ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ក្នុងវេទិកាកេសរកូលជាតិលើកទី២ និងពិធីដាក់ឱ្យប្រើប្រាស់ជាផ្លូវការសៀវភៅមគ្គទេសក៏ស្ដីពីគ្រឿងទេសនៅកម្ពុជា នាព្រឹកថ្ងៃពុធនេះ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន មានប្រសាសន៍ថា វេទិកាកេសរកូលជាតិលើកទី២ មានគោលបំណងធ្វើយ៉ាងណាជំរុញឱ្យមានការបណ្ដុះកូនកេសរកូលឱ្យបានរាប់រយដើម និងរួមចំណែកអភិរក្សផ្កាអ័រគីដេមានក្លិនក្រអូប ដែលជាទូទៅផ្កាអ័រគីដេនៅលើពិភពលោកមិនមានក្លិនក្រអូបនោះឡើយ។
ឯកឧត្តម សាយ សំអាល់ បានបញ្ជាក់ថា កាលពីជំនាញព្រះករុណាសម្តេចព្រះបរមរតនកោដ្ឋ ក៏ធ្លាប់មានការប្រមូលនូវកេសរកូលនេះផងដែរ ប៉ុន្តែដោយសារតែប្រទេសមានសង្រ្គាម ក៏ត្រូវបាត់បង់វិញអស់, ក្រោយមកទៀតក្រសួងកសិកម្ម និងបុគ្គលជាលក្ខណៈឯកជន ក៏បានប្រមូលកេសរកូលជាច្រើនដែរ ប៉ុន្តែមិនបានដល់កម្រិតដែលចង់បាន, ហើយក្រោយមកទៀត រដ្ឋបាលព្រៃឈើ ក៏ចាប់ផ្តើមប្រមូលជាទ្រង់ទ្រាយធំ ហើយឯកឧត្តមលើកទឹកចិត្តឱ្យមានការប្រមូលកេសរកូលបន្ថែមទៀត ខណៈពេលនេះ កម្ពុជាមានមជ្ឈមណ្ឌលកេសរកូលដ៏ធំមួយនៅខេត្តសៀមរាប សម្រាប់ការសិក្សាស្រាវជ្រាវ ក៏ដូចជាអភិរក្ស និងចែករំលែកចំណេះដឹងទៅដល់ប្រជាជនកម្ពុជា ក៏ដូចជាប្រជាជននៅទូទាំងពិភពលោក។
ឯកឧត្តម សាយ សំអាល់
“សមត្ថភាពកូនខ្មែរឥឡូវខ្ពស់ កូនខ្មែរអាចធ្វើបាន យើងចាប់ផ្ដើមជឿជាក់ ប្រសិនបើយើងអង្គុយចាំយាមនោះគ្មានប្រសិទ្ធភាពទេ ប៉ុន្តែប្រសិនបើយើងផលិតបានផ្ការាប់ពាន់ដើមសម្រាប់លក់នោះនឹងអាចរកចំណូលបានច្រើន”
អ្នកស្រី សូ ប៉ុណ្ណារី ប្រធានកិរិយាល័យអភិវឌ្ឍន៍សហគ្រាសខ្នាតតូច និងមធ្យមនៃក្រសួងកិច្ចការនារី ដែលបានមកចូលរួមវេទិកាកេសរកូលជាតិលើកទី២ មានប្រសាសន៍ថា កម្មវិធីនេះ បានចូលរួមចំណែកផ្សព្វផ្សាយផ្កាកេសរកូលរបស់ខ្មែរ ព្រមទាំងបង្ហាញឱ្យយុវជនបានស្គាល់ប្រភេទផ្កាជាច្រើនដែលមិនធ្លាប់ស្គាល់ពីមុន ។ ជាមួយគ្នានេះ អ្នកស្រីក៏បានសំណូមពរដល់ក្មេងៗជំនាន់ក្រោយត្រូវចេះស្រឡាញ់បរិស្ថាន ចូលរួមដាំផ្កា ឬកូនរុក្ខជាតិ ជាពិសេសចូលរួមដាំដើមឈើដែលមានប្រយោជន៍សម្រាប់ក្រុមគ្រួសារ និងសង្គមជាតិ ព្រមទាំងចូលរួមអភិរក្ស អភិវឌ្ឍ និងស្រាវជ្រាវចំណេះដឹងទាក់ទងនឹងរុក្ខជាតិបន្ថែមទៀត។
យុវតី កែវ ឈិនលីលី សិស្សឆ្នាំមូលដ្ឋាននៅសាកលវិទ្យាល័យភូមិន្ទវិចិត្រសិល្បៈ ដែលចូលរួមក្នុងវេទិកានេះដែរ បានសម្តែងការយល់ឃើញរបស់ខ្លួនថា ការដាំដើមផ្កា បានរួមចំណែកជួយឱ្យអារម្មណ៍ស្រស់ស្រាយជាងមុន កាត់បន្ថយបញ្ហាស្រ្តេស ជាពិសេស នៅពេលមានកូនរុក្ខជាតិនៅក្នុបន្ទប់រៀនជួយឱ្យសិស្សរៀនចូលជាងមុន និងទទួលបានអារម្មណ៍ស្រស់ស្រាយ។
