ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ជំនាញបច្ចេកទេសពីវិទ្យាស្ថានបណ្ដុះបណ្ដាលវិស័យកាត់ដេរនៅកម្ពុជា ឬហៅថា CGTI ប្រកាសផ្ដល់អាហារូបករណ៍ថ្នាក់សញ្ញាបត្រជាន់ខ្ពស់ចំនួន៥៥កន្លែងដល់សិស្សានុសិស្សដែលជាប់ ឬធ្លាក់បាក់ឌុបសម្រាប់ឆ្នាំសិក្សា២០២៣-២០២៤។
ជំនាញដែលអាហារូបករណ៍ផ្ដល់ជូនសិក្សាមាន២ គឺ ជំនាញការបញ្ជាទិញ និងជំនាញវិស្វកម្មឧស្សាហកម្ម គុណភាព និងផលិតកម្ម។ ជំនាញការបញ្ជាទិញនឹងត្រូវសិក្សាចំនួន២២មេរៀន និងជំនាញវិស្វកម្មឧស្សាហកម្ម គុណភាព និងផលិតកម្មត្រូវសិក្សាចំនួន២១មេរៀនដោយការសិក្សាជារួមមានរយៈពេល៧ខែកន្លះ។
សម្រាប់លក្ខខណ្ឌ ៖ បេក្ខជនត្រូវមានអាយុចាប់ពី១៨ ដល់២៥ឆ្នាំ មានសញ្ញាបត្រជាប់ ឬធ្លាក់បាក់ឌុប អត្តសញ្ញាណប័ណ្ណ និងសំបុត្រកំណើត សៀវភៅគ្រួសារ ឬ សៀវភៅស្នាក់នៅ។
បេក្ខជន-បេក្ខនារីដែលមានចំណាប់អារម្មណ៍ក្នុងការដាក់ពាក្យអាចចូលទៅកាន់តំណភ្ជាប់ https://forms.gle/MUUehVQ1iWnC5HBq9 ឬអាចទៅកាន់វិទ្យាស្ថាន CGTI ដោយផ្ទាល់ដែលមានអាសយដ្ឋាននៅតំបន់ពិសេសសេដ្ឋកិច្ចពិសេសភ្នំពេញ ភូមិត្រពាំងគល់ សង្កាត់កន្ទោក ខណ្ឌកំបូល រាជធានីភ្នំពេញ ឬទំនាក់ទំនងទៅកាន់ ០៩៧ ៨២៤ ៧៧៦៦, ០៩៧ ៥៩០ ៥២០៥ ,០១២ ៩០៥ ២០៥,០៩៦ ៩២០ ២០៣៤។
ជាមួយគ្នានេះបេក្ខជនជ័យលាភីអាហារូបករណ៍នឹងទទួលបានអត្ថប្រយោជន៍ពីអាហារូបករណ៍ដូចជា ការសិក្សាជំនាញដែលមានតម្រូវការទីផ្សារការងារ ផ្ដល់កន្លែងស្នាក់នៅក្នុងអំឡុងពេលសិក្សា អាហាថ្ងៃត្រង់ និងអាហារសម្រន់។ លើសពីនេះនឹងមានឱកាសហ្វឹកហាត់ការងាររយៈពេល១២ខែ និងទទួលបានប្រាក់ឧបត្ដម្ភប្រចាំខែយ៉ាងហោច២៨០ដុល្លារក្នុងមួយខែ។
ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី៣០ ខែធ្នូ ឆ្នាំ២០២៣៕
