ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ជាការផ្តល់នូវគតិ និងបំណិនជីវិតសម្រាប់យុវជន នៅក្នុងឱកាសពិធីសម្ពោធ និងចែកសញ្ញាបត្រដល់និស្សិតដែលបញ្ចប់ការសិក្សានៅសាកលវិទ្យាល័យជាតិគ្រប់គ្រង នាព្រឹកថ្ងៃទី១៥ ខែកុម្ភៈ សម្តេចបរវធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា លើកឡើងថា «អ្នកដែលលូតលឿន ជោគជ័យ គឺចេះរៀនពីខ្លួនឯង»។
សម្តេចធិបតីមានប្រសាសន៍ថា ការរៀនពីកំហុសខ្លួនឯង ចាប់យល់ពីអ្វីដែលជាចំណុចខ្សោយខ្លួនឯង ហើយខិតខំស្រាវជ្រាវកែសម្រួល គឺជាចំណុចក្នុងការអភិវឌ្ឍខ្លួនឯង ។ សម្តេចបញ្ជាក់ថា គ្មានអ្វីដែលចេះដោយមិនរៀននោះទេ នៅជុំវិញខ្លួនយើង គឺមានឱកាសរៀនសូត្រទាំងអស់ ដូចជាគ្រូ អ្នកដទៃជាដើម, សម្តេចថា កាន់តែឆ្ងល់ច្រើន ហើយដាក់ខ្លួនថា យើងកាន់តែល្ងង់ច្រើន នោះយើងនឹងចេះកាន់តែច្រើន។
សម្តេចបានណែនាំទៅដល់យុវជនទាំងអស់ សូមកុំភ្លេចបង្រៀនខ្លួនឯង រៀនបន្ត រៀនពីគ្រប់គ្នា រៀនពីគ្រប់ទីកន្លែង ហើយអ្វីដែលសំខាន់បំផុត គឺត្រូវរៀនពីខ្លួនឯង សិក្សាពីចំណុចខ្លាំង ចំណុចខ្សោយរបស់ខ្លួនឯង រៀនពីអ្វីដែលចង់ទៅមុខ ត្រូវមានទិសដៅខ្លួនឯង ហើយដាក់ចិត្តរៀន រៀនពីគ្រប់កន្លែង គ្រប់គ្នាទាំងអស់ នោះហើយគឺជាអ្វីក្នុងការកសាងសមិទ្ធផល និងកសាងសមត្ថភាពខ្លួនឯង។
ជាចុងក្រោយ សម្តេចធិបតី បានធ្វើការផ្តាំផ្ញើឱ្យនិស្សិតជ័យលាភីទាំងអស់ ក៏ដូចជាតួអង្គពាក់ព័ន្ធ បន្តអភិវឌ្ឍសមត្ថភាពជាប់ជាប្រចាំ និងបង្កើនការសិក្សាស្រាវជ្រាវបែបវិទ្យាសាស្ដ្រ តាមជំនាញឯកទេសរៀងៗខ្លួន ព្រមទាំងសិក្សាឱ្យបានជាក់លាក់អំពីចំណុចខ្លាំង និងចំណុចខ្សោយរបស់ខ្លួន ដើម្បីលើកកម្ពស់គុណភាព និងប្រសិទ្ធភាពនៃការបំពេញការងារ និងការផ្សារភ្ជាប់ទ្រឹស្តីទៅនឹងការអនុវត្តជាក់ស្តែង ដើម្បីជាប្រយោជន៍ក្នុងការអភិវឌ្ឍខ្លួនឱ្យស័ក្តិសមជាមូលធនមនុស្សដ៏រឹងមាំរបស់កម្ពុជា៕
