ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ដោយសារកំណើនសេដ្ឋកិច្ចដ៏ឆាប់រហ័ស និងការធ្វើពិពិធកម្មសេដ្ឋកិច្ចនៅកម្ពុជា បាននាំឱ្យមានការកើនឡើងនូវតម្រូវការកម្លាំងពលកម្មជំនាញ ខណៈប្រព័ន្ធអប់រំ និងបណ្តុះបណ្តាលបច្ចេកទេស នៅពុំទាន់អាចឆ្លើយតបនឹងការផ្លាស់ប្តូរនេះ ដែលបានធ្វើឱ្យគម្លាតជំនាញមានទំហំធំ ។ យ៉ាងណាដើម្បីដោះស្រាយគម្លាតជំនាញនេះ សម្រាប់ក្រសួងអប់រំយុវជន និងកីឡា បានកំណត់លក្ខណៈចំនួន៥។
ថ្លែងនៅក្នុងនៅក្នុងសិក្ខាសាលាស្តីពីការដោះស្រាយគម្លាតជំនាញក្នុងប្រទេសកម្ពុជា តាមរយៈការអប់រំបច្ចេកទេសជាប្រព័ន្ធ ដែលមានការអញ្ជើញចូលរួមពី International Business Chamber of Cambodia (IBC) World Economic Forum (WEF) ស្ថានទូតអង់គ្លេសប្រចាំកម្ពុជា និងដៃគូអភិវឌ្ឍនានា ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា បានបញ្ជាក់ថា ដើម្បីដោះស្រាយគម្លាតជំនាញនេះ ក្រសួងបានកំណត់លក្ខណៈចំនួន ៥ ដោយរួមមាន ៖
១.គោលនយោបាយរបស់រដ្ឋាភិបាល និងកំណែទម្រង់សាលារៀន ចាំបាច់ដើម្បីអភិវឌ្ឍជំនាញទន់ និងជំនាញសតវត្សរ៍ទី ២១
២.កម្មវិធីសិក្សាដែលអាចបត់បែនបាន ហើយភ្ជាប់ទៅនឹងអាជីព
៣.សាលារៀន និងសាកលវិទ្យាល័យជាមជ្ឈមណ្ឌលមួយនៅក្នុងប្រព័ន្ធអេកូឡូស៊ីសហគ្រិនភាព៖ វេទិកាសម្រាប់ការប្រកួតប្រជែងដើម្បីភ្ជាប់ការអប់រំទៅនឹងពិភពពិត
៤.ការប្រកួតប្រជែងគំរូធុរកិច្ចដោយមានការចូលរួមពីវិស័យឯកជន ពិតមានប្រយោជន៍សម្រាប់សិស្សានុសិស្សក្នុងការស្វែងយល់ពីរបៀបដោះស្រាយបញ្ហាប្រឈមនៃសតវត្សរ៍ទី២១
៥.ការតភ្ជាប់ផ្នែកសាកលវិទ្យាល័យ ជាមួយនឹងផ្នែកធុរកិច្ច ដើម្បីលើកកម្ពស់គម្រោងរួម និងការស្រាវជ្រាវ៕
