ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – នៅសល់ពេលមិនដល់មួយខែទៀតឡើយ ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) នឹងចូលមកដល់ ហើយកំឡុងពេលនេះសិស្សានុសិស្សដែលជាបេក្ខជនប្រឡងទាំងអស់ក៏កំពុងយកចិត្តទុកដាក់ត្រៀមខ្លួនដើម្បីបញ្ចេញសមត្ថភាពលើការប្រឡងដ៏មានសារៈសំខាន់នេះ ។ ទន្ទឹមគ្នានេះ សម្រាប់ប្អូនៗសិស្សានុស្សិសដែលចង់ប្រឡងជាប់លើមុខវិជ្ជាគណិតវិទ្យាអស់បារម្ភហើយ AMS បានជួបសម្ភាសន៍ផ្ទាល់ជាមួយ លោក សាន គឹមស័ង ជាអតីតសិស្សនិទ្ទេស A ឆ្នាំ២០១៩ និងជាសិស្សពូកែគណិតវិទ្យាទូទាំងប្រទេស បានចែករំលែកពីវិធីសាស្រ្តប្រឡងគណិតវិទ្យាឱ្យទទួលបាននិទ្ទេសល្អ ។
បើតាម គឹមស័ង ដើម្បីប្រឡងជាប់មុខវិជ្ជាគណិតវិទ្យា និងទទួលបាននិទ្ទេសល្អសិស្សថ្នាក់ទី១២ ត្រូវអនុវត្ត ៥ចំណុច ក្នុងនោះរួមមាន៖
ទី១. កំណត់ផែនការយកនិទ្ទេសល្អ ៖ ផែនការត្រូវធ្វើដោយផ្អែកតាមឯកសារត្រូវរៀន និងពេលវេលារៀន។ ជាក់ស្ដែង ប្រសិននៅសល់ពេលជិតមួយខែមុនប្រឡង មានសៀវភៅ៤ក្បាលសម្រាប់មើល ដោយសៀវភៅ១ក្បាលៗត្រូវមើលឱ្យចេះ និងចប់មុន១សប្តាហ៍ ហើយទុកពេលខ្លះសម្រាប់រំលឹកឡើងវិញ ។ លើសពីនេះ បើសៀវភៅ១ក្បាលមាន៨០-១០០លំហាត់ត្រូវគិតថា ១ថ្ងៃមើលប៉ុន្មានហាត់? ហើយលៃពេលយ៉ាងណាធ្វើលំហាត់ឱ្យអស់តាមផែនការ និងព្យាយាមឱ្យអស់លទ្ធភាព។
ទី២. រៀនឱ្យចំទិសដៅ ៖ ការរៀនឱ្យចំទិសដៅជាការរៀនឱ្យត្រូវនឹងប្រភេទលំហាត់ដែលនឹងចេញក្នុងវិញ្ញាសាប្រឡង ។ ចំណុចនេះ សិស្សានុសិស្សត្រូវមានសៀវភៅឯកសារសម្រាប់រៀនត្រៀមប្រឡងមុខវិជ្ជាគណិតវិទ្យា ជាពិសេសត្រូវមានវិញ្ញាសាប្រឡងសញ្ញាបត្រមធ្យមសិក្សាទុតិយភូមិ ថ្នាក់វិទ្យាសាស្រ្ត ឆ្នាំ២០១៤-២០១៧។ លើសពីនេះ ពិនិត្យវិញ្ញាសាទាំងនោះឱ្យដឹងពីប្រភេទលំហាត់ធ្លាប់ចេញ រួចសន្និដ្ឋានថា តើប្រភេទលំហាត់បែបណាដែលអាចចេញប្រឡង? ហើយលំហាត់ដែលចេញអាចមានប្រភពនៅឯណា?
