ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – សម្តេចតេជោក៏បានបន្តអំពាវនាវដល់និស្សិតជ័យលាភីទាំងអស់ខិតខំបន្តទៀតនូវការពង្រឹងសមត្ថភាពរបស់ខ្លួន ដោយមិនអាចនៅទ្រឹងត្រឹមតែការទទួលសញ្ញាបត្រ ឬចំណេះដឹងដែលយើងបានរៀនចេញពីសាកលវិទ្យាល័យនោះទេ។
បើតាមសម្តេចតេជោ ពេលនេះ សភាពការណ៍លឿនណាស់ យើងមិនអាចនៅទ្រឹងនោះទេ, ការនៅទ្រឹងណាមួយវាស្មើនឹងមានចរិតថយក្រោយ និងអភិរក្សនិយមដែលបង្កើតជាឧបស័គ្គសម្រាប់ការអភិវឌ្ឍន៍ ឬក៏រារាំងនូវដំណើរអ្នកជំនាន់ក្រោយថែមទៀតផង។ ដូច្នេះយើងត្រូវបន្តការលើកកម្ពស់គុណភាព ដោយធ្វើការរៀនសូត្រផ្ទាល់ ដែលយើងកំពុងជំរុញចលនារៀនមួយជីវិត ព្រោះរៀនគ្មានថ្ងៃបញ្ចប់នោះទេ។ ដូច្នេះហើយបានជាយើងឃើញថា មិនមែនគ្រាន់តែតម្រូវឱ្យនិស្សិត តម្រូវឱ្យក្រុមយុវជន ឬក៏កុមារ យុវវ័យ សិក្សានោះទេ សូម្បីតែមន្រ្តីជាន់ខ្ពស់ ក៏ត្រូវតែរៀនដែរ។
“កុំខ្លាច កុំខ្មាស់ កុំអៀន… រៀនទៅ សួរគេទៅ បង្ហាញគេទៅ សូម្បីតែសព្វថ្ងៃនេះ ខ្ញុំត្រូវតែរៀន ខ្ញុំដាក់ចេញនូវគោលការណ៍មួយសម្រាប់មន្រ្តី… ដោយតម្រូវឱ្យមន្រ្តីចេះព័ត៌មានវិទ្យា…”
ស្របជាមួយគ្នានេះដែរ សម្តេចតេជោនាយករដ្ឋមន្រ្តី ក៏បានបន្តធ្វើការអំពាវនាវដល់គ្រប់គ្រឹះស្ថានសិក្សា ឧត្តមសិក្សា ទាំងរដ្ឋ ក៏ដូចជាឯកជន ខិតខំប្រឹងប្រែង ដើម្បីជំរុញការបណ្តុះបណ្តាលធនធានមនុស្សប្រកបដោយគុណភាព យើងមិនអាចគ្រាន់តែបើកឱ្យមានការបណ្តុះបណ្តាលប៉ុន្តែគ្មានគុណភាព មានសញ្ញាបត្រ ប៉ុន្តែគ្មានចំណេះដឹងពិតប្រាកដនោះទេ៕
