ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
គុណភាព នៃជីវិតក៏ផ្សារភ្ជាប់ទៅនឹងការដឹងអំពីការជំរុញសុភមង្គលឥតដែនកំណត់ ព្រោះភាពរីករាយបានជំរុញឱ្យបង្កើតបាននូវផលិតភាព និងការកំណត់ផែនការអនាគត។ តាមរយៈគេហទំព័រ Power of positivity បានប្រាប់អំពីភាពសំខាន់ និងវិធីសាស្រ្តក្នុងការជំរុញសុភមង្គលឥតដែនកំណត់ ដើម្បីរួមចំណែកធ្វើឱ្យសុខុមាលភាពរស់នៅកាន់តែប្រសើរ។
ធ្វើសកម្មភាពដែលអភិវឌ្ឍន៍ដល់ស្មារតីរាល់ថ្ងៃ ៖ សូម្បីមួយថ្ងៃ ក៏មិនគួរខកខានដែរក្នុង ការធ្វើសកម្មភាពទាំងឡាយណាដែលរួមចំណែក កសាងសមត្ថភាព និងការអភិវឌ្ឍទៅកាន់ផ្នែកបញ្ញាស្មារតីខ្លួនឯង។ នៅពេលដែលចាប់ផ្តើមបើកចិត្ត បើកបេះដូង នោះនឹងរកឃើញថា មនុស្សអាចរៀនសូត្រជាប្រចាំ និងដុសខាត់ការគិតបានជារៀងរាល់ថ្ងៃតាមរយៈការសិក្សាផ្លូវការក្ដី ឬមិនផ្លូវការក្ដី តួយ៉ាងដូចជាការអាន ការសង្កេត និងការឆ្លើយឆ្លងកិច្ចសន្ទនាជាដើម ដែលនេះជាវិធីសាស្រ្តចម្រុះគ្នា។
ជួយអ្នកដទៃ ៖ ការជួយអ្នកដទៃគឺធ្វើសកម្មភាព ជំរុញសុភមង្គលឥតដែនកំណត់ដើម្បីពង្រឹងសុខុមាលភាព ក៏ដូចជាការប្រើប្រាស់ភាសាវិជ្ជមានទៅកាន់ពួកគេ ទាំងនេះមិនត្រឹមតែជាសកម្មភាពបង្ហាញនៅការយល់ចិត្តប៉ុណ្ណោះទេ ប៉ុន្តែក៏ជាការបណ្តុះទម្លាប់រួមចំណែកទៅកាន់សុខភាពផ្លូវចិត្តក្នុងរយៈពេលវែងដូចគ្នាដែរ ការធ្វើសកម្មភាពវិជ្ជមានជួយឱ្យអ្នកដទៃសប្បាយចិត្ត រួមចំណែកបង្កើតអត្ថន័យ នៃការរស់នៅចំពោះខ្លួនឯង។
នៅក្បែរមនុស្សរីករាយ ៖ ការចំណាយពេលនៅជុំវិញបុគ្គលដែលពោរពេញទៅដោយសំណើច ភាពរីករាយ សុទ្ធសឹងតែជាកត្តាជះឥទ្ធិពលវិជ្ជមាននាពេលអនាគត។ ធ្លាប់សង្កេតដែរទេ? នៅពេលដែលលោកអ្នកបាននៅក្បែរមិត្ត បងប្អូនបង្កើត ឬសមាជិកគ្រួសារដែលមានវិធីដោះស្រាយបញ្ហាបានជាប្រចាំ មានភាពស្រស់ស្រាយញឹកញាប់ មិនយូរមិនឆាប់នោះកត្តាទាំងនេះនឹងធ្វើឱ្យអារម្មណ៍ផាសុកភាព និងសុភមង្គលបានកើនឡើង។
ស្គាល់គុណតម្លៃ នៃរបស់តូចៗ ៖ រៀងរាល់ពេលអនុវត្តសកម្មភាពប្រចាំថ្ងៃ ដែលមិនឆ្លើយតបជាមួយគោលដៅ ឬការប្រើប្រាស់ជីវិត ការសម្រេចចិត្តមិនទាន់ត្រូវទៅនឹងការកំណត់គោលដៅ វាពិតជាពិបាកបន្តិចក្នុងការសម្លឹងមើលសកម្មភាពតូចៗក្នុងរូបភាពវិជ្ជមាន។ ស្ថិតក្នុងកាលៈទេសៈនេះ គឺមានតែការបណ្តុះទម្លាប់ខ្លួនឯងប៉ុណ្ណោះ ក្រៅពីការផ្តោតលើលទ្ធផលដែលខ្លួនរំពឹងទុក ជាកិច្ចបន្ទាប់គឺការផ្តោតលើដំណើរការពេញមួយថ្ងៃ និងការថ្លែងអំណរគុណចំពោះអ្វីដែលមាននៅក្នុងដៃស្រាប់៕
