លោក គេន រង្សី បង្ហាញសំខាន់បួនចំណុចដែលនាំឱ្យមានកំហុសអក្ខរាវិរុទ្ធនៅ

ភ្នំពេញ៖ កំហុសអក្ខរាវិរុទ្ធក្នុងសំណេរភាសាខ្មែរ កើតឡើងជារឿយៗដោយសារកត្តាសំណេរពាក្យខ្មែរ កត្តាកំហុសបច្ចេកទេសកុំព្យូទ័រ កត្តាអ្នកសរសេរ និងមិនទាន់មានក្បួនសរសេរស្តង់ដារច្បាស់លាស់ ។ មូលហេតុទាំងនេះ នាំឱ្យសាធារណជនមួយចំនួនយល់ថា ពាក្យខ្មែរពិបាកសរសេរ ពិបាកបែងចែកពាក្យកម្ចីពីបាលី-សំស្រ្កឹត និងពាក្យខ្មែរសុទ្ធ ហើយបញ្ហាកំហុសអក្ខរាវិរុទ្ធកើតមានឡើងជាបន្តបន្ទាប់ឥតឈប់ឈរ ។ នេះជាការលើកឡើងរបស់លោក គេន រង្សី សាស្ត្រាចារ្យដេប៉ាតឺម៉ង់អក្សរសាស្រ្ដខ្មែរ នៃសាកលវិទ្យាល័យភូមិន្ទភ្នំពេញ ។

១. កត្តាសំណេរពាក្យខ្មែរ ៖ សំណេរពាក្យទាំងពាក្យកម្ចីទាំងពាក្យខ្មែរសុទ្ធ សុទ្ធតែមានវត្តមានអក្សរស្ងាត់ជាឧបសគ្គ និងជាមូលហេតុចម្បងដែលនាំឱ្យកើតមានកំហុសអក្ខរាវិរុទ្ធ ។ អក្សរស្ងាត់នេះពុំមានប្រកបសូរ តែមានវត្តមានក្នុងសំណេរពាក្យ ។ កាលណាយល់មិនច្បាស់ពីអក្សរស្ងាត់ មិនចងចាំសំណេរពាក្យបានច្រើនទាំងពាក្យខ្មែរសុទ្ធទាំងពាក្យកម្ចីពីបរទេសអាចនាំទៅរកកំហុសឆ្គងអក្ខរាវិរុទ្ធ ។

២. កត្តាកំហុសបច្ចេកទេសកម្មវិធីកុំព្យូទ័រ ៖ ត្រង់ចំណុចនេះកំហុសអក្ខរាវិរុទ្ធកើតឡើងដោយអចេតនានៅពេលអ្នកសរសេរអត្ថបទ ឬរៀបរៀងសៀវភៅបានពិនិត្យរួចរក្សាទុកនៅក្នុងកុំព្យូទ័រ ប៉ុន្តែមានលោតតួព្យញ្ជានៈ ឬស្រៈនៅពេលក្រោយជាដើម ។ កំហុសអក្ខរាវិរុទ្ធកើតឡើងញឹកញាប់ដោយសារបច្ចេកទេសកុំព្យូទ័រមានបញ្ហា ប៉ុន្តែទោះជាយ៉ាងនេះក្ដី ករណីឃើញកំហុសអក្ខរាវិរុទ្ធកើតឡើងត្រូវប្រញាប់កែប្រែ ឬសរសេរឱ្យបានត្រឹមត្រូវឡើងវិញ ។

៣. កត្តាអ្នកសរសេរ ៖ កំហុសអក្ខរាវិរុទ្ធកើតដោយចេតនារបស់អ្នកសរសេរផ្ទាល់ ដោយសារអ្នកសរសេរមិនសូវចេះពាក្យ ចាំសំណេរពាក្យមិនបានច្រើន សរសេរខ្ជីខ្ជា និងមិនសូវឱ្យតម្លៃលើសំណេរពាក្យជាដើម ។ ចំណុចនេះធ្វើឱ្យអ្នកសរសេរមួយចំនួនយល់ថា ពាក្យខ្មែរពិបាកសរសេរ ពិបាកចាំអក្ខរាវិរុទ្ធ ហើយឈានទៅដល់ការប្រើសំណេរអក្សរឡាតាំងមកជំនួសអក្សរខ្មែរ ដោយសារមិនចាំបាច់យកចិត្តទុកដាក់ពីអក្ខរាវិរុទ្ធខ្មែរត្រូវសរសេរបែបណា និងចង់គេចពីសំណេរអក្ខរាវិរុទ្ធខ្មែរជាដើម ។

