ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការមិនអាចផ្តោតអារម្មណ៍គឺជាបញ្ហាដែលយើងទាំងអស់គ្នាតែងជួបប្រទះ ជាពិសេសនៅក្នុងយុគសម័យបច្ចេកវិទ្យានេះ, តែយ៉ាងណានៅក្នុងអត្ថបទនេះ យើងនឹងបង្ហាញពីវិធីសាមញ្ញចំនួន៤ ដែលអាចជួយអ្នកបង្កើនផលិតភាព ក្នុងការរៀនសូត្រ ឬធ្វើការឱ្យបានល្អជាងមុន។
១. បិទ ឬដាក់ទូរស័ព្ទឆ្ងាយពីខ្លួន ៖ អ្នកវិទ្យាសាស្ត្របានរកឃើញថា ការមើលទូរស័ព្ទរាល់១០នាទីម្តង ធ្វើឱ្យខួរក្បាលមិនអាចផ្តោតអារម្មណ៍បានល្អឡើយ។ ដូច្នេះ នៅពេលសិក្សា ឬធ្វើការ គួរ បិទការជូនដំណឹង (Notifications), ដាក់ទូរស័ព្ទនៅកន្លែងដែលមើលមិនឃើញ ឬប្រើ App ដូចជា Fores ដើម្បីជំរុញខ្លួនឯងមិនឱ្យរវល់ជាមួយទូរស័ព្ទ។
២. ចាប់ផ្តើមពីកិច្ចការលំបាកមុន ៖ ខួរក្បាលមនុស្សមានថាមពលខ្ពស់បំផុតនៅពេលព្រឹក ឬក្រោយពេលសម្រាក។ ដូច្នេះ គួររៀបចំកិច្ចការដែលពិបាក ឬតម្រូវឱ្យគិតច្រើនមុន បន្ទាប់មកកិច្ចការងាយៗអាចធ្វើនៅពេលក្រោយ ពេលដែលអារម្មណ៍ចាប់ផ្តើមធុញ ។
៣. ប្រើបច្ចេកទេស Pomodoro ៖ វិធីសាស្រ្តដែលមានប្រសិទ្ធភាពខ្ពស់មួយទៀត គឺ Pomodoro Technique ដែលជាវិធីគ្រប់គ្រងពេលវេលាដ៏សាមញ្ញ ដោយប្រើគោលការណ៍ “សិក្សាយ៉ាងផ្តោត + សម្រាកខ្លី” ដូចជា សិក្សា/ធ្វើការផ្តោតអារម្មណ៍រយៈពេល ២៥-៣០នាទី, សម្រាក ៥នាទី (ដើរ ឬរលាក់ដៃជើង)។ ធ្វើដូច្នេះ ៤ដង ហើយសម្រាកយូរបន្តិច (១៥-៣០នាទី) ។ វិធីនេះជួយឱ្យខួរក្បាលបានសម្រាក ដោយមិនមានអារម្មណ៍ឆាប់ហត់នឿយ។
៤. បំបែកកិច្ចការធំជាបំណែកតូចៗ ៖ ការឃើញកិច្ចការធំៗអាចធ្វើឱ្យយើងមានអារម្មណ៍ធុញ និងខ្ជិល, ដូច្នេះ គួរចែកកិច្ចការធំជាជំហានតូចៗ (ឧទាហរណ៍៖ រៀន១ជំពូក → ចែកជា៣ផ្នែក)។ ធ្វើបញ្ជី (Checklist) ហើយសំគាល់ពេលបញ្ចប់រាល់ជំហាននីមួយៗ ដើម្បីជាការលើកទឹកចិត្តចំពោះខ្លួនឯង៕
