លោកស្រី ឆឹងហូវ ចរិយា ចែករំលែកការសិក្សា និងរស់នៅក្នុងប្រទេសជប៉ុន កំឡុងពេលសិក្សាអាហារូបករណ៍រដ្ឋាភិបាលជប៉ុន MEXT

និយាយពីប្រទេសជប៉ុនមនុស្សគ្រប់គ្នាបានដឹងថា ជប៉ុនជាប្រទេសមានបច្ចេកវិទ្យាជឿនលឿន ទំនើប រួមទាំងវប្បធម៌ និងនិទាន Anime ហើយអ្នកខ្លះទៀតរៀនភាសាជប៉ុនព្រោះតែចាប់អារម្មណ៍លើ Anime ជាដើម។ នេះជាការលើកឡើងរបស់លោកស្រី ឆឹងហូវ ចរិយា អតីតនិស្សិតអាហារូបករណ៍រដ្ឋាភិបាលជប៉ុន MEXT ថ្នាក់បរិញ្ញាបត្រជាន់ខ្ពស់នៅសាកល Tokyo Metropolitan។

លោកស្រី ឆឹងហូវ ចរិយា ជាគ្រូបង្រៀននៅដេប៉ាតឺម៉ង់ភាសាជប៉ុន នៃសាកលវិទ្យាល័យភូមិន្ទភ្នំពេញ និងជាអតីតនិស្សិតអាហារូបករណ៍រដ្ឋាភិបាលជប៉ុន បានលើកឡើងថា ជប៉ុនជាប្រទេសមួយដែលព្យាយាមអភិវឌ្ឍន៍ និងអភិរក្សនូវប្រពៃណី និងទំនៀមទម្លាប់ដូច្នេះហើយទើបធ្វើឱ្យជប៉ុនជាប្រទេសដែលអាចទាក់ទាញភ្ញៀវទេសចរបានច្រើន។ 

ក្រឡេកទៅមើលពីការរស់នៅកំឡុងពេលសិក្សាអាហារូបករណ៍នៅប្រទេសជប៉ុនវិញ លោកស្រីបានលើកឡើងថា ការស្នាក់នៅសម្រាប់និស្សិតក៏ដូចជាលោកស្រីផ្ទាល់គឺមានអន្តេវាសិកដ្ឋានស្នាក់នៅដល់បេក្ខភាពអាហារូបករណ៍ជាដើម។ ការស្នាក់នៅនេះមានភាពលំបាកបន្តិចបន្តួចសម្រាប់អ្នកដែលមិនធ្លាប់នៅបន្ទប់ជួល ឬមិនធ្លាប់នៅមានគ្នាច្រើនព្រោះការស្នាក់នៅអន្តេវាសិកដ្ឋាន តម្រូវឱ្យនិស្សិតស្នាក់នៅគ្នា២ ឬ៤នាក់ និងប្រើប្រាស់ផ្ទះបាយរួម ប៉ុន្តែការស្នាក់នៅក្នុងអន្តេបានជួយឱ្យសិស្សនិស្សិតអាចមានទំនាក់ទំនងល្អជាមួយនិស្សិតដទៃបានឆាប់រហ័សទាំងការប្រាស្រ័យសិក្សា និងការរស់នៅផងដែរ។

បន្ថែមពីនេះ ការធ្វើដំណើរទៅសាលារៀនរបស់សិស្សនិសិ្សត ឬប្រជាជនជប៉ុនភាគច្រើនធ្វើដំណើរដោយការជិះរថភ្លើង ជិះរថយន្តក្រុងសាធារណៈ ការជិះកង់ និងធ្វើដំណើរដោយជើងជាដើម។ លោកស្រី ចរិយា បន្តថា ការជិះកង់នៅប្រទេសជប៉ុនជារឿងធម្មតា និងមានសារៈប្រយោជន៍ជាច្រើនដល់ជនជាតិជប៉ុន ដូចនេះការជិះកង់មានការពេញនិយមជាខ្លាំង។ ជាមួយគ្នានេះ ច្បាប់ធ្វើដំណើរផ្សេងៗក្នុងប្រទេសជប៉ុនត្រូវបានគោរពយ៉ាងតឹងរឹង និងមានការអនុវត្តន៍បានយ៉ាងល្អពីសំណាក់ជនជាតិជប៉ុន។

