ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការដើរនៅក្នុងបរិយាកាសធម្មជាតិដោយល្បឿនមួយៗ ជំនួសឱ្យការដើរបែបប្រញាប់ប្រញាល់ ក៏អាចធ្វើឱ្យអារម្មណ៍ល្អបានដែរ ទាំងនេះបង្ហាញពីសកម្មភាពសាមញ្ញដែលមនុស្សបានមើលរំលង។ គ្មានអ្វីដែលងាយស្រួលជាងជ្រើសរើសសកម្មភាពដែលធ្លាប់អនុវត្តន៍ជារឿយៗហើយនោះទេ ដូចជាទទួលទានទឹក ទទួលទានបន្លែផ្លែឈើ យល់ដឹងអំពីគុណភាពនៃការគេង និងសកម្មភាពដទៃទៀតដែលផ្តល់គុណតម្លៃទៅកាន់សុខភាពផ្លូវចិត្ត និងសុខភាពផ្លូវកាយ។ ក្រៅតែពីការព្យាយាមបណ្តុះទម្លាប់ និងការបណ្តោយទៅតាមសភាពធម្មជាតិ គឺបានរួមចំណែកអភិវឌ្ឍន៍ទៅកាន់ថាមពលរាងកាយ និងសម្រួចស្មារតីក្នុងការផ្តោត។
តាមរយៈ Womans World បានបង្ហាញវិធីសាមញ្ញៗ មួយចំនួនដែលជួយឱ្យការប្រើប្រាស់សកម្មភាពទូទៅ បានរួមចំណែកជួយពង្រឹងគុណភាពនៃការគេង និងការកាត់បន្ថយស្ត្រេសជាដើម។
១. ទទួលទានទឹកផ្លែឈើស្រស់ ៖ គ្រាន់តែបង្កើតទម្លាប់ប្រចាំថ្ងៃឱ្យទទួលទានអាហារដែលមានជីវជាតិ តួយ៉ាងដូចជាការប្រើប្រាស់ផ្លែឈើ ដែលមានលក់នៅជិតតំបន់របស់ខ្លួនដើម្បីទទួលទាន ឬក៏ការចម្រាញប្រែក្លាយឱ្យទៅជាភេសជ្ជៈ ក៏បានរួមចំណែកក្នុងផ្តល់ភាពស្រស់ស្រាយដែរ។ ផ្លែក្រូច ផ្លែប៉ោម សុទ្ធសឹងតែផ្តល់ភាពសំខាន់ចំពោះសុខភាព ប៉ុន្តែដើម្បីរក្សាស្ថេរភាពនៃទម្លាប់ទាំងនេះបាន ចាំបាច់ជ្រើសរើសផ្លែឈើណាដែលនៅក្បែរៗខ្លួន។
២. ការប្រើប្រាស់ក្រណាត់ ឬម៉ាសបិទភ្នែកនៅពេលគេង ៖ ការគេងផ្តល់ភាពសំខាន់ដើម្បីទាញថាមពលឱ្យត្រឡប់មកវិញ ហើយក្រៅតែពីការបរិភាគអាហារល្អ ការចូលគេងទៀងទាត់ និងការកាត់បន្ថយសម្លេងរំខាននានា ការប្រើប្រាស់ម៉ាស ឬក្រណាត់ដើម្បីរុំភ្នែក បានជួយឱ្យការគេងកាន់តែស្ងប់បន្ថែមមួយកម្រិតទៀត ដោយសារតែអាចបិទបាំងពន្លឺ ដែលជះចេញពីខាងក្រៅបន្ទប់បាន។
៣. ធ្វើលំហាត់ប្រាណដើម្បីកាត់បន្ថយស្ត្រេស ៖ ស្ថិតក្នុងបរិយាកាសដ៏មមាញឹក និងទីតាំងមិនសូវអំណោយផល មនុស្សនឹងជ្រើសយកការដើរ ឬរត់តាមរយៈម៉ាស៊ីនហាត់ប្រាណ ឬក៏ការហាត់ប្រាណនៅក្នុងក្លឹបជាដើម យ៉ាងណាមិញ ប្រសិនបើអាច សូមជ្រើសរើសការដើរនៅតាមទីតាំងសាធារណៈ ឬទីតាំងដែលមានសួនច្បារ គឺកាន់តែផ្តល់នូវផលចំណេញមួយផ្នែកទៀត ព្រោះក្រៅតែពីបានរក្សាសុខភាព ថែមទាំងបានពិនិត្យតានដានសង្កេតពីបរិយាកាសជុំវិញ ក៏ដូចជាការសម្រាកលំហែបានមួយផ្នែកទៀត៕
