រដ្ឋមន្រ្តីក្រសួងអប់រំ ៖ ៥ចំណុច ជួយកែលម្អការរៀន និងការបង្រៀនដើម្បីលទ្ធផលសិក្សាល្អ

ភ្នំពេញ- ថ្លែងពិធីបើកដាក់ឱ្យដំណើរការគម្រោងវិទ្យាសាស្ដ្រ និងបច្ចេកវិទ្យាសម្រាប់ការអប់រំកម្រិតមធ្យមសិក្សាទុតិយភូមិ (STEP UP) កាលពីថ្ងៃទី២៣ ខែឧសភា ឆ្នាំ២០២៣កន្លងទៅ ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ដ្រីក្រសួងអប់រំ យុវជន និងកីឡា មានប្រសាសន៍ថា តាមការសិក្សារកឃើញថា ការវិនិយោគទាល់តែនាំមកនូវការកែលម្អការរៀន និងការបង្រៀន ទើបទទួលបានលទ្ធផលសិក្សាល្អ។ ជារួម ប្រសិនបើមានអគារថ្មី មានបន្ទប់ពិសោធន៍ ហើយការរៀន និងការបង្រៀននៅដដែល គ្មានការកែលម្អខ្លាំង នោះមិនមានលទ្ធផលល្អនោះទេ។

ឯកឧត្តមបណ្ឌិតសភាចារ្យ ហង់ជួន ណារ៉ុន បានដាក់ចេញគោលដៅរបស់ក្រសួងអប់រំតាមរយៈគម្រោងវិទ្យាសាស្ដ្រ និងបច្ចេកវិទ្យាសម្រាប់ការអប់រំកម្រិតមធ្យមសិក្សាទុតិយភូមិ រួមមាន៖

ទី១. ប្រែក្លាយសាលាគោលដៅទាំង ២៥៦ឱ្យក្លាយជាសាលាគំរូ ៖ ការប្រែក្លាយសាលាគោលដៅឱ្យក្លាយជាសាលាគំរូ ក្នុងគោលបំណងបង្កើនលទ្ធផលសិក្សាសិស្ស គឺធនធានមនុស្សដែលក្រសួងអប់រំផលិតរាល់ឆ្នាំ ដែលគម្រោងនេះ ទាមទាររយៈពេលវែង ។ បច្ចុប្បន្នសាលារៀនមិនទាន់ឆ្លើយតបចំពោះតម្រូវការនៅឡើយ ទាល់តែសាលារៀន៥រយសាលា ឬ១ពាន់ ទៅ២ពាន់សាលា ក្លាយជាសាលារៀនគំរូ ឬជាសាលារៀនដែលឆ្នើម ហើយសិស្សរៀនបានទទួលសមត្ថភាព ទើបអាចឆ្លើយតបទាន់ពេលវេលាទៅនឹងតម្រូវការរបស់សេដ្ឋកិច្ចកម្ពុជា។ ទន្ទឹមគ្នានេះ អគ្គនាយកទាំងអស់ត្រូវរៀបចំវិធីសាស្រ្តកែលម្អដោយខ្លួនឯង ហើយរៀបចំរង្វាយតម្លៃលទ្ធផលសិក្សាប្រចាំឆ្នាំ ដើម្បីរៀបចំរបាយការណ៍សមិទ្ធកម្ម ទៅចរចារជាមួយក្រសួងសេដ្ឋកិច្ច និងហិរញ្ញវត្ថុ ហើយសាលាដែលល្អនឹងទទួលបានថវិកាបន្ថែម។

ទី២. ការបណ្ដុះបណ្ដាលអ្នកជំនាញ៖ ការបណ្ដុះបណ្ដាលអ្នកជំនាញ គឺអ្នកជំនាញទាំងនៅសាលារៀន និងអ្នកជំនាញដែលជួយគាំទ្រសាលារៀន។ ឧទាហរណ៍ អ្នកជំនាញខាងផ្នែករង្វាយតម្លៃ អ្នកជំនាញខាងផ្នែកគោលនយោបាយ និងអ្នកជំនាញផ្នែកផ្សេងទៀត ដែលទៅជួយកែលម្អសាលារៀន ។ ទន្ទឹមគ្នានេះ ផ្ដោតលើការចុះគាំទ្រជាក់ស្ដែង ហើយមានសមត្ថភាពក្នុងការកែប្រែសាលារៀន ។

ទី៣. ការពង្រឹងប្រព័ន្ធអប់រំ ៖ បច្ចុប្បន្នក្រសួងអប់រំមានយន្តការវាយតម្លៃជាក់លាក់តែម្ដង ទាំងកម្រិតអគ្គនាយកចុះក្រោម ក៏ដូចជាទាំងកម្រិតអគ្គនាយកឡើងលើផងដែរ ដោយសារតែនៅពេលបច្ចុប្បន្ននេះ រាជរដ្ឋាភិបាលតែងតែបញ្ជាក់ថា បង្កើនថវិកាហើយ តើលទ្ធផលទទួលបានអ្វីខ្លះ? ដូច្នេះ ការពង្រឹងប្រព័ន្ធអប់រំ ជាកាតព្វកិច្ចផង និងជាការរៀបចំប្រព័ន្ធគ្រប់គ្រងមួយដែលផ្ដោតលើលទ្ធផល។ ករណីអ្នកធ្វើការលើសការរំពឹងទុកនឹងទទួលបានប្រាក់រង្វាន់លើកទឹកចិត្តបន្ថែម។

