វិធីដោះស្រាយ៦ចំណុច នៅពេលអ្នកធ្លាក់ចូលក្នុង​ស្ថានភាពតានតឹង

ក្នុងសង្គមដែលមានភាពលឿនរហ័ស តែងតែបានឮញឹកញាប់អំពីភាពតានតឹង និងអាការថប់បារម្ភ​ ទាំងនេះក៏ព្រោះតែកិច្ចការដែលត្រូវបំពេញមានភាពចម្រុះបែប និងរំខាន។ ការណ៍នេះហើយបណ្តាលឱ្យយុវជន មានសម្ពាធផ្លូវចិត្តច្រើនជាងមុន ដែលត្រូវការគន្លឹះដ៏សមស្របមួយក្នុងការដោះស្រាយ។

តាមរយៈគេហទំព័រ Lovetoknow បានបង្ហាញគន្លឹះ៦ចំណុចក្នុងការដោះស្រាយនៅពេលធ្លាក់ចូលស្ថានភាពតានតឹង៖

១. ក្នុងពេលតែមួយគឺធ្វើឱ្យរាងកាយសកម្ម និងជម្រុះសម្ភារពុំចាំបាច់ ៖ រៀងរាល់ពេលដែលមានអាការធុញថប់ខ្លាំង ខួរក្បាលត្រូវការភាពស្រឡះដើម្បីរំសាយទុក្ខកង្វល់ ហើយប្រសិនបើកន្លែងធ្វើការ ឬកន្លែងស្នាក់នៅពោរពេញដោយសម្ភាររញ៉េរញ៉ៃ ឬគំនរស្បែកជើងយ៉ាងច្រើនក្បែរទ្វារខាងមុខផ្ទះ ឬបន្ទប់ និងភាពស្កេះស្កាសឯទៀត នោះនឹងកាន់តែបង្កនូវភាពតានតឹងបន្ថែម។ ក្រៅតែពីបង្កើនសកម្មភាពរាងកាយដូចជាដើរឱ្យបាន១០០ជំហាន ឬលោត និងហាត់ប្រាណ មានជម្រើសដ៏ល្អមួយទៀតគឺ រុះរើសម្ភារដែលមិនចាំបាច់ចោល ឬធ្វើយ៉ាងណាបង្កើតឱ្យបរិវេណជុំវិញខ្លួនមានភាពទូលាយ។

២. ប្រើពេល៣០នាទីក្នុងការផ្តាច់ខ្លួនពីភាពស្មុគស្មាញ ​៖ ការថប់បារម្ភអាចធ្វើឱ្យវាពិបាកក្នុងការផ្តោតអារម្មណ៍ស្រាប់ហើយ ហើយក៏ជាសញ្ញាត្រូវការតុល្យភាពក្នុងការប្រើប្រាស់សកម្មភាពនីមួយៗ មិនមែនផ្តាច់ចោលទម្លាប់មិនល្អទាំងស្រុងចោលនោះទេ! តួយ៉ាងយើងបានដឹងហើយថា សកម្មភាពដែលផ្តល់នូវការរំខានត្រូវកាត់ចោល ប៉ុន្តែក្នុងដំណាក់កាលតានតឹងសកម្មភាពដែលរំខានខ្លះ ក៏ជាចំណែកក្នុងការបន្ធូរបន្ថយអារម្មណ៍ដែរ គ្រាន់តែត្រូវកំណត់ពេលឱ្យជាក់លាក់មួយក្នុងការអនុវត្តន៍។ ឧទាហរណ៍ ចំណាយពេលត្រឹមតែ៣០នាទីក្នុងមួយថ្ងៃដើម្បីប្រើប្រាស់បណ្តាញសង្គម ឬក៏មើល៍ទូរទស្សន៍។ បន្ថែមពីនោះអាចជំនួសបានដោយសកម្មភាពមួយចំនួនដូចជា ប្រើពេល៣០នាទីទៅអានតែសៀវភៅដែលខ្លួនចូលចិត្តកុំទាន់គិតអំពីតម្រូវការ ធ្វើសកម្មភាពដែលពាក់ព័ន្ធនឹងសិល្បៈ រួមទាំងការលេងហ្គេមជាដើម។


៣. ទុកទូរស័ព្ទដៃឱ្យនៅឆ្ងាយពីខ្លួន ៖ ជាទម្លាប់ក្នុងការរស់នៅប្រចាំថ្ងៃនាពេលបច្ចុប្បន្ននេះ គឺ មនុស្សមានទម្លាប់រួមមួយគឺការចំណាយពេលច្រើនជាមួយទូរស័ព្ទដៃ ឬបច្ចេកវិទ្យា ដើម្បីតាមដានព្រឹត្តិការណ៍ ដែលកើតមានប្រចាំថ្ងៃជុំវិញខ្លួន និងពិភពលោក ឬតាមដានសារ អ៊ីមែល ឬចំណងជើងព័ត៌មានជាដើម ដែលសកម្មភាពទាំងនេះ មានឥទ្ធិពលបន្ថែមអាការថប់បារម្ភកាន់តែច្រើន។

