ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – មេរៀនវ៉ិចទ័រក្នុងលំហ គឺជាមេរៀនមួយដែលនៅខាងក្រោយនៃសៀវភៅថ្នាក់ទី១១ ស្ថិតនៅផ្នែកកម្រិតខ្ពស់ ។ អ្វីដែលជាបញ្ហាសម្រាប់មេរៀននេះ គឺសិស្សានុសិស្សភាគច្រើនសិក្សាបានតែនៅក្នុងសៀវភៅ ដោយមិនបានយល់ដឹងបន្ថែមពីសារៈប្រយោជន៍នៃមេរៀនមួយនេះយកទៅអនុវត្តនៅក្នុងជីវភាពប្រចាំថ្ងៃនោះឡើយ។ ដោយឃើញពីបញ្ហានេះ យុវជនមួយក្រុមដែលបានដាក់ឈ្មោះថា Fourter បានបង្កើតគម្រោង «បំណងប្រាថ្នា» ផ្សារភ្ជាប់មេរៀនវ៉ិចទ័រក្នុងលំហចូលទៅក្នុងជីវភាពរស់នៅប្រចាំថ្ងៃ ដើម្បីឱ្យសិស្សបានស្វែងយល់កាន់តែច្បាស់ពីបច្ចេកវិទ្យាមួយនេះ។
យុវសិស្ស រស់ ណូអែលរង្សី ជាសិស្សថ្នាក់ទី១២ នៃសាលាអ៊ីធូស្ទែម ព្រះយុគន្ធរ និងជាប្រធានក្រុម Fourter និយាយថា ស្របពេលដែលបច្ចុប្បន្នជាសម័យបដិវត្តន៍ឧស្សាហកម្ម៤.០ ធ្វើឱ្យពិភពលោកទាំងមូលមានការប្រកួតប្រជែងគ្នាជាខ្លាំងលើបចេ្ចកវិទ្យាផ្សេងៗ។ ទន្ទឹមគ្នានេះ បើក្រឡែកទៅមើលសម័យមុនវិញកាលមិនទាន់មានកុំព្យូទ័រ ឬបច្ចេកវិទ្យាថ្មីៗនោះ មនុស្សគូសប្លង់ ឬរូប 3D ដោយប្រើប្រាស់ក្រដាស់ដើម្បីគូស តែបើក្រឡែកមកមើលបច្ចុប្បន្នវិញ មានកុំព្យូទ័រនិងបចេ្ចកវិទ្យាទំនើបៗដែលធ្វើឱ្យមនុស្សអាចគូសនៅក្នុងកុំព្យូទ័រហើយធ្វើការ Print ចេញមកក្រៅក៏បាន ។
យុវសិស្ស រស់ ណូអែលរង្សី
“ប្រសិនជាយើងមិនបន្ថែមនូវការអនុវត្តការរស់នៅប្រចាំថ្ងៃចូលនោះទេ វានឹងធ្វើឱ្យសិស្សនុសិស្សដែលបានឡើងមករៀនថ្នាក់ទី១១ថ្មី ជួបផលលំបាកនៅពេលដែលគាត់ចូលរៀននៅសាកវិទ្យាល័យ ប៉ុន្តែបើយើងយល់ដឹងពីការអនុវត្តហើយនោះ នៅពេលចូលសាកលវិទ្យាល័យធ្វើឱ្យយើងមានគ្រឹះរួចជាស្រេចដើម្បីត្រៀមខ្លួនក្នុងការបកស្រាយ និងពន្យល់ពីបញ្ហាដែលបានចោទសួរ”
យុវតី វិន នារីរតនៈ ជាសិស្សថ្នាក់ទី១២ នៃសាលាអ៊ីធូស្ទែម ព្រះយុគន្ធរ និងជាសមាជិកក្រុមមួយរូប និយាយថា វ៉ិចទ័រក្នុងលំហប្រើប្រាស់ក្នុងជីវភាពជាក់ស្ដែងសឹងតែគ្រប់វិស័យ ដូចជា នៅក្នុងវិស័យសុខាភិបាលគេអនុវត្តទៅលើ៤ចំណុចសំខាន់ៗក្នុងបច្ចេកវិទ្យាវេជ្ជសាស្រ្ត ដូចជា ទី១. ការឆ្លុះ X-Rays ទី២. Computed Tomography Scans ឬ CT Scans ទី៣. Magnetic Resonance imaging (MRI) និងទី៤ Bio Printing ។
