ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
គុណតម្លៃជារួមនៃការប្រើប្រាស់ឡើងវិញ និងកាត់បន្ថយប្លាស្ទិក គឺ បន្ថយការបំភាយឧស្ម័នផ្ទះកញ្ចក់ កាត់បន្ថយតម្រូវការវត្ថុធាតុដើមដែលជាផ្នែកនៃធម្មជាតិ សន្សំថាមពលពន្លឺ ការគិតគួរដល់មនុស្សជំនាន់ក្រោយដោយថែរក្សាបរិស្ថាន និងការកាត់បន្ថយបរិមាណសំណល់ដែលពុំចាំបាច់។ ហើយបើជាប្រយោជន៍មកកាន់ខ្លួនឯងផ្ទាល់ គឺការសន្សំសំចៃ អនាម័យ និងការថែទាំសុខភាព។ តាមរយៈ Enviroment Protection Agency បានប្រាប់ពីរបៀបចូលរួមចំណែកក្នុងការប្រើប្រាស់ឡើងវិញ និងការកាត់បន្ថយប្លាស្ទិក ដោយមានរៀបរាប់នៅខាងក្រោម ៖
គិតគូរពីបរិស្ថានមុនពេលទៅហាងទំនិញ ៖ ផ្តោតលើការទិញទំនិញដែលចាំបាច់បំផុត ឬទៅផ្សារដោយមិនប្រើប្រាស់ការវេចខ្ចប់ដោយប្លាស្ទិក គឺជាការរួមចំណែកបន្ថយការបំភាយឧស្ម័នផ្ទះកញ្ចក់។ ក្រៅពីនោះ អ្នកអនុវត្តន៍ខ្លួនឯងផ្ទាល់ក៏បានកាត់បន្ថយការចំណាយ ការបង្កើតទម្លាប់សន្សំ និងការក្លាយជាគំរួល្អទៅកាន់សហគមន៍ ទាំងអ្នកប្រើប្រាស់ និងទាំងអ្នកលក់ដូរ ក៏ដូចជាអ្នកផលិតជាដើម។
មិនខ្ជីខ្ជាចំណីអាហារ ៖ ត្បិតថាសកម្មភាពនេះ មើលទៅតូចៗ ប៉ុន្តែជាការរួមចំណែកប្រចាំថ្ងៃ និងជាអ្វីដែលគ្រប់គ្នាអាចធ្វើបាន តួយ៉ាងដូចជា ទិញអាហារដោយភាពឆ្លាតវៃ ជ្រើសតែរបស់ ដែលអាចទទួលទានបាន និងឆ្លើយតបទៅនឹងតម្រូវការសុខភាព កែច្នៃកាកសំណល់ក្រោយពីការចម្អិនអាហារ ដើម្បីធ្វើជាជីដាំផ្កា ឬដំណាំ។ ហើយប្រសិនបើអាហារដែលចម្អិនរួចហើយនៅសល់ ពុំគួរទុកឱ្យវាក្លាយជាជីនោះទេ គួរផ្តល់វាឱ្យទៅក្រុមមនុស្សដែលត្រូវការ ចំពោះសកម្មភាពនេះ វាមិនមែនបង្ហាញពីការកាត់បន្ថយ ការប្រើប្រាស់ធនធានធម្មជាតិនោះទេ ប៉ុន្តែវាក៏ជាអំពីសប្បុរសផងដែរ។
ការប្រើប្រាស់សម្ភារនៅក្នុងផ្ទះឡើងវិញ ៖ សម្ភារដែលអាចប្រើប្រាស់ឡើងវិញបាន មានដូចជា សំលៀកបំពាក់ ឬសម្ភារដទៃៗដែលអាចកៃច្នៃបាន។ ហើយសម្រាប់អ្នកចូលចិត្ត ការផ្លាស់ប្តូរ ក៏អាចប្រើប្រាស់សម្ភារចាស់ៗឱ្យចេញជាម៉ូតថ្មីបានដែរ ដូចជា លាបពណ៌តុចាស់ៗទៅតាមចំណូលចិត្ត ឬប្រើប្រាស់ដបទឹកសុទ្ធច្នៃជាថូផ្កា និងសកម្មភាពជាច្រើនទៀតទៅតាមតម្រូវការ៕