៤. កត្តាមិនទាន់មានក្បួនសរសេរស្ដង់ដារ ៖ បច្ចុប្បន្នសំណេរពាក្យខ្មែរត្រូវយកតាមអក្ខរាវិរុទ្ធក្នុងវចនានុក្រមខ្មែរ ដែលបោះពុម្ពគ្រាទី៥ នៅឆ្នាំ១៩៦៧ ជាគោល ។ យ៉ាងណាមិញ អក្ខរាវិរុទ្ធដែលមាននៅក្នុងវចនានុក្រមខ្មែរនេះ មិនទាន់គ្របដណ្ដប់សំណេរពាក្យខ្មែរទាំងអស់ដែលកំពុងប្រើប្រាស់នៅក្នុងភាសាខ្មែរសព្វថ្ងៃបានទេ ដោយសារមានពាក្យថ្មីៗកើតមានច្រើន ដែលពុំទាន់កំណត់អក្ខរាវិរុទ្ធជាផ្លូវការនៅឡើយ ។ កន្លងមកអក្ខរាវិរុទ្ធមួយចំនួនដែលបានកំណត់រួចហើយនៅក្នុងវចនានុក្រមខ្មែរ នៅមានបញ្ហាប្រឈមកើតឡើង ពិសេសរវាងសំណេរពាក្យតាមបែបរាយព្យាង្គនិងសំណេរពាក្យតាមបែបតំរួតព្យាង្គ ដែលអាចបញ្ជាក់បានថា សំណេរពាក្យខ្មែរពុំទាន់មានឯកភាពគ្នានិងពុំទាន់មានក្បួនសរសេរស្តង់ដារនៅឡើយ ។

“ដើម្បីកាត់បន្ថយកំហុសអក្ខរាវិរុទ្ធខ្មែរដោយឈរលើស្មារតីជាតិនិយម គឺត្រូវឱ្យតម្លៃទៅលើភាសាជាតិ ទោះរៀនឯកទេសអ្វីក៏ដោយ អ្នកសរសេរត្រូវសរសេរពាក្យខ្មែរឱ្យបានត្រឹមត្រូវ ទោះមួយពាក្យ មួយល្បះ ឬមួយអត្ថបទ ទោះក្នុងផ្លូវការឬក្រៅផ្លូវការក៏ដោយ ។ សាធារណជនគួរព្យាយាមអានសៀវភៅឱ្យបានច្រើន ដើម្បីបង្កើនការចងចាំអំពីសំណេរពាក្យខ្មែរ ។ ឪពុកម្ដាយគួរឆ្លៀតពេលបង្ហាត់បង្រៀនកូនបន្ថែមនៅផ្ទះ ពិសេសការសរសេរតាមអាន ”
លោក គេន រង្សី សាស្ត្រាចារ្យដេប៉ាតឺម៉ង់អក្សរសាស្រ្ដខ្មែរ នៃសាកលវិទ្យាល័យភូមិន្ទភ្នំពេញ

លោកសាស្រ្ដចារ្យ គេន រង្សី បានបញ្ជាក់បន្ថែមថា វិធានការចម្បងៗដែលអាចនាំឱ្យជៀសវាងកំហុសអក្ខរាវិរុទ្ធ គេត្រូវសិក្សាស្រាវជ្រាវសំណេរពាក្យខ្មែរបច្ចុប្បន្ន កំណត់ក្បួនសរសេរដោយផ្អែកទៅលើគោលការណ៍ជាក់លាក់ណាមួយ ដូចជាគោលការណ៍ឫសគល់ពាក្យ គោលការណ៍សំណូរ គោលការណ៍សម្ព័ន្ធរូបសព្ទ ឬគោលការណ៍សម្ព័ន្ធសញ្ញាព្យាង្គជាដើម ។ បន្ទាប់មកកំណត់អក្ខរាវិរុទ្ធពាក្យ និងរៀបចំចងក្រងវចនានុក្រមឡើង ។ លើសពីនេះក្រសួងអប់រំ យុវជន និងកីឡា គួរបញ្ជ្រាបចំណេះដឹងអំពីសំណេរពាក្យខ្មែរទៅក្នុងកម្មវិធីសិក្សាចាប់ពីថ្នាក់បឋមសិក្សា ដល់មធ្យមសិក្សា និងបង្វឹកក្មេងៗឱ្យសរសេរតាមអានឱ្យបានច្រើនតាមលទ្ធភាព ជាពិសេសនៅកម្រិតបឋមសិក្សា ។ ក្រៅពីនេះអ្នកដែលមានឯកទេសខាងព័ត៌មានវិទ្យាគួរកែសម្រួលប្រព័ន្ធយូនីកូដខ្មែរឱ្យស្របតាមកម្មវិធីកុំព្យូទ័រនិងបង្កើតកម្មវិធីកែអក្ខរាវិរុទ្ធខ្មែរប្រកបដោយគុណភាព ៕