ទី៣. រៀនមេរៀនឱ្យបានច្បាស់លាស់ ៖ រៀនមេរៀន គឺរៀនឱ្យយល់ពីរូបមន្ត ឬទ្រឹស្តីបទនានាដែលជាចំណេះមូលដ្ឋាន និងជាដើមទុនយ៉ាងសំខាន់ក្នុងការដោះស្រាយលំហាត់គ្រប់ប្រភេទ ។ ហេតុនេះ រាល់រូបមន្ត ឬទ្រឹស្តីបទសិស្សត្រូវរៀនឱ្យចេះពីរបៀបដោះស្រាយលំហាត់។ បន្ថែមពីនេះ គួររៀនធ្វើឬមើលឧទាហរណ៍គំរូមួយចំនួនដើម្បីយល់ និងចេះប្រើប្រាស់រូបមន្តឱ្យបានច្បាស់។
ទី៤. រៀនធ្វើលំហាត់ ៖ ក្រោយពីរៀនមេរៀនបានច្បាស់លាស់រួច ជាពេលសម្រាប់ធ្វើលំហាត់ប្រឡងសាកល្បងឱ្យដូចពេលប្រឡងបាក់ឌុប ដោយជ្រើសពីវិញ្ញាសាចាស់ៗ ឬឯកសារនានា និងក្រដាសប្រឡងមកអនុវត្ត និងកំណត់ពេលវេលាឱ្យបានត្រឹមត្រូវ។ ទន្ទឹមគ្នានេះ ការធ្វើលំហាត់តាមសៀវភៅឯកសារនានាគួរខំដោះស្រាយលំហាត់ឱ្យអស់ពីសមត្ថភាពសិនរួចចាំផ្ទៀងផ្ទាត់ចម្លើយជាក្រោយ។ លើសពីនេះ ការប្រឡងសាកល្បងដោយខ្លួនឯងក៏ត្រូវរើសទីកន្លែងដែលមិនមានការរំខាន ទាំងកន្លែងអង្គុយ សម្លៀកបំពាក់ត្រូវអនុវត្តដូចការប្រឡងជាក់ស្ដែង ។ ក្រោយពីផ្ទៀងផ្ទាត់អត្រាកំណែរួចហើយយើងអាចដឹងពីចំណុចខ្វះខាតរបស់ខ្លួនឯងហើយរកវិធីកែលម្អបានទាន់ពេលវេលា ។
«សិស្សធ្វើលំហាត់កាន់តែច្រើនកាន់តែល្អមុនពេលប្រឡង ព្រោះជាវិធីជួយបង្កើនសមត្ថភាពដោះស្រាយលំហាត់ ចេះគ្រប់គ្រងពេលវេលា បង្កើនការចងចាំ និងជួយកែតម្រូវចំណុចខ្សោយនៅពេលប្រឡង»
លោក សាន គឹមស័ង
ទី៥. អំឡុងពេលប្រឡង ៖ សិស្សប្រឡងបាក់ឌុបចាប់បាច់ត្រូវផ្តោតការយកចិត្តទុកដាក់ចំពោះមុខវិជ្ជាដែលកំពុងប្រឡងប៉ុណ្ណោះ ដោយឈប់បារម្ភ និងខ្វល់ខ្វាយពីមុខវិជ្ជាដែលបានប្រឡងរួច និងមុខវិជ្ជាដែលត្រូវប្រឡងជាបន្តបន្ទាប់ ។ លើសពីនេះ វិធីសាស្រ្តពេលប្រឡងដែលមានប្រសិទ្ធភាពសម្រាប់សិស្ស មានគោលដៅចង់បាននិទ្ទេស A គួរធ្វើលំហាត់តាមលំដាប់លំដោយនៅក្នុងវិញ្ញាសារប្រឡង ។ ការធ្វើបែបនេះ ជួយឱ្យសិស្សចំណេញពេលវេលា មានថាមពលគ្រប់គ្រាន់ និងមានអារម្មណ៍ល្អពេលសរសេរកិច្ចការប្រឡង ។ ម៉្យាងវិញទៀត សិស្សានុសិស្សក៏អាចធ្វើលំហាត់មួយណាដែលខ្លួនឯងចេះ និងគិតថាងាយស្រួលមុន ក៏អាចជួយឱ្យការប្រឡងទទួលបានលទ្ធផលល្អផងដែរ ។
គួរជម្រាបជូនថា ការប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២១-២០២២ នឹងប្រព្រឹត្តិទៅនៅថ្ងៃទី២៧ ខែធ្នូ ឆ្នាំ២០២១ ដោយក្នុងនោះបែងចែកជាពីរថ្នាក់ គឺថ្នាក់វិទ្យាសាស្រ្តពិត និងថ្នាក់វិទ្យាសាស្រ្តសង្គម៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
មជ្ឈមណ្ឌលបណ្ដុះបណ្ដាលវិជ្ជាជីវៈខេត្តរតនគិរី ផ្តល់ការសិក្សាជំនាញ១១ ដោយឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 18/11/2024
មជ្ឈមណ្ឌលបណ្ដុះបណ្ដាលវិជ្ជាជីវៈខេត្តរតនគិរី បានប្រកាសផ្តល់ការសិក្សាជំនាញចំនួន១១ ដោយឥតគិតថ្លៃ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ក៏ដូចជាកម្មករនិយោជិកក្រៅប្រព័ន្ធ។
ឱកាសសិក្សានៅសាកលវិទ្យាល័យ Aarhus ពីកម្មវិធីអាហារូបករណ៍ប្រទេសដាណឺម៉ាក ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍, អាហារូបករណ៍
• 06/09/2024
ឱកាសទទួលបានការសិក្សាអាហារូបករណ៍នៅសាកលវិទ្យាល័យ Aarhus ពីកម្មវិធីអាហារូបករណ៍ដាណឺម៉ាកសម្រាប់ឆ្នាំសិក្សា២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់សម្រាប់មុនវិជ្ជាផ្សេងៗ និងផ្ដល់ជូននិស្សិតអន្តរជាតិជាច្រើនកន្លែង។
អាហារូបករណ៍ថ្នាក់បរិញ្ញាបត្រជាន់ខ្ពស់ជំនាញបច្ចេកវិទ្យាឌីជីថលចំនួន១០០កន្លែងសម្រាប់ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 02/12/2024
តាមរយៈក្រសួងប្រៃសណីយ និងទូរគមនាគមន៍ (ក.ប.ទ) ប្រកាសជ្រើសរើសសិស្សនិស្សិត និងសាធារណជនចូលសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ចំនួន១០០នាក់ ដើម្បីសិក្សាលើជំនាញបច្ចេកវិទ្យាឌីជីថល នៅបណ្ឌិត្យសភាបច្ចេកវិទ្យាឌីជីថលកម្ពុជា...