៤. ពាល់នឹងពន្លឺព្រះអាទិត្យ ​៖ ការចេញក្រៅ ក៏ដូចជាការផ្តល់ឱ្យរាងកាយទទួលបានពន្លឺ ជាពិសេសនៅក្នុងរដូវកាលត្រជាក់ ឬមិនសូវមានពន្លឺព្រះអាទិត្យរះ ដោយសារតែពន្លឺពីព្រះអាទិត្យ បានរួមចំណែកដល់ការបន្ថយអាការថប់បារម្ភ ហើយពន្លឺព្រះអាទិត្យពីធម្មជាតិបានផ្តល់អត្ថប្រយោជន៍ទៅកាន់សុខភាពទាំងផ្លូវកាយនិងផ្លូវចិត្ត ព្រោះក្នុងវិតាមីន D ក៏បានពង្រឹងប្រព័ន្ធភាពស៊ាំនៃរាងកាយមួយចំណែកដែរ។

៥.​ ជ្រើសរើសសកម្មភាពតែមួយៗក្នុងការអនុវត្ត ៖ ក្នុងការប្រតិបត្តិកិច្ចការប្រចាំថ្ងៃគឺមានសកម្មភាពជាច្រើន ដែលយើងមិនអាចគ្រប់គ្រងបានទាំងអស់នោះទេ ដែលជាហេតុ តម្រូវឱ្យជ្រើសរើសតែមួយៗ ហើយផ្តោតតែមួយៗ ដើម្បីមានភាពងាយស្រួលក្នុងការតាមដានលទ្ធផល ក៏ដូចជាកាត់បន្ថយភាពតានតឹង។

៦. ជ្រើសអាហារសម្រន់ដែលមានប្រូតេអ៊ីន ៖ ទម្លាប់របស់មនុស្ស ដែលមានភាពតានតឹង គឺពិបាកទប់ខ្លួនក្នុងការទទួលទានអាហារ ឬការទទួលទានលើសតម្រូវការនៃរាងកាយជាដើម។ ជាមួយគ្នានោះ អាហារសម្រន់ដែលផ្តល់នូវភាពងាយស្រួល គឺមិនសូវបានគិតដិតដល់ ថា តើក្នុងនោះមានវិតាមីន ឬប្រូតេអ៊ីនកម្រិតណានោះទេ ប្រសិនបើទម្លាប់បែបនេះក្នុងរយៈពេលវែង អាចបង្កឱ្យប៉ះពាល់សុខភាពរាងកាយ, បញ្ហាទាំងនេះ កើតឡើងដោយសារតែមនុស្សមួយចំនួនយល់ថា ការទទួលទានអាហារសម្រន់ ហាក់មិនចាំបាច់គិតច្រើនពេកទេ ព្រោះបរិភោគជាបណ្តោះអាសន្នប៉ុណ្ណោះ។ យ៉ាងណាមិញ មានប្រភេទអាហារសម្រន់មួយចំនួន ដែលអាចជំរុញការទទួលទានឱ្យមានប្រសិទ្ធភាពគឺ ភេសជ្ជៈស្រស់ៗ ទឹកដោះគោជូរ ផ្លែឈើចម្រុះ គ្រាប់ធញ្ញជាតិ និងទឹកបន្លែផ្លែឈើជាដើម៕



About WordPress

របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសអាហារូបករណ៍ជំនាញវិជ្ជាជីវៈនៅវិទ្យាស្ថានពហុបច្ចេកទេសភូមិភាគតេជោសែនបាត់ដំបង ចំនួន៥១០កន្លែង

ព័ត៌មានអាហារូបករណ៍, ព្រឹត្តិការណ៍

• 12/03/2024

វិទ្យាស្ថានពហុបច្ចេកទេសភូមិភាគតេជោសែនបាត់ដំបង ប្រកាសផ្តល់អាហាររូបករណ៍សិក្សាជំនាញវិជ្ជាជីវៈ ចំនួន៥១០កន្លែង សម្រាប់យុវជន យុវនារីដែលមកពីគ្រួសារក្រីក្រ គ្រួសារងាយរងហានិភ័យ...

ក្រសួងទេសចរណ៍ជ្រើសរើសគ្រូជំនាញសម្រាប់សាលាវិជ្ជាជីវៈទេសចរណ៍ចំនួន១០នាក់ ទៅសិក្សានៅប្រទេសបារាំង

ព័ត៌មានអាហារូបករណ៍, ព្រឹត្តិការណ៍

• 20/02/2024

ក្រសួងទេសចរណ៍ប្រកាសជ្រើសរើសគ្រូបណ្ដុះបណ្ដាលជំនាញសម្រាប់សាលាវិជ្ជាជីវៈទេសចរណ៍ចំនួន១០រូប ដើម្បីចូលរួមវគ្គបណ្ដុះបណ្ដាលគ្រូជំនាញនៅ...