“ខ្ញុំមានអារម្មណ៍សប្បាយរីករាយនៅពេលបានចូលរួមកម្មវិធីនេះ ដែលពីមុនខ្ញុំគិតថានៅប្រទេសខ្មែរមានផ្កាអ័រគីដេ ប៉ុន្តែផ្កានេះក៏មានឈ្មោះជាភាសាខ្មែរថា កេសរកូល ដែលនេះជាចំណេះដឹងថ្មីមួយក្រោយចូលរួមកម្មវិធីនេះ”
ដោយឡែកយុវជន ទ្រី គីមសាង មកពីសាកលវិទ្យាល័យភូមិន្ទវិចិត្រសិល្បៈ បានសម្តែងនូវការភ្ញាក់ផ្អើល ដោយខ្លួនមិនធ្លាប់ដឹងសោះថា នៅក្នុងប្រទេសកម្ពុជាមានផ្កាអ័រគីដេច្រើនប្រភេទយ៉ាងនេះ ។
ជាមួយគ្នា គីមសាង លើកទឹកចិត្តដល់យុវជនទាំងអស់ គួរតែស្រឡាញ់ការដាំដុះរុក្ខជាតិ និងទិញផ្កាមកតុបតែង ដោយថា វានឹងជួយឱ្យយុវជនយល់ច្បាស់ពីធម្មជាតិ និងចូលរួមថែរក្សាអភិរក្ស ព្រមទាំងចូលរួមផ្សព្វផ្សាយអំពីសម្បត្តិធនធានធម្មជាតិរបស់ខ្មែរបន្ថែមទៀត។
គួរជម្រាបជូនថា បច្ចុប្បន្ននេះ ក្រសួងបរិស្ថានបានស្រាវជ្រាវ និងអភិរក្សកេសរកូល (ផ្កាអ័រគីដេ) បានចំនួនជាង ២០០ប្រភេទ ដោយដាំផ្កាបាន ១០៣៦ស្លាក និងបានផ្ទៀងផ្ទាត់កំណត់អត្តសញ្ញាណពីអ្នកឯកទេសជាតិ និងអន្តរជាតិចំនួន ១១៤ប្រភេទ ក្នុងនោះនៅសល់ជាង ២០០ប្រភេទទៀតដែលទាមទារឱ្យមានការកំណត់អត្តសញ្ញាណ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
វិទ្យាស្ថានជាតិពហុបច្ចេកទេសអង្គរ ជ្រើសរើសសិស្សចូលរៀនជំនាញបច្ចេកទេសចំនួន៦០០នាក់
ព័ត៌មានអាហារូបករណ៍, ព្រឹត្តិការណ៍
• 30/10/2023
សម្រាប់សិស្សនិស្សិតនៅខេត្តសៀមរាប ពេលនេះ វិទ្យាស្ថានជាតិពហុបច្ចេកទេសអង្គរ (NPIA) ប្រកាសទទួលពាក្យសម្រាប់ការសិក្សាជំនាញបច្ចេកទេស និងវិជ្ជាជីវៈ ដោយទទួលបានអាហារូបករណ៍១០០ភាគរយ ចំនួន ៦០០នាក់...
វិទ្យាស្ថានពហុបច្ចេកទេសខេត្តកោះកុង ផ្តល់អាហារូបករណ៍សិក្សាជំនាញឥតគិតថ្លៃ ព្រមទាំងផ្តល់ជូនកន្លែងស្នាក់នៅ
ព័ត៌មានអាហារូបករណ៍, ព្រឹត្តិការណ៍
• 07/07/2025
វិទ្យាស្ថានពហុបច្ចេកទេសខេត្តកោះកុង បានប្រកាសផ្តល់អាហារូបករណ៍ ១០០% ដល់យុវជន ពលករចំណាកស្រុក ក៏ដូចជាប្រជាពលរដ្ឋទូទៅដែលចង់ទទួលបានជំនាញ ដើម្បីប្រកបរបរចិញ្ចឹមជីវិត និងធ្វើការងារនៅតាមសហគ្រាសឧស្សាហកម្មនានា។
ឱកាសសិក្សាអាហារូបករណ៍ Stamp Scholarship ២០២៣ នៅសាកលវិទ្យាល័យ Miami សហរដ្ឋអាមេរិក
ព័ត៌មានអាហារូបករណ៍, ព្រឹត្តិការណ៍
• 13/06/2023
កម្មវិធីអាហារូបករណ៍ Stamp Scholarship ២០២៣ ប្រកាសផ្ដល់អាហារូបករណ៍ថ្នាក់ឧត្ដមសិក្សា នៅសាកលវិទ្យាល័យ Miami សហរដ្ឋអាមេរិកឆ្នាំសិក្សា២០២៣ ។...
