សិស្សឆ្នើមចែករំលែកបទពិសោធន៍ដើម្បីជាប់ជ័យលាភីមេដាយមាសគណិតវិទ្យាអូឡាំព្យាដ

ការប្រកួត​គណិតវិទ្យាទូឡាំព្យាដអន្តរជាតិ គឺជា​ការ​ប្រកួត​គណិតវិទ្យា​អន្តរជាតិ​សម្រាប់សិស្ស​វិទ្យាល័យ។ ការ​ប្រកួត​នេះ​ធ្វើ​ឡើង​ជា​រៀងរាល់ឆ្នាំ​នៅ​ប្រទេស​ផ្សេងៗគ្នា ដោយឡែក​នៅ​ក្នុងឆ្នាំ២០២៤កន្លងទៅ សិស្ស​កម្ពុជា​សរុបជាង២រយនាក់ បានឈ្នះ​មេដាយ​ពីការ​ប្រកួតនេះ។ តើធ្វើ​យ៉ាង​ដូចម្តេច​ទើប​អាច​ឈ្នះ​មេដាយ ពី​ការ​ប្រកួត​លក្ខណៈអន្តរជាតិនេះ?

យុវសិស្ស ឃឹម សម្ពុទ្ធី អាយុ​១៥ឆ្នាំ ជាសិស្សថ្នាក់ទី១១ នៃសាលាអន្តរជាតិ Westland និងជាម្ចាស់ជ័យលាភីមេដាយមាសមួយ​រូប​ និយាយថា ការចូលរួមប្រួតក្នុងកម្មវិធីនេះ ព្រោះរូបគេចង់វាស់ស្ទង់អំពីសមត្ថភាពរបស់ខ្លួន ដើម្បីបានដឹងអំពីចំណុចខ្វះខាត ហើយខិតខំប្រឹងប្រែងចំពេញចន្លោះខ្វះខាតទាំងនោះ។ ដោយឡែកកត្តាដែលជំរុញឱ្យរូបគេទទួលបាន​ជ័យលាភីមេដាយមាសនេះ គឺដោយសារការខិតខំប្រឹងប្រែងយកចិត្តទុកដាក់ក្នុងការស្រាវជ្រាវរៀនសូត្រ និងការព្យាយាមអត់ធ្មត់។ លើសពីនេះ សម្ពុទ្ធី ក៏​ទទួលបានការលើកទឹកចិត្តពីក្រុមគ្រួសារ ជាពិសេសឪពុកម្ដាយ ដែលបានផ្ដល់ពេលវេលា ថវិកា ការណែនាំ និងផ្តល់ឱកាសយ៉ាងច្រើនដល់ការសិក្សារបស់គេ។

យុវសិស្ស ឃឹម សម្ពុទ្ធី ជាសិស្សថ្នាក់ទី១១ នៃសាលាអន្តរជាតិ Westland

កន្លងមក សម្ពុទ្ធី បានចូលរួមប្រកួតលើវិញ្ញាសា​ SIMCC​ សរុបចំនួន ៩ដង ដែលសុទ្ធសឹងជាមុខវិជ្ជាផ្នែកស្ទែម (STEM)។ ចំពោះការប្រកួតនៅក្នុងប្រទេស សម្ពុទ្ធី បានចូលរួមក្នុងប្រឡងដូចជា AMO, SMC, DRCT, NJCO, VNJSO និង SASMO។ ចំណែក ការប្រកួតក្រៅប្រទេសមានដូចជា SIMOC ប្រកួតនៅឆ្នាំ២០២៤ ទៅប្រទេសសិង្ហបុរី។ សម្រាប់មេដាយដែលទទួលបាន រួមមាន មេដាយមាសចំនួន៤, មេដាយប្រាក់ចំនួន២ និងមេដាយសំរឹទ្ធសំនួន៣។

សម្ពុទ្ធី បន្ថែមថា ដើម្បីឈ្មះក្នុងការធ្វើវិញ្ញាសាប្រឡងគណិតវិទ្យាឱ្យទទួលបានលទ្ធផលល្អ គឺត្រូវចេះស្រាវជ្រាវលំហាត់ក្នុងសៀវភៅផ្សេងៗ យល់ដឹងពីគន្លឹះពិសេសដោយសិក្សាពីវិញ្ញាសាចាស់ៗ ហ៊ានសួរគ្រូ មិនទុកពេលវេលាឱ្យកន្លងហួស។ ប្រសិនបើត្រូវការជំនួយជាបន្ថែម អាចរៀនជាមួយគ្រូដែលមានជំនាញច្បាស់លាស់តាមផ្នែកនីមួយៗ។ ប៉ុន្តែចំណុចសំខាន់បំផុតគឺសុខភាព ត្រូវចេះថែរក្សាសុខភាព ត្រូវគេងឱ្យបានគ្រប់គ្រាន់ ញ៉ាំអាហារឱ្យបានត្រឹមត្រូវ។

