ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
នៅពេលមនុស្សមានវ័យយចំណាស់ទៅ សុខភាពស្បែក ព្រមទាំងថាមពលចាប់ផ្តើមចុះថមថយបន្តិចម្តងៗ ប៉ុន្តែតើអ្នកបានដឹងទេថាចំណីអាហារប្រចាំថ្ងៃ មានតួនាទីសំខាន់ក្នុងការជំរុញឱ្យអារម្មណ៍របស់អ្នក និងរាងកាយមើលទៅមានភាពខុសប្លែក? ប្រសិនបើអ្នកបានជ្រើសរើសរបបអាហារល្អៗសម្រាប់ខ្លួនអ្នក នោះគឺអាចជួយឱ្យស្បែករបស់មានសភាពភ្លឺថ្លា បង្កើនថាមពលច្រើនជាងមុន និងធ្វើឱ្យមើលទៅក្មេងជាងវ័យទៀតផង។
វាមិនមែនជារឿងថ្មី និងអាថ៌កំបាំងទៀតនោះទេ ព្រោះគ្រប់គ្នាសុទ្ធតែបានដឹងថា ផ្លែឈើ និងបន្លែបង្ការ ជាអាហារល្អសម្រាប់សុខភាព។ ប៉ុន្តែតើអ្នកបានដឹងទេថា របបអាហារខ្លះកាន់តែផ្តល់ប្រយោជន៍យ៉ាងច្រើនសម្រាប់សុខភាពស្បែក ព្រោះវាសម្បូរទៅដោយវីតាមីន សារធាតុរ៉ែ និងសារធាតុប្រឆាំងអុកស៊ីតកម្ម ដែលអាចការពារស្បែកដែលខូចខាតកន្លងមក និងបង្កើនភាពស្រស់ថ្លាពីខាងក្នុងមកវិញ។ យោងតាម គេហទំព័រ Cleanplates បានបង្ហាញអាហារទាំង៧ប្រភេទដែលជួយដល់សុខភាពស្បែក និងជំរុញភាពក្មេងជាងវ័យ។
១. ផ្លែប៊ឺរ ៖ ផ្លែឈើប្រភេទនេះត្រូវបានទទួលស្គាល់ជាច្រើនមកហើយថាវាផ្តល់នូវសុខភាពល្អ ប៉ុន្តែតើល្អអ្វីខ្លះ? ផ្លែប៊ឺរផ្តល់ឱ្យស្បែកទន់ និងមានសំណើម ព្រោះវាបានផ្ទុកប្រភេទវីតាមីន E អាចការពារស្បែកដែលខូតខាតកាលពីមុន។ ដូច្នេះការបន្ថែមសារជាតិផ្លែប៊ឺរទៅក្នុងរបបអាហារប្រចាំថ្ងៃ ជួយឱ្យមើលទៅមានសភាពភ្លឺថ្លាជាងមុន។
២. ស្ពៃខ្មៅ ឬស្ពៃខៀវ ៖ ចំពោះស្បៃប្រភេទនេះ គឺសម្បូរទៅដោយសារធាតុចិញ្ចឹមជាច្រើន និងជំរុញឱ្យស្បែកមានសុខភាពល្អ។ ស្ពៃខ្មៅ ឬស្ពៃខៀវ មានផ្ទុកនូវវិតាមីន A និង C ដែលអាចជួយជួសជុលជាលិកាស្បែក និងផលិតកូឡាជែន។ បន្ថែមពីនោះវាក៏ជួយទៅដល់ដំណើរការលំហូរឈាមល្អ ហើយជំរុញស្បែកឱ្យមានសុខភាពល្អ។