សាកលវិទ្យាល័យ​អន្តរជាតិ ​ផារ៉ាហ្គន ​ប្រកាស​លទ្ធផល​ប្រឡង​អាហារូបករណ៍​ប្រចាំ​ឆ្នាំ​២០២៦​

ព័ត៌មានអាហារូបករណ៍, ព្រឹត្តិការណ៍

• 04/08/2026

​សាកលវិទ្យាល័យ​អន្តរជាតិ ​ផារ៉ាហ្គន ​បាន​ប្រកាស​លទ្ធផល​នៃ​ការ​ប្រឡង​និស្សិត​អាហារូបករណ៍​ឆ្នាំ​ ​២០២៦​ ​ជា​ផ្លូវការ​ និង​បាន​អបអរសាទរ​ជាមួយ​ជ័យលាភី​ដែល​មាន​ទេពកោសល្យ​។

អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ MGIMO ចំនួន៣កន្លែង

ព័ត៌មានអាហារូបករណ៍, ព្រឹត្តិការណ៍

• 26/05/2025

យោងតាមសមាគមនិស្សិតខ្មែរប្រចាំសហព័ន្ធរុស្សី ពេលនេះ សាកលវិទ្យាល័យ MGIMO បាន​ប្រកាសជ្រើសរើសនិស្សិតចំនួន៣កន្លែង សម្រាប់ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ក្នុង​ឆ្នាំសិក្សា២០២៥-២០២៦។

ឱកាសសិក្សាថ្នាក់បរិញ្ញាបត្រជាន់ខ្ពស់បណ្ឌិតផ្នែក AI នៅសាកលវិទ្យាល័យជាតិ Chungbok ប្រទេសកូរ៉េ

ព័ត៌មានអាហារូបករណ៍, ព្រឹត្តិការណ៍

• 05/04/2023

ជាឱកាសសម្រាប់អ្នកចង់បន្ត​ការសិក្សា​ លើជំនាញ AI Processor Chip Design និង AI Deep Learning Image Recognition ពេល​នេះ​សាកលវិទ្យាល័យជាតិ Chungbok ...

រៀនជំនាញកែច្នៃបន្លែ ផ្លែឈើ ដោយ​មិនគិតថ្លៃ​ពីវិទ្យាស្ថាន​ជាតិពហុបច្ចេកទេស​កម្ពុជា

ព័ត៌មានអាហារូបករណ៍, ព្រឹត្តិការណ៍

• 31/03/2025

វិទ្យាស្ថានជាតិពហុបច្ចេកទេស​កម្ពុជា (NPIC) ប្រកាសជាថ្មី​ក្នុងការ​ជ្រើសរើស​សិក្ខាកាម​ចូលរៀនជំនាញកែច្នៃបន្លែផ្លែឈើ ដោយ​មិន​គិតថ្លៃ ក្រោម​កម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈ ១.៥លាននាក់របស់រាជរដ្ឋាភិបាល។

វិទ្យាស្ថានពហុបច្ចេកទេសខេត្តកំពង់ធំ ផ្ដល់អាហារូបករណ៍សិក្សាជំនាញបច្ចេកទេស និងវិជ្ជាជីវៈ ចំនួន ៥១០កន្លែង

ព័ត៌មានអាហារូបករណ៍, ព្រឹត្តិការណ៍

• 21/11/2023

ឱកាសសិក្សាជំនាញបច្ចេកទេស និងវិជ្ជាជីវៈដោយឥតគិតថ្លៃនៅវិទ្យាស្ថានពហុបច្ចេកទេសកំពង់ធំ ចំនួន៥១០នាក់ ដល់យុវជន យុវតី សិស្ស និស្សិត និងសាធារណជនដែលមកពី...

មជ្ឈមណ្ឌល​បណ្តុះបណ្តាលវិជ្ជាជីវៈ​ខេត្តកែប ផ្តល់​ការ​សិក្សា​ជំនាញពេញនិយមចំនួន១១​ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 05/09/2024

ជា​ឱកាស​សម្រាប់​យុវជន ក៏​ដូចជា​បងប្អូនប្រជាពលរដ្ឋ​​រស់​នៅ​ខេត្តកែប ដែលមានបំណងចង់ទទួលបានជំនាញ​ពិតប្រាកដមួយ​សម្រាប់​ជីវិត ពេលនេះ​មជ្ឈមណ្ឌល​បណ្តុះបណ្តាល​វិជ្ជាជីវៈ​ខេត្តកែប ប្រកាស​ជ្រើសរើស​សិក្ខា​កាម​ឱ្យ​ចូលរៀន​ដោយ​ឥតគិតថ្លៃ ទៅលើជំនាញ​ចំនួន១១។



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *