ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការសិក្សាមួយដែលធ្វើឡើងដោយរដ្ឋាភិបាលហូឡង់បានរកឃើញថា ការហាមមិនឱ្យប្រើទូរស័ព្ទចល័ត និងឧបករណ៍អេឡិចត្រូនិកទំនើបៗផ្សេងទៀត ក្នុងបរិវេណសាលារៀន បានធ្វើឱ្យការផ្ដោតអារម្មណ៍របស់សិស្សប្រសើរឡើង, នេះបើយោងតាមកាសែតអង់គ្លេស The Guardian។
បីភាគបួន នៃវិទ្យាល័យ ដែលបានស្ទង់មតិចំនួន ៣១៧ បានរាយការណ៍ថា ការហាមឃាត់នេះ មានឥទ្ធិពលវិជ្ជមាន ទៅលើការផ្ដោតអារម្មណ៍របស់សិស្ស។ លើសពីនេះទៀត សាលាជិត ពីរភាគបី បានកត់សម្គាល់ពីភាពប្រសើរឡើង នៃបរិយាកាសនៅក្នុងសាលារៀនពួកគេ ហើយមួយភាគបី បានសង្កេតឃើញលទ្ធផលសិក្សារបស់សិស្សកាន់តែប្រសើរឡើង។
លោកស្រី Marielle Paul រដ្ឋលេខាធិការក្រសួងអប់រំបឋមសិក្សា និងមធ្យមសិក្សា មានប្រសាសន៍ថា «ការរំខានមានតិច ការយកចិត្តទុកដាក់ចំពោះមេរៀនកើនឡើង ហើយសិស្សមានទំនាក់ទំនងសង្គមសកម្ម។ គ្មានទូរស័ព្ទនៅក្នុងថ្នាក់រៀនទៀតទេ ព្រោះវិធានការនេះផ្ដល់ផលវិជ្ជមានដ៏អស្ចារ្យ។ វាជារឿងល្អណាស់ ដែលសាលារៀន យកចិត្តទុកដាក់លើបញ្ហានេះ។»
ការហាមប្រាមនេះ បានអនុវត្តតាំងពីថ្ងៃទី១ ខែមករា ឆ្នាំ ២០២៤ ហើយក៏អនុវត្តលើសាលាបឋមសិក្សាផងដែរ។
ជាធម្មតា សិស្សានុសិស្សបានចាប់ផ្ដើមយកទូរស័ព្ទទៅសាលារៀន តែនៅក្នុងឆ្នាំចុងក្រោយ នៃការសិក្សាកម្រិតបឋមសិក្សារបស់គេតែប៉ុណ្ណោះ ហើយការស្ទង់មតិ ដែលបានចេញផ្សាយកាលពីសប្ដាហ៍មុន បានរកឃើញ ផលប៉ះពាល់គឺមានតិចតួចក្នុងចំណោមសិស្សថ្នាក់បឋមសិក្សា។
សាលារៀនភាគច្រើនអនុញ្ញាតឱ្យមានការលើកលែងចំពោះឧបករណ៍ ដែលត្រូវការសម្រាប់ជំនួយផ្នែកវិជ្ជសាស្ត្រ ដូចជាឧបករណ៍ជំនួយការស្ដាប់ ដែលភ្ជាប់ទៅនឹងឧបករណ៍ចល័តជាដើម៕
