក្សា២០២៤-២០២៥ អំពីការផ្ដល់អាហារូបករណ៍សាច់ប្រាក់ពី ធនាគារ អ៊ូរី (ខេមបូឌា) ម.ក សម្រាប់និស្សិតនៃសាកលវិទ្យាល័យភូមិន្ទភ្នំពេញ។
កូរ៉េប្រកាសជ្រើសរើសបេក្ខភាពឱ្យទៅចូលរួមកម្មវិធី K-POP as Global Cultural Industry
ព័ត៌មានអាហារូបករណ៍, ព្រឹត្តិការណ៍
• 20/05/2026
សាធារណរដ្ឋកូរ៉េ កំពុងប្រកាសជ្រើសរើសបេក្ខភាពចំនួន ២០ រូប ពីតំបន់ និងស្ថាប័នខុសៗគ្នា ដើម្បីឱ្យទៅចូលរួមកម្មវិធីK-POP as Global Cultural Industry របស់ Korea Development Institute (KDI) សម្រាប់ឆ្នាំ២០២៦ នេះ។
ឱកាសសិក្សាអាហារូបករណ៍ចំនួន២១០កន្លែងនៅវិទ្យាស្ថានបច្ចេកវិទ្យាកម្ពុជា មណ្ឌលតេជោ ហ៊ុន សែន ចំការដូងខេត្តកែប
ព័ត៌មានអាហារូបករណ៍, ព្រឹត្តិការណ៍
• 11/10/2024
វិទ្យាស្ថានបច្ចេកវិទ្យាកម្ពុជា ប្រកាសជ្រើសរើសនិស្សិតចូលសិក្សាថ្នាក់កម្រិតវិស្វករ និងកម្រិតបរិញ្ញាបត្ររងវិស្វកម្ម នៅមណ្ឌល តេជោ ហ៊ុន សែន ចំការដូង (ខេត្តកែប) ជាច្រើននាក់។ ក្នុងនោះវិទ្យាស្ថាននឹងផ្ដល់ឱកាសសិក្សាអាហារូបករណ៍ចំនួន២១០កន្លែង។
អាហារូបករណ៍កម្មវិធីអ្នកដឹកនាំវ័យក្មេង កម្ពុជា-ឡាវ (CLYLP) ទៅកាន់ប្រទេសនូវែលសេឡង់
ព័ត៌មានអាហារូបករណ៍, ព្រឹត្តិការណ៍
• 23/04/2026
តើអ្នកជាអ្នកដឹកនាំវ័យក្មេងដែលកំពុងបម្រើការងារក្នុងសហគមន៍ ឬអង្គការសង្គមស៊ីវិលមែនទេ? កម្មវិធីអ្នកដឹកនាំវ័យក្មេង កម្ពុជា-ឡាវ (Cambodia Laos Young Leaders Programme - CLYLP) កំពុងបើកទទួលពាក្យសម្រាប់បេក្ខជន...
រដ្ឋាភិបាលចិនប្រកាសផ្តល់អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិត MOFCOM 2026
ព័ត៌មានអាហារូបករណ៍, ព្រឹត្តិការណ៍
• 28/04/2026
ស្ថានទូតនៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា បានជូនដំណឹងជាផ្លូវការហើយ ពីការផ្តល់អាហារូបករណ៍របស់ក្រសួងពាណិជ្ជកម្មចិន (MOFCOM Scholarship) សម្រាប់ឆ្នាំសិក្សា ២០២៦
កម្មវិធីពិសេសរបស់ AMS EDUCATION
ព័ត៌មានសង្ខេប