យុវតី វិន នារីរតនៈ បន្តថា ក្នុងវិស័យសិល្បៈ បានអនុញ្ញាតិឱ្យវិចិត្រករគូសគំនូរព្រីន ឬរូបថតរបស់ពួកគេ ដើម្បីបង្កើតស្នាដៃដ៏អស្ចារ្យចេញពីកុំព្យូទ័រ ។ មិនត្រឹមតែប៉ុណ្ណោះ ការបោះពុម្ភជាប្រភេទ 3D មានគោលបំណងពង្រឹកវិសាលភាពក្នុងការរចនា និងលើកស្ទួយវប្បធម៌ច្នៃប្រឌិតផ្នែកសោភ័ណភាពជាដើម។ ចំណែកស្ថាបត្យកម្ម គឺជាវិស័យមួយដែលត្រូវការ 3D ច្រើនជាងគេព្រោះ 3D អាចអនុញ្ញាតិឱ្យការសាងសង់វត្ថុដែលមានរាងស្មុគស្មាញ ឬតាមតម្រូវការកាន់តែរហ័ស និងត្រឹមត្រូវជាងមុនព្រមទាំងកាត់បន្ថយថ្លៃដើមការងារ និងផលិតកាកសំណល់តិច។ មិនត្រឹមតែប៉ុណ្ណោះវាអាចអនុវត្តបានទៅលើបរិស្ថានដ៏អាក្រក់ ឬគ្រោះថ្នាក់មិនសមស្របនិងកម្លាំងពលកម្មមនុស្សដូចជានៅក្នុងលំហ។
យុវតី សល់ លីហ៊ន់ សិស្សថ្នាក់ទី១២ នៃសាលាអ៊ីធូស្ទែម ព្រះយុគន្ធរ និងជាសមាជិកក្នុងក្រុម Fourter ដែរនោះនិយាយថា អ្វីដែលជាបញ្ហាធ្វើឱ្យក្រុមពួកគេជ្រើសរើសយកគម្រោងនេះមកនិយាយមាន២កត្តា គឺកត្តាគ្រូ និងកត្តាសិស្ស។ កត្តាគ្រូ នោះគឺលោកគ្រូ អ្នកគ្រូព្យាយាមបញ្ចប់មេរៀនទៅតាមកិច្ចតែងការដែលបានចែងមកដែលជាមូលហេតុធ្វើឱ្យពួកគាត់មិនបានលំអិតទៅលើបម្រើបម្រាស់នៃមេរៀនប្រចាំថ្ងៃនៃមេរៀននេះទេ។ ចំណែក កត្តាសិស្សវិញ គឺដោយសារតែសិស្សមានផ្នត់គំនិតមួយថា រៀនគឺដើម្បីតែប្រឡង ដូច្នេះហើយទើបមិនបានស្រាវជ្រាវបន្ថែមទៅលើមេរៀននេះ។ ម៉្យាងវិញទៀត គឺសិស្សតែងតែប្រឹងទៅលើលំហាត់ជាជាងការយល់ទៅលើខ្លឹមសារមេរៀនទាំងមូល។
យុវសិស្ស រស់ ណូអែលរង្សី បន្ថែមថា ចំពោះដំណោះស្រាយវិញ គឺបន្ថែមមេរៀនវ៉ិចទ័រក្នុងលំហតាំងពីថ្នាក់អនុវិទ្យាល័យ, បង្កើតកម្មវិធីបែប 3D competition ឱ្យបានច្រើន ដូចជា ការប្រកួតរ៉ូប៊ូតលើទឹក, បង្កើតខ្សែភាពយន្តដែលមានលក្ខណៈ 3D ឱ្យបានច្រើន, ឱ្យកុមារស្គាល់ពី 3D shape ឱ្យច្រើនដូចជា LEGO និង Blocks ជាដើម។ រាល់កិច្ចការផ្ទះដែលទាក់ទងនឹងការអនុវត្តរបស់មេរៀនគ្រូដាក់ឱ្យសិស្សធ្វើរួចធ្វើបទបង្ហាញ និងចែករំលែកនៅក្នុងថ្នាក់ ។
យុវសិស្ស រស់ ណូអែលរង្សី
