Chef Nak ៖ ស្វែងរកក្ដីស្រមៃតាមរយៈកិច្ចការតូចៗដែលអ្នកចូលចិត្ត

សព្វថ្ងៃនេះ អ្វីដែលយុវជនជួបប្រទះច្រើនបំផុតនោះ គឺការស្វែរកក្ដីស្រមៃរបស់ខ្លួនឯងពិតប្រាកដ ។ ទន្ទឹមគ្នានេះ ការស្វែងរកក្ដីស្រមៃរបស់មនុស្សម្នាក់ៗ គឺជារឿងដែលពិបាកពន្យល់ ប៉ុន្តែមនុស្សម្នាក់អាចធ្វើអ្វីបានច្រើនដ៏រាបណាមានក្ដីស្រឡាញ់ចំពោះអ្វីមួយពិតប្រាកដ សូម្បីតែជាកិច្ចការតូចៗក្ដី។ នេះបើតាមការលើកឡើងរបស់ អ្នកនាង រស់ រតនៈ ឬគេស្គាល់ថា Chef Nak ជាស្ថាបនិកក្រុមហ៊ុន Chef Nak និងជាអ្នកអភិរក្សរសជាតិខ្មែរ បានចែករំលែកបទពិសោធន៍ នៅក្នុងកម្មវិធីពិព័រណ៍ RYL នៅវិទ្យាស្ថានតិចណូ កាលពីកន្លងទៅថ្មីៗនេះ។  

អ្នកនាង រស់ រតនៈ មានប្រសាសន៍ថា អ្នកនាងផ្ទាល់ក៏ធ្លាប់ជួបការលំបាកស្វែងរកក្ដីស្រមៃពិតប្រាកដ គឺការស្វែងរកខ្លួនឯងថាស្រឡាញ់អ្វី ផងដែរ ។ ហើយអ្នកនាងក៏មិនដែលដឹងថា ការធ្វើម្ហូបជាអ្វីដែលគាត់ស្រឡាញ់ឡើយ។ ដោយពេលរកក្តីស្រមៃរបស់ខ្លួនឯងមិនទាន់ឃើញ ទើបអ្នកនាងទៅរៀនផ្នែកគណនេយ្យ រៀនផ្នែករដ្ឋបាល ដោយសារតែមិនបានដឹងថា ខ្លួនស្រឡាញ់អ្វី។

អ្នកនាង រស់ រតនៈ ស្ថាបនិកក្រុមហ៊ុន Chef Nak និងជាអ្នកអភិរក្សរសជាតិខ្មែរ

Chef Nak បានចែករំលែកទៅកាន់យុវជនជំនាន់ក្រោយអំពីវិធីដែលអ្នកនាងអាចស្វែងរកក្ដីស្រមៃខ្លួនឯងឃើញ នោះគឺការមើលពីខ្លួនឯងពីខាងក្នុង ព្រោះជួនកាលយើងមើលឃើញអ្វីដែលធំពេក និងមើលឆ្ងាយពេករហូតភ្លេចពីអ្វីដែលយើងស្រឡាញ់ពិតប្រាកដនៅក្បែរខ្លួន ។ អ្នកនាងបន្តថា គាត់ចេះធ្វើម្ហូបតាំងពីអាយុ៤ឆ្នាំមកម៉្លេះ ប៉ុន្តែគាត់គិតថា វាជារឿងធម្មតា ។ ហើយដោយសារតែការមើលមិនឃើញអំពីសក្តានុពលខ្លួនឯង ទើបធ្វើឱ្យអ្នកនាងមើលរំលងវាអស់រយៈពេលយ៉ាងយូរ ។ ដូច្នេះ យុវជនត្រូវមើលថា តើមានអ្វីខ្លះជារឿងតូចៗដែលយើងធ្វើវាទៅមិនហត់ ធ្វើវាបានយូរ ហើយធ្វើវាទាំងសប្បាយចិត្ត ព្រមទាំងទទួលលទ្ធផលល្អទៀត ទាំងនេះហើយដែលអាចនាំយើងឱ្យសម្រេចក្ដីស្រមៃចេញពីសក្តានុពលក្នុងខ្លួនរបស់យើង។ 

