ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការយល់ដឹងពីរបៀបឆ្លើយតបបែបវិជ្ជមានត្រឡប់ទៅកាន់ភាគីម្ខាងទៀត គឺជាកាបើកឱកាសដើម្បីទទួលបានផ្នត់គំនិតទូលំទូលាយ និងការផ្លាស់ប្តូរដើម្បីភាពរីកចម្រើន ក៏ដូចជាការកសាងទំនាក់ទំនង។ ទាំងនេះជាមូលហេតុមួយ ត្រូវការត្រៀមខ្លួនទុកជាមុន នៅពេលទទួលបានការស្ថាបនា ឬក៏មតិកែលម្អណាមួយ។ តាមរយៈ Ideas Ten បានបង្ហាញរបៀបនៃការឆ្លើយតបរៀងរាល់ពេលមានមតិកែលម្អ ដោយមានរៀបរាប់លម្អិតជូនខាងក្រោម ៖
មានអំណរគុណទៅកាន់អ្នកផ្តល់មតិកែលម្អ ៖ ចំណុចដំបូងបំផុតដែលត្រូវឆ្លើយតបនោះ គឺការដឹងគុណ ព្រោះអ្នកដែលផ្តល់មតិកែលម្អ ពួកគាត់ក៏មានភាពភ័យខ្លាចដែរ គឺខ្លាចថា តើអ្វីដែលបានលើកឡើងទាំងនោះវាប៉ះពាល់ផ្លូវចិត្តរបស់ភាគីម្ខាងទៀតកម្រិតណា! ដែលជាជំហានដំបូងគួរធ្វើ គឺអរគុណ ទោះបីជាមតិទាំងនោះឆ្លើយតប ឬមិនឆ្លើយតបក្ដី ការចាត់ទុកមតិកែលម្អជាកាដូដ៏មានន័យ គឺជាការផ្តល់តម្លៃឱ្យខ្លួនឯង និងអ្នកដទៃ ក៏ដូចជាពង្រីកវិសាលភាពនៃទស្សនៈការគិត និងការពិភាក្សាគ្នាផងដែរ។
ការពិចារណាអំពីមតិកែលម្អ ៖ ទោះស្ថិតក្នុងស្ថានភាព ឬក៏មតិទាំងនោះស្ថិតក្នុងកាលៈទេសៈណាក៏ដោយ ការស្តាប់ពាក្យកែលម្អដោយយកចិត្តទុកដាក់ និងកត់ត្រារាល់មតិដែលបានស្តាប់ គឺដើម្បីយកមកវិភាគ ក៏ដូចជាថ្លឹងថ្លែងអំពីការជ្រើសវិធីសាស្រ្ត មកប្រើប្រាស់ឱ្យមានប្រសិទ្ធភាព និងការស្នើអំពីមតិកែលម្អបន្ថែមនាពេលអនាគតចំពោះប្រធានបទដែលមានភាពខុសប្លែកគ្នា។
លើកឡើងអំពីអ្វីដែលបានផ្លាស់ប្តូរ ៖ ការស្រូបយកតែទ្រីស្តី និងការយកមកទុកក្នុងចិត្ត ពុំបានឆ្លើយតបទៅនឹងការផ្លាស់ប្រែបែបវិជ្ជមានទេ ត្រូវការបង្ហាញ ចែករំលែក ឬឆ្លុះបញ្ចាំងរាល់អ្វីដែលបានអនុវត្តន៍តាមរយៈមតិកែលម្អទាំងនោះ៕
