ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កញ្ញា តាន់ ម៉ាឌី (Madi Tan) ត្រូវបានចាត់ទុកថា គឺជានារីខ្មែរដំបូងដែលបានក្លាយជាអ្នកបើកយន្តហោះប៊ូអ៊ីង (Boeing) ឱ្យក្រុមហ៊ុនអាកាសចរណ៍ស៊ីវិលអាមេរិក (United Airlines) នៅលើជើងហោះហើរ United Flight 264 ពីទីក្រុង San Diego ទៅកាន់ទីក្រុង Denver ជាមួយលោកឆាយ (Kimsua Chay) ជាមិត្តភក្ដិរបស់គាត់ ។
សម្រាប់កញ្ញា តាន់ ម៉ាឌី (Madi Tan) រូបនាងពិបាកស្រមៃថា ខ្លួនអាចក្លាយជាអ្នកបើកយន្តហោះ ព្រោះពីមុននាងមិនបានមើលឃើញថា ស្ត្រីជនជាតិស្បែកស ឬជនជាតិខ្មែរអាមេរិកកាំងនៅក្នុងវិស័យអាកាសចរណ៍នោះឡើយ។ កញ្ញាបន្តថា នៅឆ្នាំ២០០៩ នាងជានិស្សិតនៅសកលវិទ្យាល័យ California State ទីក្រុងឡុងប៊ិច ហើយពេលនោះបានជួបលោកឆាយ (Kimsua Chay) នៅជំរុំបេតិកភណ្ឌកម្ពុជា ក្នុងទីក្រុង Denver ដែលក្នុងឆ្នាំនោះ លោកឆាយ គឺជាអ្នកបើកយន្តហោះរួចហើយ។
កញ្ញា តាន់ ម៉ាឌី (Madi Tan) បន្ថែមថា ជាលើកដំបូងនៅក្នុងជីវិត នាងបានដឹងថាអាជីពនៅក្នុងឧស្សាហកម្មអាកាសចរណ៍ គឺនាងអាចធ្វើបាន ។ ជាមួយនឹងការបង្ហាត់បង្រៀនរបស់លោកឆាយ នាងបានចាប់ផ្តើមសម្រេចគោលដៅរបស់នាងក្នុងការក្លាយជាអ្នកបើកបរយន្តហោះ ។ ក្នុងឆ្នាំ២០១២ កញ្ញា តាន់ ម៉ាឌី បានទទួលបានសិទ្ធិបើកយន្តហោះ ។
នារីខ្មែរដំបូងដែលជាអ្នកបើកយន្តហោះប៊ូអ៉ីង រូបនេះ បញ្ជាក់ថា នាងមានសំណាងណាស់ដែលបានធំធាត់នៅសហរដ្ឋអាមេរិក ហើយមិនគិតថានឹងមានអាជីពនេះទេ ប្រសិនបើនាងរស់នៅកន្លែងណាផ្សេងទៀតក្នុងពិភពលោក។ នាងយល់ថា ប្រទេសមួយចំនួនមិនអនុញ្ញាតឱ្យស្ត្រីទទួលបានការអប់រំឡើយ គឺអនុញ្ញាតឱ្យខិតខំតែម្នាក់ឯងប៉ុណ្ណោះ។
គួររម្លឹកផងដែរថា តាន់ ម៉ាឌីត្រូវបានតែងតាំងចូលបម្រើការងារជាអ្នកបើកយន្តហោះកាលពីថ្ងៃទី១៣ ខែកុម្ភៈ ហើយក៏ជាលើកទីមួយ និងបានបង្កើតជាប្រវត្តិសាស្ត្រដែលមាននារីកម្ពុជាដំបូងគេបើកយន្តហោះ Los Angeles Boeing 737។ ម៉ាឌី បានផ្ញើសារដល់យុវជនថា ការងារនេះមិនមានភាពងាយស្រួលឡើយ ឱ្យតែយើងមានការតាំងចិត្តខ្ពស់ នោះយើងអាចសម្រេចគោលដៅរបស់យើងបាន៕
