វិធីសាស្ត្របង្រៀនតាមបែបថ្នាក់រៀនត្រឡប់ ជំរុញសិស្សគិតស៊ីជម្រៅ និងដោះស្រាយបញ្ហាដោយប្រើប្រាស់បច្ចេកវិទ្យា

ក្រសួងអប់រំ យុវជន និងកីឡា កំពុងជំរុញការអប់រំឌីជីថលតាមរយៈវិធីសាស្ត្របង្រៀនតាមបែបថ្នាក់រៀនត្រឡប់ (Flipped Classroom) និងវិធីសាស្ត្របង្រៀនតាមបែបទ្រឹះស្ដីស្ថាបនានិយម (Constructivism) ដើម្បីឱ្យសិស្សានុសិស្សទទួលបានគុណសម្បទាសតវត្សទី២១ ជំរុញឱ្យសិស្សមានការគិតស៊ីជម្រៅ ដោះស្រាយបញ្ហា សិក្សាបែបសហការ ដោយប្រើប្រាស់បច្ចេកវិទ្យា។

លោកស្រីបណ្ឌិត ឃួន វិច្ឆិកា អ្នកនាំពាក្យ​ក្រសួងអប់រំ យុវជន និង​កីឡា មានប្រសាសន៍ថា ក្រសួងអប់រំ បានដាក់ឱ្យប្រើប្រាស់ស្ដង់ដាសាលារៀនគំរូ តាមគ្រឹះស្ថានសាធារណៈពីមត្តេយ្យសិក្សាដល់មធ្យមសិក្សាចំណេះទូទៅ ក្នុងគោលបំណងចង់ឱ្យ​សិស្សានុសិស្សពេលរៀនចប់ក្រោយកម្រិតសិក្សាទុតិយភូមិ គឺមិនត្រឹមតែរៀនចំណេះដឹង និងការចងចាំប៉ុណ្ណោះទេ ប៉ុន្តែសិស្សានុសិស្សត្រូវមានគុណសម្បទាក្នុងសតវត្សទី២១។ ក្នុងនោះ រួមមាន វិជ្ជាសម្បទា (ចំណេះដឹង)​ បំណិនសម្បទា (ជំនាញ) ចរិយាសម្បទា (ឥរិយាបទ និងអត្តចរិត) កាយសម្បទា (សុខភាពមាំមួន) ដើម្បីអាចក្លាយជាពលរដ្ឋល្អបាន។

អ្នកនាំពាក្យក្រសួងអប់រំបន្ថែមថា វិធីសាស្ត្របង្រៀនតាមបែបថ្នាក់រៀនត្រឡប់ (Flipped Classroom) ជាវិធីសាស្រ្តឱ្យសិស្សានុសិស្សប្រើប្រាស់ធនធានសិក្សាដែលមា​ន ហើយរៀន ឬធ្វើកិច្ចការសលានៅផ្ទះបន្ថែមទៀត ដើម្បីឱ្យពេលចូលរៀននៅក្នុងថ្នាក់សិស្សអាចចូលរួមក្នុងការដោះស្រាយបញ្ហា ឬរៀនមេរៀនចំពោះមុខ ជាមួយមិត្តភក្ដិបានដោយជោគជ័យ។

លោកស្រីបណ្ឌិត បន្តថា វិធីសាស្ត្របង្រៀនតាមបែបថ្នាក់រៀនត្រឡប់ (Flipped Classroom) ជាវិធីសាស្រ្តបង្រៀនមួយដែលមានគោលដៅ បង្កើនការចូលរួមជាមួយសិស្សនៅក្នុងដំណើរការរៀន និងបង្រៀន។ ចំណែក វិធីសាស្ត្របង្រៀនតាមទ្រឹះស្ដី ស្ថាបនានិយម (Constructivism) ជាការសិក្សាមួយទូលំទូលាយ ដែលពាក់ព័ន្ធជាមួយទស្សនៈទានផ្សេៗទៀត។ ក្នុងនោះ សិស្សមានសមត្ថភាពនៅក្នុងការបង្កើតបញ្ញត្តិ ជំរុញសិស្សឱ្យ​មានការគិតបែបស៊ីជម្រៅ ដោះស្រាយបញ្ហាបានល្អ សិក្សាបែបសហការ និងអាច​​​​ធ្វើឱ្យសិស្សមានបំណិនសតវត្សទី២១ ជាពិសេសចេះស្រាវជ្រាវ ដែលអាចឱ្យគាត់ក្លាយជាពលរដ្ឋពេញលេញ។

