ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភាពសកម្មនៃរាងកាយ មិនមែនមានភាពចាំបាច់តែពេលសម្រាកពីការងារ ឬក៏ពីការសិក្សានោះទេ ពោលគឺត្រូវការរាល់ថ្ងៃតែម្តង ជាពិសេសចំពោះអ្នកដែលត្រូវការថែទាំសុខភាពឱ្យកាន់តែប្រសើរជាងមុន។ តាមរយៈគេហទំព័រ Abbey Croft បានបង្ហាញគន្លឹះមួយចំនួនក្នុងការជំរុញឱ្យរាងកាយមានភាពសកម្មអំឡុងពេលថ្ងៃធ្វើការ។
ការជ្រើសរើសតុធ្វើការ ៖ សម្រាប់អ្នកដែលតម្រូវឱ្យធ្វើការយូរៗ គួរជ្រើសរើសប្រភេទតុទៅតាមកម្ពស់ និងទំហំនៃដងខ្លួន។ ក្នុងករណីនេះ ការជ្រើសរើស គួរតែប្រើប្រាស់ប្រភេទតុ ដែលអាចបត់បែនបាន ដូចជាប្រភេទតុដែលអាចឈរធ្វើការបាន ព្រោះវាមិនត្រឹមតែធ្វើឱ្យរាងកាយមានឱកាសសម្រួលសរសៃ ឬធ្វើចលនានោះទេ ប៉ុន្តែក៏បង្ករភាពងាយស្រួលដល់ការពង្រឹងឥរិយាបថបានល្អផងដែរ។
យកបាល់ហាត់ប្រាណដាក់ក្បែរខ្លួន ៖ ការប្រើប្រាស់បាល់ដើម្បីសម្រួលដល់ការធ្វើចលនាអំឡុងពេលធ្វើការ វាងាយស្រួលនៅត្រង់ថា វាជាប្រភេទសម្ភារកីឡាមួយ ដែលមិនសូវរើសប្រភេទសម្លៀកបំពាក់ រួមទាំងអាចប្រើប្រាស់ជាឧបករណ៍អង្គុយជជែក សម្រាក ឬជំនួសឱ្យតុអង្គុយធ្វើការម្តងម្កាលបានទៀតផង។ ដូច្នេះការយកបាល់ហាត់ប្រាណដាក់ក្បែរខ្លួនមិនត្រឹមតែជំរុញខ្លួនឯងឱ្យមានភាពសកម្មប៉ុណ្ណោះទេ ប៉ុន្តែបានរួមចំណែកទៅកាន់ការរំលឹកមនុស្សជុំវិញពាក់ព័ន្ធនឹងការថែទាំសុខភាព និងការធ្វើឱ្យមានតុល្យភាពរវាងការងារ និងការរស់នៅ។
ការកំណត់ម៉ោងរោទ៍ ៖ ការអង្គុយធ្វើការ ចាប់ពីកន្លះម៉ោង ឬមួយម៉ោងឡើងទៅ រាងកាយចាំបាច់ត្រូវការសម្រាក! តួយ៉ាងចន្លោះពេល៣០នាទីសម្រាកម្តង ពី៥នាទីឡើងទៅ ឬចន្លោះពេលមួយម៉ោងសម្រាកម្តង១០នាទី ទៅ១៥នាទីជាដើម។ ប៉ុន្តែនៅពេលដែលផ្តោតធ្វើការ នោះអាចនឹងភ្លេចបែងចែកម៉ោង ដែលជាហេតុចាំបាច់ត្រូវការជំនួយពីបច្ចេកវិទ្យា ឬពីកម្មវិធីអេបនានា ដើម្បីដាស់តឿនស្មារតីបន្ថែម៕