លោកស្រី ឆឹងហូវ ចរិយា បន្តថា ចំពោះការសិក្សានៅក្នុងថ្នាក់រៀនសិស្សនិស្សិតទាំងអស់ត្រូវមានសកម្មភាពសិក្សាជាប្រចាំសប្ដាហ៍ជាមួយសាស្ត្រាចារ្យណែនាំ និងសិស្សច្បងសិស្សប្អូនក្នុងសាលារៀន។ ជាក់ស្ដែង លោកស្រី តែងតែមានម៉ោងជជែកដេញដោល ឬពិភាក្សាម្ដងក្នុងមួយសប្ដាហ៍ជាមួយសាស្ត្រាចារ្យ និងមិត្តរួមថ្នាក់ដើម្បីស្វែងរកដំណោះស្រាយមេរៀនក្នុងការស្រាវជ្រាវជាដើម។ នៅក្នុងសាកលវិទ្យាល័យផ្សេង នៃប្រទេសជប៉ុនមានការគិតគូរយ៉ាងខ្លាំងដល់សិស្សនិស្សិត ជាពិសេសសិស្សបរទេសព្រោះការសិក្សាភាគច្រើនប្រើប្រាស់ជាភាសាជប៉ុន ដូចនេះនឹងមានបណ្ណាល័យមួយសម្រាប់ជួយនិស្សិតបរទេសដើម្បីផ្ទៀងផ្ទាត់វេយ្យាករណ៍ ឬអក្ខរាវិរុទ្ធនៃកិច្ចការស្រាវជ្រាវ ឬមេរៀនផ្សេងៗ។ លើសពីនេះក៏មានសេវាកម្មពិភាក្សា និងតាមដានផ្លូវចិត្តសម្រាប់និស្សិតផងដែរ។

ជាមួយគ្នានេះដែរ លោកស្រី ឆឹងហូវ ចរិយា ក៏សូមលើកទឹកចិត្តដល់សិស្សានុសិស្សដែលមានបំណងចង់បន្តការសិក្សានៅប្រទេសជប៉ុន ឬប្រទេសផ្សេងៗសូមព្យាយាមយកចិត្តទុកដាក់ក្នុងការសិក្សាដើម្បីទទួលបានលទ្ធផលល្អដើម្បីងាយស្រួល និងមានឱកាសកាន់តែច្រើនក្នុងការប្រឡងអាហារូបករណ៍។ ចំណុចសំខាន់បន្ទាប់គឺការចេះភាសា មិនថាភាសាអង់គ្លេស ឬភាសានៃប្រទេសដែលអ្នកចង់ទៅសិក្សានោះទេ។

គួរបញ្ជាក់ដែរថា ការចែករំលែកនេះបានធ្វើឡើងនៅសហភាពសហព័ន្ធយុវជនកម្ពុជារាជធានីភ្នំពេញដែលរៀបចំដោយក្រុមការងារកម្មវិធីសាបព្រោះគ្រាប់ពូជកាលពីខែមេសាកន្លងទៅ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍សិក្សានៅប្រទេសចិនចំនួន៨០កន្លែងសម្រាប់ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 09/12/2025

តាមរយៈគណៈកម្មធិការអាហារូបករណ៍សិស្ស-និស្សិតក្រីក្រ សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប្រកាសផ្ដល់អាហារូបករណ៍សិក្សានៅសាធារណរដ្ឋប្រជាមានិតចិន សម្រាប់ឆ្នាំសិក្សា...

រៀនជំនាញកែច្នៃបន្លែ ផ្លែឈើ ដោយ​មិនគិតថ្លៃ​ពីវិទ្យាស្ថាន​ជាតិពហុបច្ចេកទេស​កម្ពុជា

ព័ត៌មានអាហារូបករណ៍, ព្រឹត្តិការណ៍

• 31/03/2025

វិទ្យាស្ថានជាតិពហុបច្ចេកទេស​កម្ពុជា (NPIC) ប្រកាសជាថ្មី​ក្នុងការ​ជ្រើសរើស​សិក្ខាកាម​ចូលរៀនជំនាញកែច្នៃបន្លែផ្លែឈើ ដោយ​មិន​គិតថ្លៃ ក្រោម​កម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈ ១.៥លាននាក់របស់រាជរដ្ឋាភិបាល។

ឱកាស​អាហារូបករណ៍​ជំនាញ​វិស្វកម្មអគ្គិសនី សិក្សានៅប្រទេសចិន ពីក្រុមហ៊ុន China Southern Power Grid

ព័ត៌មានអាហារូបករណ៍, ព្រឹត្តិការណ៍

• 13/06/2025

សម្រាប់សិស្ស​និស្សិត​កម្ពុជា​ដែល​មាន​បំណង​ចង់បន្តការសិក្សា​ថ្នាក់បរិញ្ញាបត្រ ក៏​ដូចជា​ថ្នាក់អនុបណ្ឌិត ទៅលើជំនាញវិស្វកម្ម​អគ្គិសនី នៅ​ប្រទេស​ចិន

