ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការជជែកដេញដោល គឺជាវេទិកាបង្ហាញនៅភាពប៉ិនប្រសប់ក្នុងការនិយាយ និងបកស្រាយបានក្បោះក្បាយដោយមិនមានភាពរអាក់រអួលពេលនិយាយពិភាក្សា និងតស៊ូមតិលើប្រធានបទជាក់លាក់ណាមួយ។ នៅក្នុងការជជែក បេក្ខជនត្រូវលើកយកទឡ្ហីករណ៍ ឬអំណះអំណាងដើម្បីការពារទស្សនៈរបស់ខ្លួន និងប្រឆាំងតបតទៅនឹងទស្សនៈរបស់ភាគី ឬបេក្ខជនម្ខាងទៀត។ តើកម្មវិធីជជែកដេញដោល ផ្តល់ផលប្រយោជន៍អ្វីខ្លះចំពោះ យុវជន សាលារៀន និងសង្គមជាតិ?
១. អត្ថប្រយោជន៍ចំពោះយុវជន ៖ បើយោងតាមអគ្គនាយកដ្ឋានយុវជន នៃក្រសួងអប់រំ យុវជន និងកីឡា កម្មវិធីជជែកដេញដោល បានជួយយុវជនទទួលបានចំណេះដឹងទូលំទូលាយ និងបង្កើតឱកាសក្នុងការបង្ហាញខ្លួនក្នុងសង្គម, ទទួលបានចំណេះដឹង ដើម្បីដោះស្រាយបញ្ហាដោយត្រឹមត្រូវ និងដោយសន្តិវិធី ថែមទាំងមានការផ្លាស់ប្ដូរផ្នត់គំនិត និងពង្រីកទស្សនៈវិស័យជាវិជ្ជមាន ។ ជាងនេះទៅទៀត យុវជនអាចពង្រីក និងពង្រឹងសមត្ថភាពក្នុងការចែករំលែកគំនិត និងជំនាញស្រាវជ្រាវ វិភាគ និងសំយោគ ក្នុងការបង្កើតទឡ្ហីករណ៍ ដែលសមហេតុផល និងមានឯកសារយោងច្បាស់លាស់។ វាក៏ជាឱកាសអាចឱ្យយុវជនអភិវឌ្ឍសមត្ថភាពនៃការធ្វើបទបង្ហាញ និងការជជែកដេញដោលប្រកបដោយប្រសិទ្ធភាព និងបង្កើនបណ្តាញទំនាក់ទំនងល្អក្នុងចំណោមយុវជន និងការផ្លាស់ប្តូរបទពិសោធន៍ ក្នុងតម្លៃមិត្តភាព។ ហើយអ្វីដែលសំខាន់នោះ កម្មវិធីជជែកដេញដោល នឹងជួយយុវជនបង្កើនទំនុកចិត្ត ការជឿជាក់លើខ្លួនឯង មានឥរិយាបថល្អ និងជំនាញក្នុងការត្រិះរិះពិចារណា។
២. អត្ថប្រយោជន៍ចំពោះសាលារៀន ៖ សម្រាប់សាលារៀនវិញ នឹងមានឱកាសពង្រីកក្រុមប្រឹក្សាយុវជនកម្ពុជា ក្លឹបសិក្សា និងក្លឹបជជែកដេញដោលនៅតាម សាលារៀន។ ធ្វើឱ្យមានវប្បធម៌សន្ទនាក្នុងចំណោមយុវជន និងគណៈគ្រប់គ្រងសាលារៀន ពង្រឹងវិន័យសិក្សា សណ្តាប់ធ្នាប់ និងរក្សាបាននូវបរិស្ថានសាលារៀនស្អាត និងសាលារៀនគំរូ។ ចូលរួមចំណែក និងគាំទ្រដល់កម្មវិធីកំណែទម្រង់គ្រប់គ្រងសាលារៀន និង ប្រសិទ្ធភាពការរៀន និងបង្រៀនឆ្លើយតបទៅនឹងបរិបទថ្មី។