“នៅពេលគម្រោងនេះ មានការទទួលស្គាល់ពីក្រសួងអប់រំ យុវជន និងកីឡា ក្រុមរបស់ពួកខ្ញុំមានអារម្មណ៍សប្បាយរីករាយ ដោយខ្ញុំបានបញ្ចេញអ្វីដែលខ្ញុំបានមើលឃើញ និងអាចប្រាប់ទៅវិស័យអប់រំនៅកម្ពុជាថា ពួកយើងគួរងាកមកមើលប្រភេទ 3D ជាមួយការបម្រើបម្រាស់ប្រចាំថ្ងៃ ជាងជាងការរៀនទៅតាមទ្រឹស្ដី ឬរូបមន្តដែលមានត្រឹមតែនៅក្នុងសៀវភៅ”
ប្រធានក្រុម Fourter សង្ឃឹមថា តាមរយៈគម្រោងនេះ សិស្សានុសិស្សវិទ្យាល័យអាចយល់ពីមូលដ្ឋានគ្រឹះរបស់មេរៀននេះពីថ្នាក់មធ្យមសិក្សាទៅបន្តិចម្តងៗដោយសារតែមេរៀននេះមិនងាយស្រួលក្នុងការយល់ដោយប្រើរយៈពេលខ្លីនោះទេ គឺត្រូវការពេលវេលាក្នុងការស្វែងយល់មុនពេលចូលទៅសកលវិទ្យាល័យ។ ម៉្យាងវិញទៀត ការសិក្សាមេរៀននេះពីថ្នាក់តូចទៅគឺអាចជួយបណ្តុះគំនិតស្មារតីឱ្យយុវជនយុវតីខ្មែរមានទំនោរការងារទៅក្នុងវិស័យស្ទែម (STEM) កាន់តែច្រើន និងអាចអភិវឌ្ឍប្រទេសកម្ពុជាឱ្យរីកចម្រើនកាន់តែខ្លាំងនាពេលអនាគត៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់បណ្ឌិតនៅសាកលវិទ្យាល័យសាកលវិទ្យាល័យ United Arab Emirate ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 29/02/2024
ឱកាសសិក្សាអាហារូបករណ៍ថ្នាក់បណ្ឌិតនៅសាកលវិទ្យាល័យ United Arab Emirate ពីកម្មវិធីអាហារូបករណ៍ UEAU PHD នៅទីក្រុងឌូបៃឆ្នាំសិក្សា២០២៤។ ...
អាហារូបករណ៍ថ្នាក់ភាសាចិនរយៈពេល១ឆ្នាំ នៅសាកលវិទ្យាល័យ Yunnan Normal University
ព័ត៌មានអាហារូបករណ៍, ព្រឹត្តិការណ៍
• 23/05/2024
សាកលវិទ្យាល័យ Yunnan Normal Univercity ស្ថិតនៅទីក្រុងគុនមីង ខេត្តយូនណាន ប្រទេសចិន បានប្រកាសជ្រើសរើសនិស្សិតកម្ពុជាចំនួន៣០នាក់ សម្រាប់ការបណ្តុះបណ្តាលភាសាចិនរយៈពេល១ឆ្នាំ...
អាហារូបករណ៍ថ្នាក់បរិញ្ញាបត្រ និងថ្នាក់ក្រោយឧត្តម ទៅសិក្សានៅប្រទេសវៀតណាម
ព័ត៌មានអាហារូបករណ៍, ព្រឹត្តិការណ៍
• 06/05/2026
សម្រាប់សិស្សនិស្សិតដែលចង់បន្តការសិក្សាថ្នាក់បរិញ្ញាបត្រ ក៏ដូចជាថ្នាក់ក្រោយឧត្តមសិក្សានៅក្រៅប្រទេស, ពេលនេះ ក្រសួងអប់រំ យុវជន និងកីឡា បានប្រកាសជ្រើសរើសនិស្សិតអាហារូបករណ៍ដល់ទៅ ១២០កន្លែង...
