ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កម្មវិធីអាហារូបករណ៍រដ្ឋាភិបាលចិន ប្រភេទ B ( CSC Type B) ប្រកាសជ្រើសរើសសិស្សនិស្សិតសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅវិទ្យាស្ថានបច្ចេកវិទ្យាប៉េកាំង សម្រាប់ឆ្នាំសិក្សា២០២៥។ ជំនាញដែលអាហារូបករណ៍ផ្ដល់ជូនរួមមាន ច្បាប់, វិទ្យាសាស្ត្រកុំព្យូទ័រ វិស្វកម្ម និងជំនាញជាច្រើនទៀត។
លក្ខខណ្ឌនៃការជ្រើសរើស ៖ ជាបេក្ខជនដែលមិនមានសញ្ជាតិចិន មានសុខភាពល្អ មានឆន្ទៈក្នុងការសិក្សា គោរពតាមបទប្បញ្ញត្តិពាក់ព័ន្ធ ច្បាប់ របស់ប្រទេសចិន និងរបស់វិទ្យាស្ថាន និងមានលិខិតឆ្លងដែន។ ជាមួយគ្នានេះ បេក្ខជនដែលមានចំណាប់អារម្មណ៍ក្នុងការដាក់ពាក្យ ថ្នាក់បរិញ្ញាបត្រជាន់ខ្ពស់ត្រូវមានសញ្ញាបត្រថ្នាក់បរិញ្ញាបត្រ មានអាយុមិនលើស៣៥ឆ្នាំ សម្រាប់បេក្ខជនស្នើថ្នាក់បណ្ឌិតត្រូវមានសញ្ញាបត្រថ្នាក់បរិញ្ញាបត្រជាន់ខ្ពស់ និងមានអាយុមិនលើស៤០ឆ្នាំ។
គួរជម្រាបដែរថា កម្មវិធីសិក្សាជាភាសាចិន បេក្ខជនត្រូវមានវិញ្ញាបនបត្រភាសាចិនដែលមានពិន្ទុ HSK កម្រិត ៥ឡើងទៅ, សម្រាប់កម្មវិធីសិក្សាជាភាសាអង់គ្លេសត្រូវមានពិន្ទុ TOEFL ច្រើនជាង៨៥ និង IELTS ច្រើនជាង ៦.០ និងពិន្ទុភាសាអង់គ្លេស Duolingo ច្រើនជាង ១១០។ សម្រា់បេក្ខជនស្នើពាក្យកម្មវិធី MBA ត្រូវមានបទពិសោធន៍ការងារ ឬកម្មសិក្សាដែលពាក់ព័ន្ធរយៈពេល១ឆ្នាំ ឬច្រើនជាងនេះ។
របៀបក្នុងការដាក់ពាក្យ ៖ ដំណាក់កាលទី១ បេក្ខជនត្រូវពាក្យដាក់ពាក្យលើ CSC Portal (Type B agency no: 10007) និងការដាក់ពាក្យ លើ University Portal ។ សម្រាប់ព័ត៌មានបន្ថែម អំពីជំនាញ និងឯកសារពាក់ព័ន្ធ បេក្ខជនអាចចូលទៅកាន់ https://mp.weixin.qq.com/s/bEtoFTkrkPFUhErU9wuXZQ ។ ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី១៥ ខែកុម្ភៈ ឆ្នាំ២០២៥៕
