​ជា​ឱកាស​សម្រាប់​និស្សិត​កម្ពុជា​ដែល​ចង់​បន្ត​ការ​សិក្សា​ថ្នាក់​បរិញ្ញាបត្រ​ជាន់​ខ្ពស់​ និង​ថ្នាក់​បណ្ឌិត​នៅ​ប្រទេស​ជប៉ុន​ ​ពេលនេះ​ ​សាកលវិទ្យាល័យ​ ​Ritsumeikan​ ​Asia​ ​Pacific​ ​University​ ​(​APU​) ​បាន​ប្រកាស​បើក​ទទួល​ពាក្យ​ស្នើសុំ​ ​អាហារូបករណ៍​ ​MEXT​ ​(​University​ ​Recommendation​) ​សម្រាប់​ការ​ចូលរៀន​នៅ​ខែកញ្ញា​ ​ឆ្នាំ​២០២៧​ ​ខាងមុខ​នេះ​។​

​អាហារូបករណ៍​នេះ​ផ្តល់​ដោយ​ ​ក្រសួង​អប់រំ ​វប្បធម៌​ ​កីឡា​ ​វិទ្យាសាស្ត្រ​ ​និង​បច្ចេកវិទ្យា ​នៃ​ប្រទេស​ជប៉ុន​ ​(​MEXT​) ​ក្នុង​គោលបំណង​លើកកម្ពស់​សមត្ថភាព​ប្រកួតប្រជែង​អន្តរជាតិ​ ​និង​ជំរុញ​ការ​ផ្លាស់ប្តូរ​និស្សិត​អន្តរជាតិ​នៅ​តាម​សាកលវិទ្យាល័យ​ជប៉ុន​។​

​លក្ខខណ្ឌ​នៃ​ការ​ដាក់ពាក្យ​
​-​ ​មាន​បំណង​ទៅ​សិក្សា​នៅ​ប្រទេស​ជប៉ុន​ ​ដោយ​ធ្វើដំណើរ​ពី​ក្រៅ​ប្រទេស​ជប៉ុន​។
​- ​ជា​ពលរដ្ឋ​ ​នៃ​ប្រទេស​ដែល​កំណត់​ដោយ​ ​MEXT​។
​-​ ​កើត​នៅ​ថ្ងៃទី​ ​២​ ​ខែមេសា ​ឆ្នាំ​១៩៩២​ ​ឬ​ក្រោយពី​ថ្ងៃ​នោះ​។
​-​ ទទួលបាន​ពិន្ទុ​មធ្យមសិក្សា​ ​(​GPA​) ​យ៉ាងហោចណាស់​ ​2.30​ ​លើ​មាត្រដ្ឋាន​ ​3.00​ ​ពី​សាកលវិទ្យាល័យ​ចុងក្រោយ​ដែល​បាន​សិក្សា​។​

​អត្ថប្រយោជន៍​អាហារូបករណ៍​

​- ​លើកលែង​ថ្លៃ​ចុះឈ្មោះ​ចូលរៀន​ ​១០០​%
​-​ ​លើកលែង​ថ្លៃ​សិក្សា​ ​១០០​%
​-​ ​ប្រាក់​ឧបត្ថម្ភ​ប្រចាំ​ខែ​ ​144,000​ ​យ៉េន​ជប៉ុន​ ​(​JPY​) ​(​រួមបញ្ចូល​ថ្លៃ​ស្នាក់​នៅ​) ​(​ចំនួន​នេះ​អាច​មាន​ការ​ផ្លាស់ប្តូរ​)​។
​-​ ​សំបុត្រ​យន្តហោះ​ទៅ​-​មក​ រវាង​ប្រទេស​កំណើត​ ​និង​សាកលវិទ្យាល័យ​ ​APU​ ​នៅពេល​ចាប់ផ្តើម​ និង​បញ្ចប់​កម្មវិធី​សិក្សា​។​

​ដំណើរការ​ដាក់ពាក្យ​ ​និង​ការ​ជ្រើសរើស​

​ចំពោះ​សិស្ស​និស្សិត​ដែល​ចាប់អារម្មណ៍​លើ​អាហារូបករណ៍​នេះ​ ​សូម​ដាក់ពាក្យ​ឱ្យ​បាន​មុន​ ​ថ្ងៃទី​៥​ ​ខែវិច្ឆិកា ​ឆ្នាំ​២០២៦​។​ ​APU​ ​នឹង​ពិនិត្យ​ឯកសារ​ដាក់ពាក្យ​ ​និង​ជ្រើសរើស​បេក្ខជន​ដែល​សមស្រប ​ដើម្បី​ណែនាំ​ទៅកាន់​ ​MEXT​។​

​បេក្ខជន​ដែល​ត្រូវបាន​ជ្រើសរើស​សម្រាប់​ការ​ណែនាំ​ទៅ​ ​MEXT​ ​នឹង​ទទួលបាន​ការ​ជូនដំណឹង​ជាមួយ​លទ្ធផល​ចុងក្រោយ​នៃ​ការ​ដាក់ពាក្យ​ចូល​រៀន​នៅ​ ​APU​។ ​លទ្ធផល​ចុងក្រោយ​នៃ​ការ​ផ្តល់​អាហារូបករណ៍​ ​នឹង​ត្រូវ​សម្រេច​ដោយ​ ​MEXT​ ​នៅ​ចុង​ខែមិថុនា​។​

​សម្រាប់​ព័ត៌មាន​បន្ថែម​ ​សូម​ចូល​ទៅកាន់​ ​៖​ ​https​:​/​/​admissions​.​apu​.​ac​.​jp​/​graduate​/​how​to​apply​/​external​scholarship​/​u​recommendation​/​៕