ដើម្បីពង្រឹងសមត្ថភាពឌីជីថលដល់ម្ចាស់អាជីវកម្ម និងសហគ្រាសនៅកម្ពុជា សិក្ខាសាលាដ៏មានសារៈសំខាន់មួយនឹងត្រូវរៀបចំឡើងក្រោមប្រធានបទ «ពាណិជ្ជកម្មឌីជីថល និងអាជីវកម្មអេឡិចត្រូនិក»។ កម្មវិធីនេះរៀបចំឡើងដោយមានការសហការពីក្រសួងសេដ្ឋកិច្ច និងហិរញ្ញវត្ថុ, Techo Startup Center និងស្ថាប័នពាក់ព័ន្ធជាច្រើនទៀត។
សិក្ខាកាមដែលចូលរួមនឹងទទួលបានចំណេះដឹងលើចំណុចគន្លឹះចំនួន ៣ រួមមាន៖
- ក្របខ័ណ្ឌនៃពាណិជ្ជកម្មអន្តរជាតិ៖ ស្វែងយល់ពីច្បាប់ និងបទបញ្ញត្តិសកល។
- ថ្នាលអាជីវកម្មអេឡិចត្រូនិក និងការនាំចេញ៖ របៀបប្រើប្រាស់បច្ចេកវិទ្យាដើម្បីពង្រីកការលក់ទៅក្រៅប្រទេស។
- ការអនុវត្តលើករណីសិក្សាជាក់ស្តែងក្នុងអាជីវកម្ម៖ ការរៀនពីបទពិសោធន៍ពិតៗដើម្បីយកទៅអនុវត្តផ្ទាល់។
លក្ខខណ្ឌនៃការចូលរួម៖ សម្រាប់តែអាជីវកម្មដែលបានចុះបញ្ជីពាណិជ្ជកម្មត្រឹមត្រូវ។ អនុញ្ញាតឱ្យតំណាងចូលរួមបានចំនួន ២ នាក់ ក្នុងមួយអាជីវកម្ម។

កាលបរិច្ឆេទ ៖ ថ្ងៃទី ១៦, ១៧ ឬ ១៨ ខែមករា ឆ្នាំ ២០២៦
ម៉ោង៖ ៨:០០ ព្រឹក ដល់ ៥:០០ ល្ងាច
ចូលរួមដោយ ឥតគិតថ្លៃ (រួមបញ្ចូលទាំងអាហារសម្រន់ និងអាហារថ្ងៃត្រង់)
សម្រាប់លោកអ្នកដែលចាប់អារម្មណ៍ សូមចុះឈ្មោះតាមរយៈតំណរភ្ជាប់នេះ ៖ https://forms.gle/1HBDtZpUjdsS3X8N7
ព័ត៌មានបន្ថែមសូមទំនាក់ទំនងទៅកាន់ 098 729 123 / 092 888 955។
នេះគឺជាឱកាសដ៏ល្អសម្រាប់ម្ចាស់អាជីវកម្មក្នុងការ “អភិវឌ្ឍធនធានមនុស្ស ពង្រឹងអាជីវកម្ម និងឈានឆ្ពោះទៅកាន់ការប្រកួតប្រជែងលើឆាកអន្តរជាតិ”៕