ជាមួយគ្នានេះ កាលពីថ្ងៃទី ២០ ខែកុម្ភៈ ឆ្នាំ ២០២៤កន្លងទៅ ក្រុមការងារនៃយុទ្ធនាការមជ្ឈមណ្ឌលសម្រាប់ការអប់រំឌីជីថល និងការអប់រំពីចម្ងាយ នៃ​ក្រសួង​អប់រំ យុវជន និងកីឡា បានចុះទៅ​ធ្វើ​ការ​បណ្ដុះ​បណ្ដាល​ដល់​សិស្ស និងគ្រូបង្រៀនដោយផ្ទាល់ទៅតាមគ្រឹះស្ថានមធ្យមសិក្សា ពីវិធីសាស្ត្របង្រៀនតាមបែបថ្នាក់រៀនត្រឡប់ (Flipped Classroom) និងវិធីសាស្ត្របង្រៀនតាមទ្រឹះស្ដី ស្ថាបនានិយម (Constructivism) ដើម្បី​លើក​កម្ពស់​ស្តង់ដា​សាលា​រៀន​គំរូ តាមរយៈការអប់រំឌីជីថល។ ដំណាក់កាលដំបូងនេះ គឺធ្វើឡើងនៅ​តាម​វិទ្យាល័យ​​គោលដៅមួយចំនួននៅរាជធានីភ្នំពេញជាមុនសិន មុន​នឹង​ឈាន​ចុះ​ទៅ​វិទ្យាល័យ​តាម​បណ្ដា​ខេត្ត​។

ឯកឧត្តមបណ្ឌិត អ៊ុម រម្យណី រដ្ឋលេខាធិការក្រសួងអប់រំ យុវជន និងកីឡា

ឯកឧត្តមបណ្ឌិត អ៊ុម រម្យណី រដ្ឋលេខាធិការក្រសួងអប់រំ យុវជន និងកីឡា ​លើក​ឡើង​ថា ការប្រើប្រាស់វិធីសាស្ត្របង្រៀនថ្មីនេះ គឺមានភាពចាំបាច់ក្នុងសង្គមពេលបច្ចុប្បន្ន។ សិស្ស​ត្រូវសិក្សាស្វែងយល់មេរៀនពីផ្ទះជាមុនសិន ត្រៀមសំណួរនូវចំណុចដែលខ្លួនមិនយល់ ដើម្បី​សួរ​ទៅគ្រូបង្រៀន និងពិភាក្សាគ្នា នៅពេលដល់ម៉ោងសិក្សា។

គួរជម្រាបជូនថា ក្នុងការបណ្ដុះបណ្ដាលនេះ ក្រុមការងារនៃយុទ្ធនាការ ក៏បាន​ណែនាំ​ទៅ​សិស្ស​ឱ្យ​ប្រើប្រាស់​កម្ម​វិធី​ទូរ​ស័ព្ទ App ទូរសិក្សា សម្រាប់ការសិក្សាដោយខ្លួនឯងនៅផ្ទះ ដើម្បីមានជាចំណេះដឹង ឬ​សំណួរ​សម្រាប់​ការ​ពិភាក្សា​​នៅក្នុងថ្នាក់រៀន។ កម្មវិធីទូរសិក្សានេះ ជាកម្មវិធីសិក្សាដោយមិនគិតថ្លៃ បង្កើត​ឡើង​ដោយក្រសួងអប់រំ យុវជន និងកីឡា ដែលមានការបង្រៀនគ្រប់មុខវិជ្ជា គ្រប់​កម្រិត​ថ្នាក់​៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍៥០កន្លែងទៅសិក្សា​នៅ​ប្រទេស​ឥណ្ឌា សម្រាប់ឆ្នាំសិក្សា​២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 28/03/2023

កម្មវិធីអាហារូបករណ៍ ICCR Scholarships បានប្រកា​សផ្តល់អាហារូបករណ៍​ចំនួន​៥០កន្លែង​សម្រាប់​សិស្សនិស្សិតកម្ពុជា ទៅ​សិក្សា​នៅ​ប្រទេស​ឥណ្ឌា ...

ឱកាសសិក្សាវគ្គបំប៉នតាម Online សម្រាប់សិស្សថ្នាក់ទី១២ ដែលជាកូនវីរៈកងទ័ពជួរមុខ

ព័ត៌មានអាហារូបករណ៍, ព្រឹត្តិការណ៍

• 01/09/2025

ដើម្បីរួមចំណែកជាមួយរដ្ឋាភិបាលកម្ពុជាក្នុងការអភិវឌ្ឍធនធានមនុស្ស និងដើម្បីជួយ​សម្រាលបន្ទុកហិរញ្ញវត្ថុក្នុងគ្រួសារវីរៈកងទ័ពជួរមុខ សាលាបង្វឹកស្តាតអាប់ខមមីញ៉ូនីធី ប្រកាសផ្ដល់អាហារូបករណ៍១០០% ចំពោះកូនៗវីរៈកងទ័ពជួរមុខ សម្រាប់ការសិក្សាវគ្គបំប៉នតាម Online

អាហារូបករណ៍ ADB-Korea Fellowship Program ថ្នាក់បរិញ្ញាបត្រ​ជាន់ខ្ពស់​នៅ​ប្រទេស​កូរ៉េ សម្រាប់មន្រ្តីរាជការកម្ពុជា

ព័ត៌មានអាហារូបករណ៍, ព្រឹត្តិការណ៍

• 05/02/2026

ធនាគារ អភិវឌ្ឍន៍អាស៊ី (ADB) សហការជាមួយរដ្ឋាភិបាលនៃសាធារណរដ្ឋកូរ៉េ បានផ្តល់នូវកម្មវិធីអាហារូបករណ៍ ADB-Korea Fellowship Program (KFP) សម្រាប់ឆ្នាំសិក្សា២០២៦ ដែលមានគោលបំណង ពង្រឹងសមត្ថភាពមន្ត្រីរាជការមកពី...