នៅពេលខ្ញុំមិនទាន់សម្រេចចិត្តធ្វើអ្វីដែលខ្ញុំស្រឡាញ់ពិតប្រាកដជាមួយការធ្វើម្ហូបនេះ  ខ្ញុំតែងតែឃើញថា មនុស្សគ្រប់គ្នាធ្វើរឿងជោគជ័យអ្វីមួយ គឺដោយសារតែគេមានធនធាន មានជំនួយ ជាមនុស្សពូកែ ហើយខ្ញុំមើលឃើញគេល្អជាងខ្ញុំទាំងអស់ ហើយគិតថាខ្លួនឯងជាមនុស្សអន់។ ដូច្នេះ ប្រសិនបើយើងមិនព្រមចេញពីភាពជាជនរងគ្រោះនេះទេ យើងមិនអាចធ្វើអ្វីពិសេសជាងនេះបានទេ។

អ្នកនាង រស់ រតនៈ ស្ថាបនិកក្រុមហ៊ុន Chef Nak

អ្នកនាង រស់ រតនៈ បន្ថែមថា ក្ដីស្រមៃរបស់ Chef Nak គឺធ្វើយ៉ាងណាដើម្បីឱ្យពិភពលោកស្គាល់ម្ហូបខ្មែរ។ ហើយដើម្បីធ្វើ​កិច្ចការមួយនេះបានមិនមែនជារឿងលេងសើចនោះឡើយ គឺទាមទារការលះបង់ជាច្រើន ដើម្បីធ្វើរឿងមួយនេះ និងការឈឺចាប់ ព្រោះនៅពេលទៅក្រៅប្រទេសពិបាករកម្ហូបខ្មែរ។ អ្នកនាងបន្តថា ការខិតខំប្រឹងប្រែងទាំងអស់នេះ ក្ដីស្រមៃទាំងអស់នេះ គឺសង្ឃឹមថា ជាការចាប់ផ្ដើមរបស់អ្នកនាងក្នុងវ័យ៣០ឆ្នាំ ដែលនឹងធ្វើឱ្យប្រទេសជាតិឃើញគុណតម្លៃម្ហូបខ្មែរដើម្បីចូលរួមទាំងអស់គ្នា។ 

អ្នកនាង រស់ រតនៈ ស្ថាបនិកក្រុមហ៊ុន Chef Nak និងជាអ្នកអភិរក្សរសជាតិខ្មែរ

ស្ថាបនិកក្រុមហ៊ុន Chef Nak លើកឡើងទៀតថា ប្រសិនបើយើងមានឱកាសធ្វើការជាមួយក្ដីស្រមៃរបស់យើងហើយ សូមកុំធ្វើឱ្យអ្នកដ៏ទៃមើលមកយើងធ្លាក់ខ្លួនក្រតោកយ៉ាក ដោយសារតែធ្វើអ្វីដែលខ្លួនស្រឡាញ់ ពីព្រោះយើងមិនធ្វើជានរណាទាំងអស់ ។ បើយើងស្រឡាញ់អ្វីដែលយើងធ្វើ គឺធ្វើយ៉ាងណាឱ្យយើងអាចរស់នៅជាមួយវាដោយភាពថ្លៃថ្នូរ ។

«ធ្វើកិច្ចការដោយក្ដីស្រឡាញ់ កុំឱ្យក្រដោយសារការស្រឡាញ់របស់យើង ប៉ុន្តែធ្វើអ្វីមួយហើយឱ្យបានត្រឡប់ទៅជួយជាតិយើងវិញ»

អ្នកនាង រស់ រតនៈ ស្ថាបនិកក្រុមហ៊ុន Chef Nak

Chef Nak ក៏បានផ្ដាំផ្ញើដល់យុវជនទាំងអស់គ្នា គួរប្រញាប់រកក្ដីស្រមៃរបស់ខ្លួនឯងឱ្យឃើញ ហើយកុំចាំដល់អាយុ ៣០ឆ្នាំទើបចាប់ផ្ដើមធ្វើអ្វីជាស្រមៃរបស់ខ្លួនឱ្យសោះ សូមចាប់ផ្ដើមធ្វើរឿងទាំងនោះឱ្យឆាប់បំផុតតាមដែលអាចធ្វើទៅបាន៕