៣. ដំឡូងផ្អែម ៖ ដំឡូងប្រភេទនេះមានព័ណ៌ប្រហាក់ប្រហែលនឹងព័ណ៍ទឹកក្រូចដែរ ចំណែកអត្ថប្រយោជន៍នោះគឺជួសជុលជាលិកាស្បែក និងកាត់បន្ថយការរលាក។ ដូច្នេះការបរិភោគដំឡូងផ្អែមឱ្យបានញឹកញាប់អាចជួយឱ្យស្បែករបស់អ្នកមើលទៅហាក់មានវ័យក្មេង និងស្បែកមានសុខភាព។
៤. តែបៃតង ៖ ចំពោះអាហារតែបៃតង មានផ្ទុកនូវសារធាតុដែលអាចប្រឆាំងអុកស៊ីតកម្ម និងអាចការពារស្បែកដែរ។ ដូច្នេះប្រសិនបើអ្នកបានពិសាវាជាប្រចាំ នោះនឹងអាចកាត់បន្ថយការរលាក បណ្តុះកោសិកាដែលលូតលាស់យឺត និងការពារស្បែកមិនឱ្យខូតខាតពីពន្លឺព្រះអាទិត្យ ឬកាំរស្មីបានមួយផ្នែក។
៥. ផ្លែប៊្លូបឺរី ៖ ផ្លែឈើប្រភេទនេះមិនត្រឹមតែមានរសជាតិឆ្ងាញ់ពិសាប៉ុណ្ណោះទេ ប៉ុន្តែវាក៏ជួយឱ្យអ្នកមើលទៅក្មេងជាងវ័យ ពីព្រោះផ្លែប៊្លូបឺរី សម្បូរទៅដោយសារធាតុប្រឆាំងអុកស៊ីតកម្ម ដែលអាចជួយការពារស្បែកខូចខាតកន្លងមកដោយការប្រតិកម្មនឹងមជ្ឈដ្ឋាននានា ដូចជាការជក់បារី និងបរិយាកាសក្ដៅជាដើម ឬនិយាយតាមបែបអ្នកវិទ្យាសាស្រ្តគេហៅថា រង់ការប៉ះពាល់ពីពីរ៉ាឌីកាល់សេរី(free radicals) ។
៦. ត្រីសាម៉ុន ៖ អាហារប្រភេទនេះនាំឱ្យរាងកាយទទួលបាននូវអាស៊ីដខ្លាញ់អូមេហ្គា៣ ដែលប្រយោជន៍របស់វានឹងជួយឱ្យស្បែករបស់លោកអ្នកមានសុខភាពល្អ និងរក្សាបាននូវស្បែកមានសំណើម កាត់បន្ថយការរលាក និងទ្រទ្រង់កម្ដៅព្រះអាទិត្យកុំឱ្យងាយក្នុងការធ្វើឱ្យស្បែកមានបញ្ហា ។ ទន្ទឹមគ្នានោះត្រីសាម៉ុន អាចធ្វើឱ្យរបបអាហារមានសារធាតុចិញ្ចឹមច្រើន និងជួយឱ្យមើលទៅក្មេងជាងវ័យ។៧. សូកូឡាព័ណ៌ខ្មៅ ៖ អាហារដែលបានរៀបរាប់ ទាំងប្រាំមួយចំណុចខាងលើភាគច្រើនមានតួនាទីប្រហាក់ប្រហែលគ្នា ហើយអ្វីដែលដូចគ្នាក្នុងភាគរយច្រើនគឺសារធាតុប្រឆាំងអុកស៊ីតកម្ម ចំណែកឯសូកូឡាព័ណ៌ខ្មៅក៏មានសារធាតុនេះដែរ។ បន្ថែមពីនោះ មានផ្ទុកនូវជាតិកាកាវដែលមានសម្បូរសារធាតុចិញ្ចឹម ព្រោះវាមានសារធាតុរ៉ែ ជាតិដែក និងស័ង្កសី ហើយសារធាតុទាំងនេះហើយមានតួនាទីយ៉ាងសំខាន់ក្នុងការរក្សាសុខភាពស្បែក៕
