ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានបច្ចេកទេសឧស្សាហកម្ម (ITI) បានប្រកាសជ្រើសរើសសិស្ស និស្សិតទាំងពីរភេទឱ្យចូលរៀនជំនាញបច្ចេកទេស និងវិជ្ជាជីវៈ ថ្នាក់អាហារូបករណ៍ចំនួន ៣៤៨៥នាក់។
ជំនាញដែលអាហារូបករណ៍ផ្តល់ជូនសម្រាប់ថ្នាក់សញ្ញាបត្រជាន់ខ្ពស់បច្ចេកទេស រួមមាន ៖ ព័ត៌មានវិទ្យា ៣៥នាក់, ពាណិជ្ជកម្មអេឡិចត្រូនិច ៣០នាក់, វិស្វកម្មរថយន្ត ៦០នាក់, បរិក្ខាត្រជាក់ ៤០នាក់, វិស្វកម្មលោហៈ ចំនួន៤០នាក់, វិស្វកម្មអគ្គិសនី ចំនួន ៨០នាក់ និងលោហៈបន្ទះបន្សារ ចំនួន៤០នាក់។
ថ្នាក់សញ្ញាបត្របច្ចេកទេស និងវិជ្ជាជីវៈ ១ ២ ៣ (C1 C2 C3) ៖ ការដំឡើងបណ្តាញអគ្គិសនីក្នុងអគារ, ការថែទាំ និងជួសជុលរថយន្ត , ការថែទាំ និងជួសជុលអគ្គិសនីរថយន្ត, ការថែទាំ និងជួសជុលម៉ាស៊ីនត្រជាក់រថយន្ត, ការថែទាំ និងជួសជុលម៉ាស៊ីនធុនតូច, ការថែទាំ និងជួសជុលរថយន្តហ្វដ, ការផ្សារអគ្គិសនី, ការផ្សារឧស្ម័ន, ការផ្សារលោហៈដោយធ្នូអគ្គិសនី(ធូប), ការបន្ស៊ីលោហៈ, សេវាកម្មកុំព្យូទ័រ, ការរចនាក្រាហ្វិចដោយកុំព្យូទ័រ, សេវាកម្មបរិក្ខាត្រជាក់ក្នុងគេហដ្ឋាន, ការថែទាំ និងជួសជុលជណ្តើរយន្ត និង សេវាកម្មគ្រប់គ្រងយានដ្ឋាន សរុបចំនួន ៣១៦០នាក់។
លក្ខខណ្ឌនៃការជ្រើសរើស សម្រាប់សញ្ញាបត្រជាន់ខ្ពស់បច្ចេកទេស បេក្ខជនត្រូវមានសញ្ញាបត្របច្ចេកទេស និងវិជ្ជាជីវៈ៣ ជាប់ ឬធ្លាក់មធ្យមសិក្សាទុតិយភូមិ ឬសញ្ញាបត្រដែលមានតម្លៃស្មើ, សញ្ញាបត្របច្ចេកទេស និងវិជ្ជាជីវៈ ១ (C1) ដល់យុវជនមកពីគ្រួសារក្រីក្រ និងគ្រួសារដែលងាយរងហានិភ័យ១លាន៥សែននាក់ (បញ្ជាក់៖ បេក្ខជនដែលស្ថិតក្នុងគ្រួសារមានប័ណ្ណសមធម៌ ឬគ្រួសារដែលងាយរងហានិភ័យត្រូវបានផ្តល់អាទិភាព ព្រមទាំងផ្តល់អាហារូបករណ៍១០០ភាគរយ និងទទួលបានប្រាក់ឧបត្ថម្ភ ដោយតម្រូវភ្ជាប់មកជាមួយនូវប័ណ្ណសមធម៌ និងអត្តសញ្ញាណប័ណ្ណថតចម្លង។
សម្រាប់សញ្ញាបត្របច្ចេកទេស និងវិជ្ជាជីវៈ២ (C2) បេក្ខជនត្រូវមានសញ្ញាបត្របច្ចេកទេស និងវិជ្ជាជីវៈ១, សម្រាប់សញ្ញាបត្របច្ចេកទេស និងវិជ្ជាជីវៈ៣ (C3) បេក្ខជនត្រូវមានសញ្ញាបត្របច្ចេកទេស និងវិជ្ជាជីវៈ២។
កាលបរិច្ឆេទទទួលពាក្យ គឺចាប់ពីថ្ងៃផ្សាយដំណឹងនេះ រហូតដល់ថ្ងៃទី៥ ខែមករា ឆ្នាំ២០២៤ ។ កាលបរិច្ឆេទប្រឡងជ្រើសរើស នៅថ្ងៃទី១២ ខែមករា ឆ្នាំ២០២៤ និងកាលបរិច្ឆេទប្រកាសលទ្ធផលនៅថ្ងៃទី១៩ ខែមករា ឆ្នាំ២០២៤។កាលបរិច្ឆេទចូលរៀន ថ្ងៃទី២២ ខែមករា ឆ្នាំ២០២៤។
ព័ត៌មានបន្ថែមសូមទាក់ទងទៅកាន់វិទ្យាស្ថានដែលមានទីតាំងស្ថិតនៅតាមបណ្តោយមហាវិថីសហព័ន្ធរុស្ស៊ី ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ ឬទំនាក់ទំនងតាមរយៈទូរស័ព្ទលេខ ០៧០ ៧១៩ ៦០០, ០៨៧ ៥២៥ ៥០៩ (ការិយាល័យជំនាញ)៕