ឱកាសសិក្សាអាហារូបករណ៍ថ្នាក់ឧត្ដមសិក្សាចំនួន៣០កន្លែងពីរដ្ឋាភិបាលហុងគ្រី ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 20/11/2023
ឱកាសសិក្សាអាហារូបករណ៍ថ្នាក់ឧត្ដមសិក្សាពីកម្មវិធីអាហារូបករណ៍ Stipendium Hungaricum Programme រដ្ឋាភិបាលហុងគ្រីចំនួន៣០កន្លែងដល់និស្សិតកម្ពុជា។ អាហារូបករណ៍ផ្ដល់ជូន...
មូលនិធិព្រីនស៍ បញ្ចប់វគ្គសម្ភាសន៍ចុងក្រោយ ប្រកបដោយជោគជ័យ សម្រាប់អាហារូបករណ៍ ចេន ហ្ស៊ី ជំនាន់ទី៣
ព័ត៌មានអាហារូបករណ៍, ព្រឹត្តិការណ៍
• 11/03/2024
មូលនិធិព្រីនស៍ដែលជាមូលនិធិមនុស្សធម៌នៃសម្ព័ន្ធក្រុមហ៊ុន ព្រីនស៍ ហូលឌីង គ្រុប ថ្មីៗនេះបានធ្វើបទសម្ភាសន៍ចុងក្រោយ សម្រាប់កម្មវិធីអាហារូបករណ៍ ចេន ហ្ស៊ី របស់ខ្លួន។
ឱកាសសិក្សាថ្នាក់ឧត្ដមសិក្សាពីអាហារូបករណ៍រដ្ឋាភិបាលកូឡុំប៊ី ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 05/06/2025
រដ្ឋាភិបាលកូឡុំប៊ីប្រកាសផ្ដល់អាហារូបករណ៍ដល់និស្សិតអន្តរជាតិ មកពីគ្រប់ប្រទេសទូទាំងពិភពលោក ឱ្យមានឱកាសសិក្សានៅសាកលវិទ្យាល័យផ្សេងៗក្នុងប្រទេសកូឡុំប៊ី សម្រាប់ឆ្នាំសិក្សា២០២៥។ អាហារូបកណ៍ផ្ដល់ជូនការសិក្សា...
មជ្ឈមណ្ឌលបណ្តុះបណ្តាលវិជ្ជាជីវៈខេត្តកែប ផ្តល់ការសិក្សាជំនាញពេញនិយមចំនួន១១ឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 05/09/2024
ជាឱកាសសម្រាប់យុវជន ក៏ដូចជាបងប្អូនប្រជាពលរដ្ឋរស់នៅខេត្តកែប ដែលមានបំណងចង់ទទួលបានជំនាញពិតប្រាកដមួយសម្រាប់ជីវិត ពេលនេះមជ្ឈមណ្ឌលបណ្តុះបណ្តាលវិជ្ជាជីវៈខេត្តកែប ប្រកាសជ្រើសរើសសិក្ខាកាមឱ្យចូលរៀនដោយឥតគិតថ្លៃ ទៅលើជំនាញចំនួន១១។
អាហារូបករណ៍ថ្នាក់ក្រោយឧត្តមសិក្សា និងឧត្តមសិក្សា ទៅសិក្សានៅជាំងក្វាងស៊ី ប្រទេសចិន សម្រាប់ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 14/03/2024
សម្រាប់និស្សិតកម្ពុជាដែលមានបំណងចង់បន្តការសិក្សាថ្នាក់ក្រោយឧត្តមសិក្សា និងថ្នាក់ឧត្តមសិក្សា នៅប្រទេសចិន ពេលនេះ ក្រសួងអប់រំ យុវជន និងកីឡា បានប្រកាសពីអាហារូបករណ៍ចំនួន៨កន្លែង សម្រាប់សិស្ស និស្សិត ...
អាហារូបករណ៍ថ្នាក់បរិញ្ញាបត្ររង និងបរិញ្ញាបត្រ ៣០០កន្លែង នៅវិទ្យាស្ថានខ្មែរជំនាន់ថ្មី
ព័ត៌មានអាហារូបករណ៍, ព្រឹត្តិការណ៍
• 02/01/2024
គណៈកម្មាធិការអាហារូបករណ៍សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សេន និងសម្តេចកិត្តិព្រឹទ្ធបណ្ឌិត ប្រកាសផ្តល់អាហារូបករណ៍ថ្នាក់បរិញ្ញាបត្ររង និងបរិញ្ញាបត្រ ចំនួន ៣០០កន្លែង...
កម្មវិធីពិសេសរបស់ AMS EDUCATION
ព័ត៌មានសង្ខេប