កញ្ញា វ៉ាន គីមសល់ | Ms. Van Kimsal

កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។

របាយការណ៍ថ្មី

មើលទាំងអស់ ➧

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ចិញ្ចឹមកូនទម្រើស នឹងធ្វើឱ្យកុមារក្លាយជាមនុស្សគ្មានទំនុកចិត្ត និងឯករាជ្យលើខ្លួនឯង

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

វិទ្យាស្ថានជាតិសហគ្រិនភាព និងនវានុវត្តន៍ ផ្តល់អាហារូបករណ៍ដល់យុវជន រៀនធ្វើនំ ធ្វើម្ហូប ភេសជ្ជៈ ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 31/05/2024

សម្រាប់យុវជនមកពីគ្រួសារក្រីក្រ/គ្រួសារងាយរងហានិភ័យ កម្មករនិយោជិតនៃសេដ្ឋកិច្ចក្នុងនិងក្រៅប្រព័ន្ធ ដែលមានបំណងចង់រៀនធ្វើនំ ធ្វើម្ហូប ក៏ដូចជាធ្វើភេសជ្ជៈ ពេលនេះ វិទ្យាស្ថានជាតិសហគ្រិនភាព និងនវានុវត្តន៍...

ឱកាសសិក្សាអាហារូបករណ៍ថ្នាក់បរិញ្ញាបត្រ នៅសាធារណរដ្ឋប្រជាធិបតេយ្យប្រជាមានិតឡាវ ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 01/07/2024

ឱកាសប្រឡងប្រជែងជ្រើសរើសនិស្សិតអាហារូបករណ៍សិក្សាថ្នាក់បរិញ្ញាបត្រចំនួន១៥កន្លែងពីក្រសួងអប់រំ យុវជន និងកីឡានៅសាធារណរដ្ឋប្រជា...

ឱកាសអាហារូបករណ៍ថ្នាក់បរិញ្ញាបត្រនៅសាកលវិទ្យាល័យគៀងយ៉ាង ប្រទេសវៀតណាម

ព័ត៌មានអាហារូបករណ៍, ព្រឹត្តិការណ៍

• 02/03/2023

ភ្នំពេញ - សាកលវិទ្យាល័យភូមិន្ទភ្នំពេញបានប្រកាសជ្រើសរើសនិស្សិតទៅសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យគៀងយ៉ាងប្រទេសវៀតណាមក្នុងឆ្នាំ...

អាហារូបករណ៍ Global Korea Scholarship (GKS-G) ឆ្នាំ២០២៦ កំពុងជ្រើសរើសនិស្សិតអន្តរជាតិ២ពាន់នាក់

ព័ត៌មានអាហារូបករណ៍, ព្រឹត្តិការណ៍

• 10/02/2026

រដ្ឋាភិបាលនៃសាធារណរដ្ឋកូរ៉េ បានប្រកាសជាផ្លូវការនូវការផ្តល់អាហារូបករណ៍ថ្នាក់ក្រោយឧត្តមសិក្សា Global Korea Scholarship (GKS-G) សម្រាប់ឆ្នាំ ២០២៦ ដើម្បីផ្តល់ឱកាសដល់និស្សិតអន្តរជាតិសរុបចំនួន ២,០០០ នាក់

អាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធី Glasgow International Leadership Scholarships 2024

ព័ត៌មានអាហារូបករណ៍, ព្រឹត្តិការណ៍

• 20/05/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Glasgow International Leadership Scholarships 2024 នៅ...

អាហារូបករណ៍ថ្នាក់ក្រោយឧត្តមសិក្សា និងថ្នាក់បរិញ្ញាបត្រ ចំនួន១២០កន្លែង ទៅសិក្សានៅប្រទេសវៀតណាម ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 30/09/2025

ក្នុងឆ្នាំសិក្សា២០២៥-២០២៦ នេះ ក្រសួងអប់រំ យុវជន និងកីឡា នឹងធ្វើការជ្រើសរើសនិស្សិតអាហារូបករណ៍ថ្នាក់ក្រោយឧត្តមសិក្សា និងប្រឡងជ្រើសរើសនិស្សិតអាហារូបករណ៍ថ្នាក់បរិញ្ញាបត្រ ចំនួន ១២០នាក់ ទៅសិក្សានៅសាធារណរដ្ឋសង្គមនិយមវៀតណាម។