About WordPress

របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសអាហារូបករណ៍សម្រាប់និស្សិតកំពុងសិក្សាឆ្នាំទី១ ឬឆ្នាំទី២ នៅសាកលវិទ្យាល័យចំនួន៩របស់កម្ពុជា

ព័ត៌មានអាហារូបករណ៍, ព្រឹត្តិការណ៍

• 03/04/2026

ឱកាស​សម្រាប់និស្សិត​ដែល​កំពុង​សិក្សា​ឆ្នាំទី១ ឬឆ្នាំទី២ ថ្នាក់បរិញ្ញាបត្រ ក្នុងការ​ទទួលបាន​អាហារូបករណ៍ពេញលេញក្នុងការសិក្សា ពីកម្មវិធីអាហារូបករណ៍ Maybank។

អាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Samford ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 15/08/2024

ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Samford ពីកម្មវិធីអាហារូបករណ៍ Crosland 2025 នៃសហរដ្ឋអាមេរិក។ ...

វិទ្យាស្ថានពហុបច្ចេកទេស​ខេត្តកំពង់ធំ ជ្រើសរើស​យុវជន​ឱ្យ​ចូលរៀនជំនាញបច្ចេកទេស ដោយឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 13/03/2025

វិទ្យាស្ថានពហុបច្ចេកទេស​ខេត្តកំពង់ធំ ប្រកាសជ្រើសរើស​យុវជន​ដែល​មក​ពី​គ្រួសារ​មាន​បណ្ណក្រីក្រ១ និងទី២ និង​គ្រួសារងាយរងហានិភ័យ ឱ្យ​ចូលសិក្សា​ជំនាញបច្ចេកទេស និង​វិជ្ជាជីវៈ ដោយ​ឥតបង់ថ្លៃ។

ឱកាសសិក្សាថ្នាក់ឧត្ដមសិក្សាពីកម្មវិធីអាហារូបករណ៍ MEXT ប្រទេសជប៉ុនឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 16/06/2023

កម្មវីធីអាហារូបករណ៍ MEXT ប្រកាសផ្ដល់អាហារូបករណ៍ថ្នាក់ឧត្ដមសិក្សានៅប្រទេសជប៉ុនសម្រាប់និស្សិតបរទេសឆ្នាំសិក្សា២០២៤ ។ អាហារូបករណ៍ជាការឧបត្ថម្ភគាំទ្ររ...

ឱកាសសិក្សាអាហារូបករណ៍រយៈពេលខ្លីនៅប្រទេសជប៉ុន នៃកម្មវិធីអាហារូបករណ៍ Amgen ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 18/01/2023

កម្មវិធីអាហារូបករណ៍ Amgen បើកផ្ដល់អាហារូបករណ៍ខ្លីរយៈពេល២ខែដោយ​មានការគាំទ្រពី Tokyo Scholarship សម្រាប់និស្សិតបរទេសដែលបានបញ្ចប់ថ្នាក់បរិញ្ញាបត្រ...

ឱកាសអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Dayton ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 16/08/2023

ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Dayton ពីកម្មវិធីអាហារូបករណ៍ Dayton Merit Scholarship 2024។ អាហារូបករណ៍ផ្ដល់ជូនដល់និស្សិតបរទេសសិក្សា...

រៀនជំនាញវិជ្ជាជីវៈដោយឥតគិតថ្លៃជិត២ពាន់កន្លែង នៅវិទ្យាស្ថានពហុបច្ចេកទេសភូមិភាគតេជោសែនសៀមរាប

ព័ត៌មានអាហារូបករណ៍, ព្រឹត្តិការណ៍

• 27/05/2025

វិទ្យាស្ថានពហុច្ចេកទេសភូមិភាគតេជោសែនសៀមរាប កំពុងប្រកាសជ្រើសរើស យុវជន និងសាធារណជនចូលសិក្សាជំនាញវិជ្ជាជីវៈដោយឥតគិតថ្លៃសម្រាប់វគ្គសិក្សាថ្មី។