ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
បប្ចុប្បន្ន បច្ចេកវិទ្យាជឿនលឿន ជំរុញឱ្យមនុស្សបាត់បង់ទម្លាប់ល្អ ចូលគេងយឺត និងមិនបានយក់ចិត្តទុកដាក់ចំពោះរាងកាយ ដែលកត្តានេះ បានធ្វើឱ្យពួកគេបាត់បងទំនុកចិត្ត ក្នុងការធ្វើទំនាក់ទំនង ការចាប់យកឱកាស និងការបង្ហាញសមត្ថភាពចំពោះការងារ។ តាមរយៈគេហទំព័រ verywellmind បានបង្ហាញគន្លឹះ៤ចំណុច ក្នុងការថែទាំរាងកាយ ឱ្យល្អប្រសើរ និងដើម្បីជំរុញទំនុកចិត្ត។
១. អាហារ ៖ អាហារល្អៗ ដែលពោរពេញដោយសារធាតុចិញ្ចឹម បានជំរុញទៅកាន់សុខភាពជាច្រើនដូចជា បង្កើនភាពជឿជាក់ បង្កើនថាមពល ជំនួសសុខភាព និងភាពស្រស់ស្រាយចំពោះខ្លួនឯង។ ទន្ទឹមគ្នានោះ អាហារល្អៗ ក៏ជាចំណែក ក្នុងការកាត់បន្ថយជំងឺ ឬការប្រើប្រាស់ហិរញ្ញវត្ថុចំគោលដៅ។
២. លំហាត់ប្រាណ ៖ ជារឿយៗ តាមរយៈការសិក្សា បានបង្ហាញថា សកម្មភាពរាងកាយ ឬក៏លំហាត់ប្រាណ បានជំរុញទំនុកចិត្តឱ្យល្អជាងមុន។ នៅឆ្នាំ២០១៦ ការសិក្សា បានរកឃើញថា ការធ្វើលំហាត់ប្រាណបានទៀងទាត់ រួមចំណែកធ្វើឱ្យរាងកាយទទួលបាននូវភាពគួរឱ្យចាប់អារម្មណ៍ ហើយនៅពេលពួកគេកាន់តែពេញចិត្តចំពោះរូបរាងខ្លួនឯង នោះទំនុកចិត្តចំពោះខ្លួនឯងក៏កើនមានស្របពេលជាមួយគ្នា។
៣. សមាធិ ៖ សមាធិ មិនត្រឹមជាការផ្តល់អារម្មណ៍ល្អ ឬក៏ជាសកម្មភាពកម្សាន្តប៉ុណ្ណោះទេ ប៉ុន្តែសមាធិ ជាវិធីសាស្រ្តបង្កើនទំនុកចិត្តមួយដែលកាត់ថ្លៃពុំបាន។ បន្ថែមពីនោះ សមាធិ ជាវិធីមួយជួយរៀបចំការគិតឱ្យមានរបៀបរៀបរយ ការស្គាល់ពីអារម្មណ៍ខ្លួនឯង និងចេះទទួលយកគ្រប់ស្ថានការណ៍ដែលបានកើតឡើង ក៏ដូចជា ការនៅជាមួយនឹងបច្ចុប្បន្នភាព។ ក្រៅពីនោះ សមាធិ ជាការបង្រៀនមនុស្សដោយប្រយោលអំពីការកាត់បន្ថយផ្នត់គំនិតអវិជ្ជមាន និងបញ្ចៀសពីការនិយាយអ្វីដែលជះឥទ្ធិពលមិនល្អទៅកាន់ខ្លួនឯង។
៤. គេង ៖ ការមើលស្រាលទម្លាប់នៃការគេង ឬបណ្តោយឱ្យគេងមិនគ្រប់ ឬគ្មានកាលវិភាគទៀងទាត់ គឺជាកកត្តារួមចំណែកជះផលអវិជ្ជាមាន ទៅកាន់ស្ថានភាពផ្លូវចិត្ត។ ដើម្បីបង្ហាញពីការគោរព ស្រលាញ់ និងយកចិត្តទុកដាក់ជាមួយខ្លួនឯង ការបង្កើតទម្លាប់គេងប្រកបដោយគុណភាព គិតទាំងពេលវេលា អនាម័យ និងអនុវត្តន៍បានទៀងទាត់ ជាការបណ្តុះសកម្មភាពស្រឡាញ់ខ្លួនឯង និងការក្សាទំនុកចិត្ត៕