ឱកាសកម្មសិក្សានៅផ្ទះយុវជន ដើម្បីមិត្តភាពកម្ពុជា-ចិន

ព័ត៌មានអាហារូបករណ៍, ព្រឹត្តិការណ៍

• 13/08/2025

ផ្ទះយុវជនដើម្បីមិត្តភាពកម្ពុជា-ចិន (YHCCF) កំពុងប្រកាសជ្រើសរើស និស្សិតសាកលវិទ្យាល័យដែលកំពុងសិក្សាផ្នែកសេដ្ឋកិច្ច សហគ្រាលឬអាជីវកម្ម ការគ្រប់គ្រងផ្នែកគ្រោង ឬផ្នែកដែលពាក់ព័ន្ធ

អាហារូបករណ៍​សម្រាប់ការ​សិក្សាថ្នាក់បរិញ្ញាបត្រ​នៅ​សាកលវិទ្យាល័យ DALI ប្រទេស​ចិន

ព័ត៌មានអាហារូបករណ៍, ព្រឹត្តិការណ៍

• 18/07/2024

សាកលវិទ្យាល័យ DALI នៃ​សាធារណរដ្ឋ​ប្រជាមានិតចិន បាន​ប្រកាស​ផ្តល់​អាហារូបករណ៍​ថ្នាក់បរិញ្ញាបត្រ​ចំនួន១០កន្លែង ដល់និស្សិត​កម្ពុជា ដើម្បីទៅ​បន្ត​ការ​សិក្សា​នៅ​សាធារណរដ្ឋប្រជាមានិតចិន​ សម្រាប់ឆ្នាំសិក្សា​២០២៤-២០២៥។

អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធី MOFCOM ២០២៥ នៅសាធារណរដ្ឋប្រជាមានិតចិន

ព័ត៌មានអាហារូបករណ៍, ព្រឹត្តិការណ៍

• 21/04/2025

តាមរយៈការផ្សព្វផ្សាយរបស់ ក្រសួងអប់រំ យុវជន និងកីឡា បុគ្គលិកអប់រំទាំងអស់នឹងមានឱកាសបន្តការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាធារណរដ្ឋប្រជាមានិតចិន ក្រោមកម្មវិធីអាហារូបករណ៍ MOFCOM...

វិទ្យាស្ថានពហុបច្ចេកទេសខេត្តកំពង់ឆ្នាំង ផ្តល់អាហារូបករណ៍៤៥កន្លែង សម្រាប់ជំនាញជួសជុលកុំព្យូទ័រ និង​រចនាក្រាហ្វិច

ព័ត៌មានអាហារូបករណ៍, ព្រឹត្តិការណ៍

• 22/05/2023

ក្រោមថវិកាគម្រោងទ្រទ្រង់គ្រឹះស្ថានជំហាន១ ឆ្នាំ២០២៣ វិទ្យាស្ថានពហុបច្ចេកទេសខេត្តកំពង់ឆ្នាំងប្រកាសជ្រើសរើសសិស្សសិក្សាជំនាញ​បច្ចេកទេស​ដោយ​ឥតគិតថ្លៃចំនួន ៤៥នាក់។...

វិទ្យាស្ថានជាតិវិជ្ជាជីវៈបាត់ដំបង ប្រកាសជ្រើសរើសសិស្សចូលរៀនជំនាញវិជ្ជាជីវៈ កម្រិត១ ឥតគិតថ្លៃចំនួន ៦៣០នាក់

ព័ត៌មានអាហារូបករណ៍, ព្រឹត្តិការណ៍

• 08/12/2023

វិទ្យាស្ថានជាតិវិជ្ជាជីវៈបាត់ដំបង ដែលជាគ្រឹះស្ថានសិក្សា​របស់រដ្ឋស្ថិតក្រោម​ក្រសួងការងារ និង​បណ្តុះបណ្តាល​វិជ្ជាជីវៈ បានប្រកាស​ជ្រើសរើសសិស្ស​ចំនួន ៦៣០នាក់ សម្រាប់កម្រិតសញ្ញាបត្របច្ចេកទេស និង​វិជ្ជាជីវៈ១ (C1)...

ឱកាសសម្រាប់និស្សិតកម្ពុជាទៅហាត់ការរយៈពេលខ្លីនៅវិទ្យាស្ថាន GIST នៃសាធារណៈរដ្ឋកូរ៉េ

ព័ត៌មានអាហារូបករណ៍, ព្រឹត្តិការណ៍

• 22/02/2023

ឱកាសសម្រាប់និស្សិត​ដែល​កំពុង​សិក្សា​នៅ​ក្នុង​វិស័យវិទ្យាសាស្រ្ត និង​វិស្វកម្ម ក្នុង​ការ​បាន​ទៅ​ហាត់ការនៅវិទ្យាស្ថានវិទ្យាសាស្ត្រ និងបច្ចេកវិទ្យា Gwangju...