ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការពិចារណាអំពីការជ្រើសរើសប្រភេទអាហារដែលឆ្លើយតបនឹងការកាត់បន្ថយហានិភ័យនានា ជាពិសេសចំពោះសុខភាពខួរក្បាល ក៏ដូចជារាងកាយទាំងមូល ហាក់មានភាពស្មុគស្មាញ ក្នុងសម័យកាលដ៏មមាញឹកនេះ ។ យ៉ាងណាមិញ តាមរយៈគេហទំព័រ BESTLIFE បានបង្ហាញអំពីអាហារ៥ប្រភេទសម្រាប់ទ្រទ្រង់សុខភាពខួរក្បាល។
១. ប្រេងអូលីវ ៖ ប្រេងអូលីវ មិនត្រឹមតែមានតួនាទីក្នុងការជួយដល់សុខភាពបេះដូង ដូចដែលមនុស្សភាគច្រើនបានដឹងនោះទេ ទន្ទឹមគ្នានោះប្រេងអូលីវ មានមុខងារក្នុងការជំរុញទៅដល់សុខភាពខួរក្បាលផងដែរ ព្រោះវាជាប្រេងដែលចម្រាញ់ពីផ្លែអូលីវ ហើយប្រេងប្រភេទនេះអាចកាត់បន្ថយហានិភ័យមួយចំនួនទៀតដូចជា អាការភ្លេចភ្លាំង និងវង្វេង។
២. តែ ៖ តែមានច្រើនប្រភេទ ដូចជា តែបៃតង ឬតែពណ៌ខ្មៅ, តែ មានសមត្ថភាពស្រដៀងទៅផ្លែផ្លែប៊ឺ និង ប្រេងអូលីវដែរ ដោយសារ តែ ក៏មានតួនាទីប្រឆាំងនឹងអាការវង្វេង។
៣. បន្លែ ៖ ក្នុងរបបអាហារ ដែលមានបន្លែបង្ការ ឬស្លឹកពណ៌បៃតងបានបំពេញនូវសារធាតុចិញ្ចឹមទៅកាន់រាងកាយ ព្រោះក្នុងបន្លែមានជាតិវីតាមីន និងសារធាតុរ៉ែទៅតាមប្រភេទបន្លែនីមួយៗ ហើយមានតួនាទីបង្កើនការចងចាំ និងសុខភាពរាងកាយទូទៅ។
៤. គ្រាប់ធញ្ញជាតិ ៖ ដោយសារតែគ្រាប់ធញ្ញជាតិសម្បូរទៅដោយអាស៊ីដខ្លាញ់អូមេហ្គា៣ ទើបវាមានសមត្ថភាព ក្នុងការជួសជុលសភាពភ្លេចភ្លាំង រាងកាយមានភាពស្វាហាប់ រួមទាំងសម្រួលឱ្យសុខភាពផ្លូវចិត្តមានភាពល្អប្រសើរ។
៥. សណ្តែក ៖ គេអាចប្រើប្រាស់សណ្ដែកសៀង ឬសណ្ដែកដី ព្រោះអាហារប្រភេទនេះ ឆ្លើយតបនឹងតម្រូវការសម្រាប់អ្នកចង់បានអាយុវែង និងសុខភាពរឹងមាំ ដោយហេតុថា សណ្តែកមានជាតិសរសៃ ហើយអាចជំរុញសុខភាពបេះដូងឱ្យកាន់តែប្រសើរ និងកាត់បន្ថយហានិភ័យនៃជំងឺមហារីក ។ ចំពោះការបរិភោគទៀតសោត យ៉ាងហោចណាស់ ញ៉ាំឱ្យបានបួនដងក្នុងមួយសសប្តាហ៍៕