“មិនទាន់យឺតពេលទេ! ជាការពិតយើងមានពេលវេលាច្រើនណាស់។ មិនមែនគ្រប់គ្នាសុទ្ធតែអាចជោគជ័យគ្រប់រឿងនោះទេ ប៉ុន្តែជោគជ័យកើតឡើងដោយការគ្រប់គ្រងខ្លួនឯង និងការតាំងចិត្តប៉ុណ្ណោះ!”

ជាមួយគ្នានេះ យុវតី សាន្ត ប៊ុណ្ណាលី ជាសិស្សរៀនថ្នាក់ទី១១ នៃសាលាអន្តរជាតិស៊ី អាយ អេ ហ្វឹសត៍​ និងជាម្ចាស់ជ័យលាភីមេដាយមាសមួយរូបទៀតលើកឡើងថា កត្តា​ជំរុញ​ឱ្យ​រូបគេទទួល​បាន​មេដាយ​មាស ​គឺដោយសារមាន​ការ​លើក​ទឹក​ចិត្ត​ពី​​ក្រុម​គ្រួសារ និងការចង់អភិវឌ្ឍខ្លួន មានន័យថា ត្រូវធ្វើឱ្យបានល្អជាងការប្រកួតមុនៗ។

យុវតីជ័យលាភីមេដាយមាស រូបនេះ បន្ថែមទៀតថា សម្រាប់គន្លឹះការរៀនគណិតវិទ្យាឱ្យប្រឡងទទួលបានលទ្ធផលល្អ គឺត្រូវយល់ពីគោលគំនិតនៅពីក្រោយអ្វីដែលយើងកំពុងព្យាយាមរៀន។ ប្រសិនបើអាចត្រូវព្យាយាមបញ្ចូលវាទៅក្នុងឧទាហរណ៍ក្នុងជីវិតពិត ដើម្បីឱ្យងាយយល់កាន់តែច្បាស់ ហើយត្រូវអនុវត្ត និងធ្វើការស្រាវជ្រាវជានិច្ច។ ប៊ុណ្ណាលី លើកទឹកចិត្តយុវជនផ្សេងទៀតដែលចូលរួមការប្រកួត គឺត្រូវមានទំនុកចិត្តលើខ្លួនឯង។

កន្លងមក ​យុវតី សាន្ត ប៊ុណ្ណាលី ធ្លាប់ចូលរួមប្រកួត​គណិតវិទ្យាអន្តរជាតិ រួមមាន AMC, AMO, SASMO, MATH KANGAROO, MOSC ហើយទទួលបានមេដាយមាសចំនួន៤ មេដាយប្រាក់ចំនួន១ និងមេដាយសំរឹទ្ធចំនួន២ហើយចំពោះ​ការ​ប្រកួត​នៅ​ក្រៅ​ប្រទេស រូបគេ​មាន​គម្រោងចូលរួមប្រកួតនៅ​ពេលខាងមុខផងដែរ។

កុមារី ហ៊ី ច័ន្ទនិម៉ា ជាសិស្សថ្នាក់ទី៤ នៃសាលាបឋមសិក្សាអេយូភីភី (AUPP) និងជាម្ចាស់ជ័យលាភីមេដាយមាស និយាយថា កត្តាដែលធ្វើ​ឱ្យរូបគេទទួលបានមេដាយមាស ក៏ព្រោះតែការខិតខំព្យាយាមប្រឹងប្រែង ជាពិសេស ការលើកទឹកចិត្តពីម៉ាក់ប៉ា។ ច័ន្ទនិម៉ា បន្ថែមថា ការទទួលបានជ័យលាភីមេដាយមាស គឺពិតជាមិនងាយស្រួលនោះទេ ត្រូវ​បែងចែក​ពេលវេលា រៀបចំកាលវិភាគ មើលមេរៀនសាលា កិច្ចការសាលា និងរកពេលទំនេររៀនបន្ថែមលើលំហាត់អូឡាំព្យាដ និងស្រាវជ្រាវរកមេរៀនមកបំប៉នរៀនបន្ថែមមុនការប្រឡងមកដល់។ កុមារី ហ៊ី ច័ន្ទនិម៉ា ក៏បានជំនះការលំបាកដោយការព្យាយាមស្រាវជ្រាវរកលំហាត់អន្តរជាតិអូឡាំព្យាដ មករៀនដោយខ្លួនឯងផង និងបានរៀនបន្ថែមជាមួយនឹងលោកគ្រូ អ្នកគ្រូបំប៉នបន្ថែម។