៣. អត្ថប្រយោជន៍ចំពោះសង្គមជាតិ ៖ ជាកាពិតជាក់ស្ដែងមួយ ការរៀបចំ «កម្មវិធីជជែកដេញដោលយុវជន» បានឆ្លើយតបតាមគោលនយោបាយជាតិស្តីពីការអភិវឌ្ឍយុវជនកម្ពុជា និងយុទ្ធសាស្ត្រកំណែទម្រង់វិស័យអប់រំ យុវជន និងកីឡា ក៏ដូចជាការលើកកម្ពស់សិទ្ធិសេរីភាព ការចូលរួម និងការទទួលខុសត្រូវរបស់យុវជននៅក្នុងសង្គមជាតិ និងសហគមន៍រស់នៅរបស់ពួកគេ។ ទន្ទឹមគ្នានោះ កម្មវិធីក៏បានបណ្ដុះបណ្តាលដល់យុវជននូវជំនាញសតវត្សរ៍ទី២១ លើ បំណិនសម្បទា ចរិយាសម្បទា និងវិជ្ជាសម្បទា ដើម្បីក្លាយទៅជា សិស្សល្អ កូនល្អ មិត្តល្អ និងជាពលរដ្ឋល្អ សម្រាប់ចូលរួមអភិវឌ្ឍព្រះរាជាណាចក្រកម្ពុជាផងដែរ៕
ថានិត រាយការណ៍ព័ត៌មាន និងប្រែសម្រួលអត្ថបទនៅ AMS-Education ទាក់ទងអំពី ការអប់រំកុមារតូចនិងការចិញ្ចឹមកូនបែបវិជ្ជមាន បំណិនជីវិត បុគ្គលិកលក្ខណៈរបស់មនុស្ស ប្រវត្តិរបស់យុវជនឆ្នើមឬបុគ្គលគំរូ ការជ្រើសជំនាញសិក្សា និងព្រឹត្តិការណ៍ព័ត៌មានក្នុងកម្មវិធីចំណេះដឹងទូទៅតាមរយៈវេទិកាសាធារណៈនិងនៅតាមសហគមន៍នានា៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
វគ្គបណ្តុះបណ្តាលខ្លីតាមប្រព័ន្ធអនឡាញ “Good Governance” របស់ប្រទេសនូវែលសេឡង់ ដល់មន្រ្តីកម្ពុជា ឆ្នាំ២០២៦
ព័ត៌មានអាហារូបករណ៍, ព្រឹត្តិការណ៍
• 22/12/2025
រដ្ឋាភិបាលនូវែលសេឡង់ នឹងរៀបចំវគ្គបណ្តុះបណ្តាលរយៈពេលខ្លី ក្រោមប្រធានបទ "Good Governance" តាមប្រព័ន្ធអនឡាញ រយៈពេលសិក្សាចាប់ពីថ្ងៃទី១ ដល់ថ្ងៃទី៣០ ខែមេសា ឆ្នាំ២០២៦ ដល់មន្រ្តីរាជការកម្ពុជា។
វិទ្យាស្ថានពហុបច្ចេកទេសខេត្តកំពង់ឆ្នាំងបន្តជ្រើសរើសសិក្ខាកាមចូលរៀនជំនាញវិជ្ជាជីវៈដោយឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 24/06/2025
ឱកាសសិក្សាជំនាញវិជ្ជាជីវៈដោយឥតគិតថ្លៃ ថ្នាក់សញ្ញាបត្របច្ចេកទេស និងវិជ្ជាជីវៈ១ នៅវិទ្យាស្ថានពហុបច្ចេកទេសខេត្តកំពង់ឆ្នាំង សម្រាប់វគ្គសិក្សាថ្មី។ ការសិក្សាផ្ដល់ឱ្យក្រោមកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស របស់រាជរដ្ឋាភិបាល
អាហារូបករណ៍ក្រោយឧត្តមសិក្សាជំនាញបរិស្ថាន កសិកម្ម និងគ្រូបង្រៀនភាសាអង់គ្លេស នៅប្រទេសនូវែលសេឡង់
ព័ត៌មានអាហារូបករណ៍, ព្រឹត្តិការណ៍
• 07/02/2025
កម្មវិធីអាហារូបករណ៍ Manaaki New Zealand Scholarships (MNZS) បានប្រកាសផ្តល់អាហារូបករណ៍ថ្នាក់ក្រោយឧត្តមសិក្សាចំនួន ៣៥កន្លែង ដល់ពលរដ្ឋកម្ពុជា (ទាំងក្នុងវិស័យសាធារណៈ និងឯកជន) លើមុខជំនាញពាក់ព័ន្ធនឹងការប្រែប្រួលអាកាសធាតុ...
អាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Australia Awards ២០២៤នៅប្រទេសអូស្រ្តាលី
ព័ត៌មានអាហារូបករណ៍, ព្រឹត្តិការណ៍
• 29/02/2024
កម្មវិធីអាហារូបករណ៍ Australia Awards ប្រកាសបើកទទួលពាក្យស្នើសុំអាហារូបករណ៍ថ្នាក់ឧត្តមសិក្សានៅសាកលវិទ្យាល័យល្បីៗក្នុងប្រទេសអូស្ត្រាលី...
វិទ្យាស្ថានពហុបច្ចេកទេសភូមិភាគតេជោសែនស្វាយរៀង ផ្តល់អាហារូបករណ៍ដល់យុវជនរៀនជំនាញ TVET ចំនួន ៦៣០នាក់
ព័ត៌មានអាហារូបករណ៍, ព្រឹត្តិការណ៍
• 22/11/2023
វិទ្យាស្ថានពហុបច្ចេកទេសភូមិភាគតេជោសែនស្វាយរៀង ប្រកាសថា នៅក្នុងឆ្នាំសិក្សា២០២៣-២០២៤ វិទ្យាស្ថាននឹងជ្រើសរើសយុវជន យុវនារី មកពីគ្រួសារក្រីក្រ និងគ្រួសារ...
ឱកាសថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីអាហារូបករណ៍អូស្ត្រាលីឆ្នាំ២០២៦
ព័ត៌មានអាហារូបករណ៍, ព្រឹត្តិការណ៍
• 20/02/2025
កម្មវិធីអាហារូបករណ៍រដ្ឋាភិបាលអូស្ត្រាលីឆ្នាំសិក្សា២០២៦ ចាប់បើកទទួលពាក្យសម្រាប់សិស្ស និសិ្សត និងសាធារណជនកម្ពុជាហើយ។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ...
ឱកាសសម្រាប់សិស្ស-និស្សិត RUPP ទៅបន្តការសិក្សាថ្នាក់បរិញ្ញាបត្រជាន់ខ្ពស់នៅ Sogang University
ព័ត៌មានអាហារូបករណ៍, ព្រឹត្តិការណ៍, អាហារូបករណ៍
• 29/05/2026
សាកលវិទ្យាល័យ Sogang (Sogang University) ដែលជាគ្រឹះស្ថានឧត្តមសិក្សាដ៏ល្បីល្បាញ និងចំណាស់ជាងគេមួយនៅក្នុងសាធារណរដ្ឋកូរ៉េ ក្រោមជំនួយកិច្ចសហការជាមួយអង្គការ Jesuit Service-Cambodia...
កម្មវិធីអាហារូបករណ៍ TIPP ប្រកាសជ្រើសរើសមន្ត្រីរាជការកម្ពុជាទៅសិក្សាថ្នាក់បរិញ្ញាបត្រជាន់ខ្ពស់នៅប្រទេសថៃ
ព័ត៌មានអាហារូបករណ៍, ព្រឹត្តិការណ៍
• 15/05/2023
កម្មវិធីអាហារូបករណ៍ TIPP ប្រកាសជ្រើសរើសមន្ត្រីរាជការកម្ពុជាទៅសិក្សាថ្នាក់បរិញ្ញាបត្រជាន់ខ្ពស់នៅប្រទេសថៃសម្រាប់ឆ្នាំសិក្សា២០២៣ ។ អាហារូបករណ៍ផ្ដល់ជូនក្រោមកម្មវិធី ...
អាហារូបករណ៍វគ្គបណ្ដុះបណ្ដាលភាសាអង់គ្លេសពីមជ្ឈមណ្ឌលស៊ីមេអូ RELC នៅប្រទេសសឹង្ហបុរី សម្រាប់ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 17/07/2023
មជ្ឈមណ្ឌលស៊ីមេអូ RELC ប្រកាសផ្ដល់អាហារូបករណ៍សិក្សាវគ្គបណ្ដុះបណ្ដាលភាសាអង់គ្លេសតាមរយៈការសិក្សាផ្ទាល់នៅប្រទេសសឹង្ហបុរី និងតាមបែបចម្រុះសម្រាប់ឆ្នាំសិក្សា២០២៤ ។ អាហារូបករណ៍ផ្ដល់ជូនការសិក្សាចំនួន១៦កន្លែងដល់បេក្ខជនដែលជាគ្រូបង្រៀនឯកទេសភាសាអង់គ្លេស ។
កម្មវិធីពិសេសរបស់ AMS EDUCATION
ព័ត៌មានសង្ខេប
