ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
តាមរយៈសមាគមនិស្សិតកម្ពុជាប្រចាំសាធារណរដ្ឋប្រជាមានិតចិន (ACSC) បានប្រកាសជ្រើសរើសសិស្ស និស្សិតកម្ពុជា ឱ្យទៅសិក្សាថ្នាក់បរិញ្ញាបត្រនៅក្នុងខេត្ត Hainan និងខេត្ត Yunnan នៃសាធារណរដ្ឋប្រជាមានិតចិន ចំនួន១០កន្លែង។ ការសិក្សាមានរយៈពេល៥ឆ្នាំ ដោយសិក្សាថ្នាក់បរិញ្ញាបត្រ៤ឆ្នាំ និងសិក្សាភាសាចិនរយៈពេល១ឆ្នាំ។
ជំនាញដែលអាហារូបករណ៍ផ្ដល់ជូនរួមមាន ៖ International Trade and Economics, Economics and Finance, Civil Engineering, Information Technology, Chinese Language and Literature, Tourism Management, Internet and News Media និង Electric Engineering and Automation។
បេក្ខជនដែលមានចំណាប់អារម្មណ៍ក្នុងការដាក់ពាក្យ ត្រូវភ្ជាប់ឯកសារដូចជា លិខិតឆ្លងដែន ប្រត្តិបត្រពិន្ទុថ្នាក់វិទ្យាល័យ៣ឆ្នាំចុងក្រោយ (ជាភាសាអង់គ្លេស) សញ្ញាបត្រមធម្យមសិក្សាទុតិយភូមិ (បកប្រែជាភាសាអង់គ្លេស) លិខិតពិនិត្យសុខភាពជាភាសាចិន (ទម្រង់ជាភាសចិន) លិខិតថ្កោលទោស ឬ លិខិតបញ្ជាក់កិរិយាមាយាទ (ជាភាសាអង់គ្លេស) លិខិតអនុសាសន៍ ២ច្បាប់ ពីលោកគ្រូ អ្នកគ្រូ វិទ្យាល័យ (ជាភាសាអង់គ្លេស) វិញ្ញាបនបត្រវគ្គសិក្សា ឬ ប័ណ្ណសរសើរ (បើសិនជាមាន) ផែនការសិក្សា ជាភាសាអង់គ្លេស ពាក្យស្នើសុំអាហារូបករណ៍ (Online Application Form) តាមរយៈ ACSC និង រូបថតអេឡិចត្រូនិច ៤X៦ ផ្ទៃពណ៌ស។ បេក្ខជនជ័យលាភីអាហារូបករណ៍នឹងទទួលបានអត្ថប្រយោជន៍ទៅលើថ្លៃសិក្សា និងថ្លៃស្នាក់នៅក្នុងកំឡុងពេលសិក្សា និងអត្ថប្រយោជន៍ជាច្រើនទៀត។
បេក្ខជន បេក្ខនារី ដែលមានចំណាប់អារម្មណ៍ក្នុងការដាក់ពាក្យស្នើសុំអាហារូបករណ៍ អាចចូលទៅកាន់ https://t.me/acsccambodia ឬទំនាក់ទំនងទៅកាន់ ០៩៩ ៩៨៥ ៩៨៧។
ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី១៥ ខែឧសភា ឆ្នាំ២០២៥៕