គួរជម្រាបជូនថា នៅក្នុងឆ្នាំ២០២៤នេះ សិស្ស​កម្ពុជា​សរុប​ចំនួន ២៩៦៦នាក់ (ប្រុស១៦៩២នាក់ និងស្រី១២៧៤នាក់) បានចូលរួមប្រឡងប្រកួតប្រជែងក្នុង​ការ​ប្រឡងគណិតវិទ្យា វិទ្យាសាស្ត្រ និងព័ត៌មានវិទ្យា អូឡាំព្យាដអន្តរជាតិ ជាមួយសិស្សមកពី ៣៨ប្រទេសផ្សេងទៀត។ ជាលទ្ធផល សិស្សកម្ពុជាទទួលបានជ័យលាភីមេដាយសរុបចំនួន ៩៥៩មេដាយ ក្នុងនោះ មេដាយមាសមានចំនួន២១៦នាក់, មេដាយប្រាក់ចំនួន២៣២នាក់ និងមេដាយសំរិទ្ធចំនួន២១៦នាក់៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រ២២កន្លែង នៅ​វិទ្យាស្ថានភាសាបរទេស និង​វិទ្យាស្ថានសិក្សា​អន្តរជាតិ និងគោលនយោបាយសាធារណៈ

ព័ត៌មានអាហារូបករណ៍, ព្រឹត្តិការណ៍

• 19/12/2023

គណៈកម្មាធិការអាហារូបករណ៍​សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សែន ប្រកាស​ពីការផ្តល់​អាហារូបករណ៍​ចំនួន ២២កន្លែង សម្រាប់ការសិក្សា​កម្រិតថ្នាក់បរិញ្ញាបត្រ​នៅ​វិទ្យាស្ថាន​ភាសាបរទេស...

អាហារូបករណ៍ថ្នាក់បរិញ្ញាបត្រ ផ្នែកវិស័យអាកាសចរណ៍ នៅសាកលវិទ្យាល័យ Qatar Airway 2025 

ព័ត៌មានអាហារូបករណ៍, ព្រឹត្តិការណ៍

• 10/04/2025

កម្មវិធីអាហារូបករណ៍ Qatar Airway University Undergraduate Scholarship 2025 ប្រកាសផ្ដល់អាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Qatar Airway សម្រាប់ឆ្នាំសិក្សា២០២៥។ 

កូរ៉េប្រកាសជ្រើសរើសបេក្ខភាពឱ្យទៅចូលរួមកម្មវិធី K-POP as Global Cultural Industry

ព័ត៌មានអាហារូបករណ៍, ព្រឹត្តិការណ៍

• 20/05/2026

សាធារណរដ្ឋ​កូរ៉េ កំពុង​ប្រកាស​ជ្រើសរើស​បេក្ខភាព​ចំនួន ២០ រូប ពីតំបន់ និង​ស្ថាប័ន​ខុសៗគ្នា ដើម្បី​ឱ្យ​ទៅ​ចូល​រួម​កម្ម​វិធី​K-POP as Global Cultural Industry របស់ Korea Development Institute (KDI) សម្រាប់​ឆ្នាំ​២០២៦ នេះ។

អាហារូបករណ៍ប្រភេទ B ថ្នាក់ឧត្ដមសិក្សានៅសាកលវិទ្យាល័យធានជីន ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 31/01/2025

កម្មវិធីអាហារូបករណ៍រដ្ឋាភិបាលចិនប្រភេទ B ប្រកាសជ្រើសរើសនិស្សិតអាហារូបករណ៍ថ្នាក់ឧត្ដមសិក្សា សិក្សានៅសាកលវិទ្យាល័យធានជីន សម្រាប់ឆ្នាំសិក្សា២០២៥។

ឱកាស​សិក្សា​អាហារូបករណ៍​ចំនួន​២០កន្លែង​នៅ​សាកលវិទ្យាល័យ​ក្រចេះ​ឆ្នាំ​សិក្សា​២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 07/11/2024

ឱកាស​ទទួល​បានការសិក្សា​ថ្នាក់​បរិញ្ញាបត្រ​ចំនួន២០​កន្លែង​នៅ​សាកលវិទ្យាល័យ​ក្រចេះ សម្រាប់​ឆ្នាំសិក្សា​២០២៤-២០២៥។ អាហារូបករណ៍​ផ្ដល់​ជូន​ការ​សិក្សា​ពី​គម្រោង...

