ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ក្រសួងអប់រំ យុវជន និងកីឡា ប្រកាសជ្រើសរើសគ្រូឧទ្ទេសបង្គោលសម្រាប់គាំទ្រការបណ្ដុះបណ្ដាលគ្រូបង្រៀននៅតាមគ្រឹះស្ថានបណ្ដុះបណ្ដាលគ្រូបង្រៀន ដើម្បីធានាប្រសិទ្ធភាព និងភាពឆ្លើយតបនឹងកំណែទម្រង់សាលាគរុកោសល្យ។
សម្រាប់លក្ខខណ្ឌនៃការជ្រើសរើសរួមមាន ជាគ្រូបង្រៀនល្អភាសាខ្មែរ និងជាគ្រូបង្រៀនគណិតវិទ្យាល្អ ថ្នាក់ទី១ ថ្នាក់ទី២ ថ្នាក់ទី៣, គ្រូបង្រៀល្អ, គ្រូឧទ្ទេសល្អ, គ្រូឧទ្ទេសថ្នាក់ជាតិ ត្រូវបានផ្ដល់អាទិភាព។ លើសពីនេះ មានសញ្ញាបត្រចាប់ពីថ្នាក់បរិញ្ញាបត្រឡើងទៅ, មានបទពិសោធន៍បង្រៀន ឬជាគ្រូឧទ្ទេសយ៉ាងហោច ៥ឆ្នាំ, មានចំណេះដឹងភាសាអង់គ្លេសអាចប្រើប្រាស់បាន, មានចំណេះដឹងនិងជំនាញកុំព្យូទ័រច្បាស់ អាចប្រើប្រាស់បានលើកម្មវិធី Microsoft Office ឬកម្មវិធីពាក់ព័ន្ធផ្សេងទៀតកាន់តែប្រសើរ។
ក្រៅពីនេះ បេក្ខជនត្រូវមានមនសិការវិជ្ជាជីវៈ និងការប្ដេជ្ញាចិត្តខ្ពស់បំពេញការងារ មានបុគ្គលិកលក្ខណៈ និងក្រមសីលធម៌ល្អ ព្រមទំាងអាចធ្វើការងារជាបុគ្គល និងជាក្រុម ។ ប្រសិនបើបេក្ខជនមានស្នាដៃបោះពុម្ភអត្ថបទស្រាវជ្រាវនៅក្នុងទស្សនាវដ្ដីស្រាវជ្រាវ ត្រូវបានផ្ដល់អាទិភាព។
បេក្ខជនត្រូវភ្ជាប់មកជាមួយសំណុំពាក្យសុំចុះឈ្មោះរបស់បេក្ខជន បេក្ខនារី នឹងត្រូវពិនិត្យ ដើម្បីជ្រើសរើសបេក្ខជន បេក្ខនារី ដែលមានលក្ខណៈសម្បត្តិគ្រប់គ្រាន់ (ការជ្រើសរើសដំបូង)។ បេក្ខជន បេក្ខនារី ដែលបានជ្រើសរើសដំបូង ត្រូវធ្វើបទបង្ហាញក្នុងរយៈពេលកំណត់មួយ បន្ទាប់មកត្រូវឆ្លងកាត់ការសម្ភាសន៍ជាមួយគណៈកម្មការវាយតម្លៃ។ ចំពោះអត្ថប្រយោជន៍ទទួលបាន រួមមាន ការវាយតម្លៃ និងការទទួលស្គាល់ជាគ្រូឧទ្ទេសល្អ បន្ទាប់ពីឆ្លើយតបបានទៅនឹងសមិទ្ធកម្មប្រចាំឆ្នាំ និងឱកាសក្នុងការអភិវឌ្ឍវិជ្ជាជីវៈ និងគន្លងអាជីព។
បេក្ខជន និងបេក្ខនារីដែលចាប់អារម្មណ៍អាចចុះឈ្មោះចាប់ពីថ្ងៃផ្សាយដំណឹងនេះ រហូតដល់ថ្ងៃទី០៥ ខែឧសភា ឆ្នាំ២០២៣ វេលាម៉ោង៥:០០នាទីល្ងាច។ បេក្ខជន បេក្ខនារីអាចទាញពាក្យសុំចុះឈ្មោះ តាមរយៈគេហទំព័រផ្លូវការរបស់ក្រសួងអប់រំ យុវជន និងកីឡា ឬសាកសួរព័ត៌មានលំអិត ទាក់ទងទៅកាន់លោកបណ្ឌិត ឈូក ច័ន្ទឆាយា អនុប្រធាននាយកដ្ឋានបណ្ដុះបណ្ដាល និងវិក្រឹតការ តាមរយៈទូរស័ព្ទលេខ ០១២ ៧១៩ ១៩៨៕