ឱកាសសិក្សាអាហារូបករណ៍ថ្នាក់ឧត្តមសិក្សាពីកម្មវិធីអាហារូបករណ៍ Fulbright ឆ្នាំសិក្សា២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 24/02/2025
កម្មវិធីអាហារូបករណ៍ Fulbright ប្រកាសបើកទទួលពាក្យ អាហារូបកណ៍ Fulbright ឆ្នាំសិក្សា២០២៦-២០២៧ សម្រាប់ការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសហរដ្ឋអាមេរិក។
អាហារូបករណ៍សិក្សាជំនាញផលិតភាពយន្តឯកសារ និងពហុប្រព័ន្ធផ្សព្វផ្សាយ ពីមជ្ឈមណ្ឌលបុប្ផាណា
ព័ត៌មានអាហារូបករណ៍, ព្រឹត្តិការណ៍
• 28/05/2025
មជ្ឈមណ្ឌលធនធានសោតទស្សន៍បុប្ផាណា ប្រកាសជ្រើសរើសសិស្សដែលចង់សិក្សាជំនាញផលិតភាពយន្ត និងពហុប្រព័ន្ធផ្សព្វផ្សាយ ក្នុងវគ្គបណ្ដុះបណ្ដាលផ្នែកផលិតភាពយន្តឯកសារ និងពហុប្រព័ន្ធផ្សព្វផ្សាយក្រោមការឧបត្ថម្ភពីមូនិធិហេនរីលូស៍...
អាហារូបករណ៍ថ្នាក់ឧត្ដមសិក្សាពីកម្មវិធី Abu Dhabi University ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 27/08/2025
ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Abu Dhabi University ពីកម្មវិធី Abu Dhabi University Scholarship 2026 នៃប្រទេសអេមីរ៉ាតអារ៉ាប់រួម។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្ររយៈពេល៤ឆ្នាំ
វគ្គបណ្តុះបណ្តាលភាពយន្តខ្លីកម្ពុជា២០២៥ បើកទទួលពាក្យ
ព័ត៌មានអាហារូបករណ៍, ព្រឹត្តិការណ៍
• 05/06/2025
ក្រោមគំនិតផ្តួចផ្តើមរបស់ក្រសួងវប្បធម៌ និងវិចិត្រសិល្បៈ ដែលមានគោលបំណងចូលរួមចំណែកក្នុងការធ្វើឱ្យប្រសើរឡើងនូវវិស័យឧស្សាហកម្មភាពយន្តកម្ពុជា ដោយធ្វើការកសាងសមត្ថភាព ពង្រឹងជំនាញ និងបង្កើតឱកាសសម្រាប់យុវជន...
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យបច្ចេកវិទ្យាប៉េកាំងឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 06/12/2024
តាមរយៈសាកលវិទ្យាល័យភូមិន្ទភ្នំពេញ បានប្រកាសអំពីអាហារូបករណ៍រដ្ឋាភិបាលចិន ដែលនឹងជ្រើសរើសនិស្សិតកម្ពុជាទៅបន្តការសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យបច្ចេកវិទ្យាប៉េកាំង សម្រាប់ឆ្នាំសិក្សា២០២៥។
កម្មវិធីពិសេសរបស់ AMS EDUCATION
ព័ត៌មានសង្ខេប