អាហារូបករណ៍ថ្នាក់ Diploma បរិញ្ញាបត្រ និងបរិញ្ញាបត្រជាន់ខ្ពស់ នៅប្រទេស​ព្រុយណេ ឆ្នាំ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 18/12/2025

ស្ថានឯកអគ្គរាជទូតកម្ពុជា​ប្រចាំ​ប្រទេស​ព្រុយណេដារូស្សាឡាម បានប្រកាសថា រាជរដ្ឋាភិបាលព្រុយណេ នឹង​ផ្តល់​អាហារូបករណ៍​ដល់​និស្សិតបរទេស​ទៅ​សិក្សា​នៅ​ប្រទេស​ព្រុយណេ​សម្រាប់ឆ្នាំសិក្សា២០២៦-២០២៧

វិទ្យាស្ថានបច្ចេកទេសឧស្សាហកម្មបន្តផ្ដល់ការសិក្សាជំនាញវិជ្ជាជីវៈឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 24/03/2025

វិទ្យាស្ថានបច្ចេកទេសឧស្សាហកម្មបន្តផ្ដល់ការសិក្សាជំនាញវិជ្ជាជីវៈ ជាច្រើនកន្លែងសម្រាប់ សិស្សានុសិស្ស និងសាធារណៈជន ចូលសិក្សាជំនាញវិជ្ជាជីវៈដោយឥតគិតថ្លៃ។ ការសិក្សាផ្ដល់ជូនក្រោមកម្មវិធីសិក្សា ១លាន៥សែននាក់ ដែលគាំទ្រ...

រដ្ឋាភិបាល​ឆែក ​ប្រកាស​ផ្ដល់​អាហារូបករណ៍​ថ្នាក់​អនុ​បណ្ឌិត ​និង​បណ្ឌិត ​ដល់​និស្សិត​កម្ពុជា​ ​សម្រាប់​ឆ្នាំ​សិក្សា​ ​២០​២៧​–​២០២៨

ព័ត៌មានអាហារូបករណ៍, ព្រឹត្តិការណ៍

• 25/08/2026

​រដ្ឋាភិបាល​នៃ​សាធារណរដ្ឋ​ឆែក ​បាន​ប្រកាស​ពី​ការ​បើក​ទទួល​ពាក្យ​ស្នើសុំ​អាហារូបករណ៍​ជា​ផ្លូវការ​សម្រាប់​ឆ្នាំ​សិក្សា​ ​២០​២៧​–​២០២៨ ​ដល់​និស្សិត​កម្ពុជា​ដែល​មាន​បំណង​បន្ត​ការ​សិក្សា​ថ្នាក់​ឧត្តម​សិក្សា​...

អាហារូបករណ៍​ TV​ET ​ចំនួន​ ៣​៦០​កន្លែង​ សិក្សា​នៅ​វិទ្យាស្ថាន​ពហុ​បច្ចេកទេស​ខេត្ត​កំពង់ចាម

ព័ត៌មានអាហារូបករណ៍, ព្រឹត្តិការណ៍

• 28/08/2026

សម្រាប់​យុវជន ​ក៏ដូចជា​សិស្សានុសិស្ស​ ​ដែល​មាន​បំណង​ចង់​បន្ត​ការ​សិក្សា​លើ​ជំនាញ​បច្ចេកទេស​ ​និង​វិជ្ជាជីវៈ​,​ ​ឆ្នាំ​សិក្សា​ថ្មី​នេះ​ វិទ្យាស្ថាន​ពហុ​បច្ចេកទេស ​ខេត្ត​កំពង់ចាម ​បាន​ប្រកាស​ផ្តល់​អាហារូបករណ៍​...



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។វាល​ដែល​ត្រូវ​ការ​ត្រូវ​បាន​គូស *