ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
មានវិធីជាច្រើនអាចកាត់បន្ថយកម្រិត នៃស្រ្តេស ដោយការកំណត់បុព្វហេតុ អភិវឌ្ឍន៍ជំនាញគ្រប់គ្រងពេលវេលា ចំណាយពេលជាមួយមនុស្សជាទីស្រឡាញ់ បញ្ចៀសខ្លួនពីការប្រើប្រាស់ស្រ្គីនយូរម៉ោង និងសកម្មភាពដទៃជាច្រើនទៀត។ តាមរយៈគេហទំព័រ Verywellmind បានបង្ហាញគន្លឹះ៤ចំណុចក្នុងការកាត់បន្ថយស្រ្តេស។
១. រកឱ្យឃើញអ្វីដែលបណ្តាលឱ្យតានតឹង ៖ ដឹងពីមូលហេតុដែលនាំឱ្យស្រ្តេស ឬក៏ការកំណត់ចំណាំរឿងមិនល្អ ឬក៏មនុស្សដែលបង្កភាពអវិជ្ជមានទៅកាន់ខ្លួនអ្នក គឺជាដើមចមដំបូងគេ ក្នុងការដោះស្រាយនឹងភាពតានតឹង។ ផ្តើមដោយការសរសេរកំណត់ហេតុ ឬការរៀបរាប់អំពីអារម្មណ៍ទៅក្នុងសៀវភៅសរសេរដៃ ឬប្រើប្រាស់អេឡិចត្រូនិចដើម្បីបញ្ចេញអារម្មណ៍ និងការកំណត់បញ្ហា។
២. ពង្រឹងជំនាញគ្រប់គ្រងពេលវេលា ៖ ជំនាញគ្រប់គ្រងពេល ត្រូវការអភិវឌ្ឍបន្ថែមជានិច្ច ព្រោះការគ្រប់គ្រងពេលបានល្អ ស្មើនឹងការគ្រប់គ្រងទំនួលខុសត្រូវបានល្អដូចគ្នា ។ ព្យាយាមសរសេរ ផែនការទុកមុន កំណត់អាទិភាពការងារ មានផែនការចាយវាយជាក់លាក់ កាត់ចោលនូវអ្វីដែលនាំឱ្យបង្អាក់ការងារ និងជៀសវាងរាល់ការពន្យារពេលក្នុងការចាប់ផ្តើម ឬបញ្ចប់ភារកិច្ចណាមួយ។
៣. ចលនារាងកាយ ៖ ជ្រើសសកម្មភាពមួយ ដែលលោកអ្នកចូលចិត្ត រួចព្យាយាមអនុវត្តន៍ឱ្យបានយ៉ាងហោចណាស់ ចាប់ពី១៥០នាទី ទៅ៣០០នាទី រៀងរាល់សប្តាហ៍ ។ ការហាត់ប្រាណបានទៀតទាត់ អាចកាត់បន្ថយស្រ្តេស និងអភិវឌ្ឍន៍លទ្ធភាពដោះស្រាយនឹងស្ថានភាពស្រ្តេស។ សកម្មភាពចលនារាងកាយ ក៏អាចជំរុញអារម្មណ៍ល្អប្រសើរជាងមុន និងការពារពីស្ថានភាពនៃការបង្កើនអាការៈស្រ្តេស។
៤. ចំណាយពេលជាមួយមនុស្សជាទីស្រឡាញ់ ៖ ការវិនិយោគពេលនៅក្បែរមនុស្សជាទីស្រឡាញ់ណាម្នាក់ ចំណាយពេលនិយាយជាមួយពួកគេអំពីរឿងរ៉ាវដែលបានកើតមានពេញមួយថ្ងៃ ឬក៏បង្ហាញឱ្យដឹងនូវអ្វីដែលនាំឱ្យអ្នកមានអារម្មណ៍ថាស្រ្តេស។ ការភ្ជាប់ទំនាក់ទំនង ជាមួយមនុស្សជាទីស្រឡាញ់ ឬក្នុងបណ្តាញសង្គម គឺជាសកម្មភាពមួយ ដែលជួយកាត់បន្ថយភាពតានតឹង បង្កើនអារម្មណ៍កក់ក្តៅជាមួយមជ្ឈដ្ឋានខាងក្រៅ រួមទាំងអភិវឌ្ឍន៍សុខភាពផ្លូវចិត្ត និងផ្លូវកាយ ក៏ដូចជាសុខុមាលភាពទូទៅ៕