អាហារូបករណ៍រដ្ឋាភិបាលជប៉ុននៅសាកលវិទ្យាល័យ Nagoya រយៈពេលមួយឆ្នាំ
ព័ត៌មានអាហារូបករណ៍, ព្រឹត្តិការណ៍
• 30/08/2024
ឱកាសសិក្សាអាហារូបករណ៍រយៈពេលមួយឆ្នាំនៅសាកលវិទ្យាល័យ Nagoya ពីអាហារូបករណ៍រដ្ឋាភិបាលជប៉ុនក្រោមកម្មវិធី YLP (Young Leaders’ Program) ផ្នែករដ្ឋបាលថែទាំសុខភាព។
ស្ថានទូតអាមេរិកប្រកាសបើកទទួលពាក្យអាហាររូបករណ៍ Fulbright U.S.-ASEAN សម្រាប់អ្នកស្រាវជ្រាវ និងមន្ត្រីជំនាញ ឆ្នាំ២០២៦
ព័ត៌មានអាហារូបករណ៍, ព្រឹត្តិការណ៍
• 31/12/2025
ផ្នែកការទូតសាធារណៈនៃស្ថានទូតសហរដ្ឋអាមេរិក បានប្រកាសជាផ្លូវការនូវការបើកទទួលពាក្យសុំអាហាររូបករណ៍ Fulbright U.S.-ASEAN Visiting Scholar សម្រាប់ឆ្នាំ២០២៦ ដើម្បីផ្តល់ឱកាសដល់សាស្ត្រាចារ្យសកលវិទ្យាល័យ...
អាហារូបករណ៍ពីកម្មវិធី UWC សម្រាប់សិស្សវិទ្យាល័យឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 03/12/2024
កម្មវិធី United World College (UWC) ប្រកាសផ្ដល់ឱកាសសិក្សាអាហារូបករណ៍ដល់សិស្សកម្ពុជា ដែលកំពុងសិក្សានៅវិទ្យាល័យ ចំនួន៥កន្លែងសម្រាប់ឆ្នាំសិក្សា២០២៥ ដល់ ២០២៧។ អាហារូបករណ៍ផ្ដល់ជូនការសិក្សានៅប្រទេសជប៉ុន ប្រទេសចិន...
ឱកាសអាហារូបករណ៍ Dr Goh Keng Swee (GKS) សម្រាប់ឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 06/01/2025
អាហារូបករណ៍ Dr Goh Keng Swee (GKS) ដែលជាអាហារូបករណ៍ឯកជនគ្រប់គ្រងដោយសមាគមធនាគារនៅសិង្ហបុរី។ ជារៀងរាល់ឆ្នាំ អាហារូបករណ៍តែងតែផ្តល់ជូនដល់បុគ្គលឆ្នើម ដែលមកពីប្រទេសក្នុងតំបន់អាស៊ីប៉ាស៊ីហ្វិកចំនួន ១៥ រួមមាន ប្រ៊ុយណេ កម្ពុជា...
ឱកាសផ្លាស់ប្ដូរការសិក្សាទៅសាកលវិទ្យាល័យ Chulalongkorn នៃកម្មវិធី AMIS Programme
ព័ត៌មានអាហារូបករណ៍, ព្រឹត្តិការណ៍
• 24/01/2024
ឱកាសផ្លាស់ប្ដូរការសិក្សានៅសាកលវិទ្យាល័យChulalongkorn នៃកម្មវិធី Asian International Mobility for Student និង The ASEAN University Network-ASEAN Credit Transfer ...
អាហារូបករណ៍ទៅសិក្សានៅប្រទេសរុស្ស៊ីចំនួន ៤០កន្លែង សម្រាប់ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 08/01/2025
ជាឱកាសសម្រាប់សិស្ស និស្សិត និងមន្រ្តីរាជការកម្ពុជា ដែលចង់បន្តការសិក្សាថ្នាក់ជំនាញឯកទេស បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត នៅសហព័ន្ធរុស្ស៊ី។ ពេលនេះរដ្ឋាភិបាលរុស្ស៊ីបានផ្តល់អាហារូបករណ៍ចំនួន ៤០កន្លែង សម្រាប់ឆ្នាំសិក្សា២០២៥-២០២៦។
កម្មវិធីពិសេសរបស់ AMS EDUCATION
ព័ត៌មានសង្ខេប