អាហារូបករណ៍​ថ្នាក់បណ្ឌិត ជំនាញវិទ្យាសាស្រ្តកុំព្យូទ័រ និងព័ត៌មានវិទ្យា នៅ​ប្រទេស​សឹង្ហបុរី

ព័ត៌មានអាហារូបករណ៍, ព្រឹត្តិការណ៍

• 31/07/2024

A*STAR Computing and Information Science (ACIS) បានប្រកាស​ផ្តល់អាហារូបករណ៍​ដល់អ្នកមានបំណងចង់បន្តការសិក្សា​ថ្នាក់បណ្ឌិត​ផ្នែកុំព្យូទ័រ និង​វិទ្យាសាស្រ្ត​ព័ត៌មាន។

ឱកាសសិក្សាអាហារូបករណ៍ភាសាកូរ៉េពីសាកលវិទ្យាល័យ Yonsei ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 29/05/2024

សាកលវិទ្យាល័យ Yonsei និងកម្មវិធីសិក្សាតាមOnline Coursera ប្រកាសផ្ដល់អាហារូបករណ៍សិក្សាភាសាកូរ៉េតាមរយៈ online ពីវិទ្យាស្ថានផ្សេងៗនៃសាកលវិទ្យាល័យYonsei ដល់.....

អាហារូបករណ៍ថ្នាក់សិក្សា Online វគ្គខ្លីនៅសាកលវិទ្យាល័យ Stanford

ព័ត៌មានអាហារូបករណ៍, ព្រឹត្តិការណ៍

• 18/07/2023

ឱកាសសិក្សាជំនាញវគ្គខ្លីនៃសាកលវិទ្យាល័យ Stanford ពីកម្មវិធីអាហារូបករណ៍ Stanford University Free Online Courses 2023 ដល់និស្សិតបរទេសសម្រាប់ឆ្នាំសិក្សា២០២៣...

វិទ្យាស្ថានពហុបច្ចេកទេសខេត្តកំពង់ស្ពឺ ជ្រើសរើសយុវជន៥៧០នាក់ ចូលរៀនជំនាញបច្ចេកទេស និង​វិជ្ជាជីវៈ

ព័ត៌មានអាហារូបករណ៍, ព្រឹត្តិការណ៍

• 26/04/2024

វិទ្យាស្ថានពហុបច្ចេកទេស​ខេត្តកំពង់ស្ពឺ បានប្រកាស​ពីការ​ជ្រើសរើស​យុវជន​រហូត​ដល់​ចំនួន ៥៧០នាក់ ដើម្បីចូលរៀន​ជំនាញបច្ចេកទេស និង​វិជ្ជាជីវៈ១ កម្មវិធី ១.៥លាននាក់ជំហានទី២ ដែលនឹងចាប់ផ្តើម​នៅពាក់កណ្តាល...

ឱកាសចូលរួម វគ្គបណ្តុះបណ្តាលភាពយន្តខ្នាតខ្លីកម្ពុជា ២០២៦

ព័ត៌មានអាហារូបករណ៍, ព្រឹត្តិការណ៍

• 06/10/2026

យុវជនកម្ពុជាដែលមានក្តីស្រមៃចង់ក្លាយជាអ្នកផលិតភាពយន្តអាជីព ពេលនេះអាចចាប់យកឱកាសចូលរួមក្នុងកម្មវិធី «វគ្គបណ្តុះបណ្តាលភាពយន្តខ្នាតខ្លីកម្ពុជា ២០២៦»

ក្រសួងអប់រំប្រកាសប្រឡង​ជ្រើសរើសនិស្សិតអាហារូបករណ៍​ទៅ​សិក្សា​នៅ​ប្រទេសឡាវ

ព័ត៌មានអាហារូបករណ៍, ព្រឹត្តិការណ៍

• 12/05/2023

ភ្នំពេញ - ក្រោមកិច្ចព្រមព្រៀងរវាងក្រសួងអប់រំ យុវជន និងកីឡា នៃព្រះរាជាណាចក្រកម្ពុជា និងក្រសួងអប់រំ និងកីឡា នៃសាធារណរដ្ឋប្រជាធិបតេយ្យប្រជាមានិតឡាវ...