ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សាធារណរដ្ឋកូរ៉េ កំពុងប្រកាសជ្រើសរើសបេក្ខភាពចំនួន ២០ រូប ពីតំបន់ និងស្ថាប័នខុសៗគ្នា ដើម្បីឱ្យទៅចូលរួមកម្មវិធីK-POP as Global Cultural Industry របស់ Korea Development Institute (KDI) សម្រាប់ឆ្នាំ២០២៦ នេះ។
បើតាមក្រសួងអប់រំ យុវជន និងកីឡា សាធារណរដ្ឋកូរ៉េនឹងរៀបចំកម្មវិធី K-POP as a Global Cultural Industry ចាប់ពីថ្ងៃទី២២ ខែមិថុនា រហូតដល់ថ្ងៃទី២៤ ខែមិថុនា ឆ្នាំ២០២៦។ ការរៀបចំកម្មវិធីនេះឡើង គឺដើម្បីផ្តល់នូវចំណេះដឹងទាក់ទងនឹងគោលនយោបាយស្ថាប័ន និង អាជីវកម្ម ដល់អ្នករៀបចំគោលនយោបាយ អ្នកស្រាវជ្រាវ និងភាគីពាក់ព័ន្ធក្នុងវិស័យវប្បធម៌។
សម្រាប់ការទៅចូលរួម គឺភាគីកូរ៉េនឹងទទួលបន្ទុកលើការធ្វើដំណើរក្នុងស្រុក ការហូបចុក និងការបកប្រែ រីឯការស្នាក់នៅ (មានផ្តល់ការបញ្ចុះតម្លៃលើសណ្ឋាគារ) សំបុត្រយន្តហោះទៅ-មក និងការស្នើសុំទិដ្ឋាការ ជាបន្ទុករបស់អ្នកចូលរួម ដោយភាគីរៀបចំនឹងជ្រើសរើសបេក្ខភាព។
សាធារណជនទាំងពីរភេទ ដែលមានចំណាប់អារម្មណ៍ចំពោះកម្មវិធីខាងលើ អាចទាក់ទង និងបំពេញបែបបទ តាមរយៈគេហទំព័រ https://www.gkedc.go.kr/en ឬ https://www.kdi.re.kr/eng/ និងតាមរយៈអ៊ីម៉ែល kdi.kpop@gmail.com ចាប់ពីថ្ងៃផ្សាយដំណឹងនេះតទៅ៕
អត្ថបទ ៖ ឌិន ថារី
