ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
នៅក្នុងការសិក្សារៀនសូត្រ សិស្ស និស្សិតតែងជួបការលំបាកនៅពេលមានកិច្ចការសាលា លំហាត់ដែលត្រូវដោះស្រាយ ឬពិបាកផ្ដោតអារម្មណ៍លើការសិក្សា។ យុវជន ឈាន់ ប៉ហេង អ្នកបង្កើតមាតិកាលើបណ្ដាញសង្គម និងជាយុវសិស្សជោគជ័យក្នុងការសិក្សាមួយរូប បានចែករំលែកកម្មវិធីទូរស័ព្ទដៃ (App) ចំនួន៥ ដែលអាចជួយឱ្យសិស្ស និងនិស្សិតរៀនកាន់តែពូកែ។
បើតាមការណែនាំរបស់ យុវជន ឈាន់ ប៉ហេង កម្មវិធីទូរស័ព្ទដៃ (App) ចំនួន៥ ដែលអាចជួយឱ្យសិស្ស និងនិស្សិតរៀនកាន់តែពូកែ រួមមាន៖
ទី១. កម្មវិធី GeoDebra ៖ ជាកម្មវិធីមួយប្រើសម្រាប់ គូរក្រាប គណនាលេខ សមីការ អនុគមន៍ជាដើម។ ទន្ទឹមគ្នា កម្មវិធីនេះ អាចដោះស្រាយសមីការគណិតវិទ្យាបានយ៉ាងងាយស្រួល ដោយគ្រាន់តែវាយបញ្ចូលលំហាត់សមីការដែលចង់ដោះស្រាយចូល នោះនឹងចេញចម្លើយសម្រាប់ផ្ទៀងផ្ទាត់ជាការស្រេច។ កម្មវិធីនេះ គឺអាចផ្ទៀងផ្ទាត់ការគូរក្រាប ចំណេញពេលវេលា និងត្រឹមត្រូវផងដែរ។
ទី២. កម្មវិធីថតឯកសារ Offce Lens ៖ ជាកម្មវិធីមួយផ្ដល់ភាពងាយស្រួលក្នុងការថតឯកសារ ហើយអាចប្ដូរក្រដាសពណ៌អ្វីក៏បាន។ របៀបប្រើ គឺគ្រាន់តែចូលទៅកម្មវិធី ថតឯកសារ រួចកែសម្រួលទំហំដែលចង់បាន ហើយចុចពាក្យ Done filter នឹងទទួលបានរូបភាពបានតាមតម្រូវការ។
ទី៣. កម្មវិធី TodoList ៖ ជាកម្មវិធីងាយស្រួលតាមដានកិច្ចការ និងកំណត់រឿងត្រូវធ្វើប្រចាំសប្ដាហ៍។ កម្មវិធីនេះ ផ្ដល់ភាពងាយស្រួលសម្រាប់សិស្សពូកែភ្លេច អាចរំឮកអំពីកិច្ចការដែលត្រូវធ្វើក្នុងមួយថ្ងៃៗ។ របៀបប្រើគ្រាន់តែចុចពាក្យ “Add Task” ហើយសរសេរអំពីកិច្ចការត្រូវធ្វើអ្វីខ្លះ? បន្ទាប់មកអាចដាក់ម៉ោងជួយរំឮក ដើម្បីជៀសវាងភ្លេច។
ទី៤. កម្មវិធី Pomodoro ៖ កម្មវិធីនេះ អាចប្រើបានដោយឥតគិតថ្លៃ ដែលអាចជួយសិស្ស និស្សិត ផ្ចង់អារម្មណ៍ស្វ័យសិក្សា ឬធ្វើការបានត្រឹមត្រូវ។ របៀបប្រើ គ្រាន់តែចូលទៅកាន់វេបសាយ “pomofocus.io” រួចចុចពាក្យចាប់ផ្ដើម (Start) កំណត់ពេលចំនួន 25នាទី មកផ្ដោតលើការសិក្សា ឬធ្វើការ។ នៅពេលគ្រប់នាទីហើយអាចសម្រាក 25នាទី អាចសម្រាក ៥នាទីដើម្បីញ៉ាំទឹក ឬអាហារ ហើយអាចបន្តសកម្មភាពនេះឡើងវិញ។ ដូចនេះ បើអនុវត្ត 25+5 = 1 pomo ហើយអនុវត្តបាន ៤ pomo = 2ម៉ោង។
ទី៥. កម្មវិធី Khan Academy ៖ ជាកម្មវិធីបង្រៀនឥតគិតថ្លៃ រួមមាន គណិតវិទ្យា ជំនាញជីវិត សេដ្ឋកិច្ច ជីវវិទ្យា ហិរញ្ញវត្ថុ សិល្បៈ គីមីវិទ្យា ។ កម្មវិធីនេះ មានការបង្រៀនជាវីដេអូ តាមប្រធានបទ ជួយបណ្ដុះគំនិត និងអាចឱ្យសិស្សស្វ័យសិក្សាបានយ៉ាងមានប្រសិទ្ធភាព៕