ឯកឧត្តម ហង់ជួន ណារ៉ុន រដ្ឋមន្ដ្រីក្រសួងអប់រំ យុវជន និងកីឡា

“ឧទាហរណ៍ថា ខ្ញុំមានជំនាញខាងបឋមសិក្សា ដូច្នេះ ផ្នែកមធ្យមសិក្សាខ្ញុំមិនចូលនោះទេ ឬរង្វាយតម្លៃសិក្សា ខ្ញុំមិនចូលនោះទេ ។ នេះជាការគិតខុស ព្រោះការអប់រំ គឺទាក់ទងគ្នា គឺចាប់តាំងពីថ្នាក់មត្តេយ្យរហូតដល់ថ្នាក់ឧត្តម ឬមានភាពចម្រុះទៅតាមផ្នែកបច្ចេកទេស។ ប្រសិនបើបែបនេះយើងមិនមានទស្សនៈរួមមួយទេ ។ ឧទាហរណ៍ថា គាត់ជាអ្នកជំនាញកុមារតូច ប៉ុន្តែគាត់បំពេញការងារល្អផ្នែកអ្វីផ្សេងមួយទៀត ដូច្នេះយើងឱ្យត្រូវឱ្យប្រាក់រង្វាន់លើកទឹកចិត្តគាត់បន្ថែម”

ទី៤. កែលម្អកម្មវិធីបណ្ដុះបណ្ដាលនាយកសាលា ៖ នាយកសាលាសំខាន់ណាស់ ហេតុនេះ កម្មវិធីបណ្ដុះបណ្ដាលនៅវិទ្យាស្ថានអប់រំ គឺត្រូវកែលម្អ ឬធ្វើកំណែទម្រង់ ដោយត្រូវយកគ្រូឧទ្ទេសដែលមានបទពិសោធន៍ជាក់ស្ដែង ឬមួយមាននវានុវត្តន៍មកបង្រៀន ។ លើសពីនេះ ស្នើឱ្យមានកម្មវិធីនវានុវត្តន៍ ដែលជាមូលដ្ឋានគ្រឹះ និងបទពិសោធន៍៥០%នៃជំនាញ និង៥០% ចុះទៅអនុវត្តជាក់ស្ដែង។ ម៉្យាងវិញទៀត រៀនសូត្រពីបទពិសោធន៍សាលាអន្តរជាតិ ដោយសុំឱ្យមានទាំងគ្រូអន្តរជាតិមកបង្រៀន ឬអតីតនាយកដែលចូលនិវត្តន៍ គឺជាគ្រូឧទ្ទេសមកបង្រៀនកម្មវិធីបណ្ដុះបណ្ដាលនាយក។

ទី៥. ចុះអនុសារណៈយោគយល់គ្នា (MOU) ជាមួយសាលានៅក្នុងស្រុក ៖ រៀបចំឱ្យមានទំនាក់ទំនងរវាងវិទ្យាស្ថានអប់រំ រវាងវិទ្យាស្ថានគរុកោសល្យភ្នំពេញ រវាងវិទ្យាស្ថានគរុកោសល្យបាត់ដំបង មជ្ឈមណ្ឌលគរុកោសល្យភូមិភាគជាមួយនឹងសាលាគោលដៅ។ ទន្ទឹមគ្នានេះ ធ្វើឱ្យកន្លែងបណ្ដុះបណ្ដាលគ្រូ និងសាលាគោលដៅដើរទន្ទឹមគ្នា ត្រូវដឹងថាសាលាជំនាន់ថ្មីគេបង្រៀនយ៉ាងម៉េច? សាលាគំរូគេធ្វើយ៉ាងម៉េច? ហើយអ្នកបណ្ដុះបណ្ដាល រួមទាំងអ្នកឯកទេស រួមទាំងថ្នាក់ដឹកនាំក៏ត្រូវចូលរួមជាមួយគ្នាផងដែរ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ YALE ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 19/11/2025

ឱកាសសិក្សាអាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ YALE សហរដ្ឋអាមេរិក ឆ្នាំសិក្សា២០២៦។ ការសិក្សាផ្ដល់តាមរយៈកម្មវិធីអាហារូបករណ៍ Yale University Scholarship 2026។

អាហារូបករណ៍ថ្នាក់បរិញ្ញាបត្រជំនាញគណនេយ្យចំនួន១០កន្លែងនៅវិទ្យាស្ថានវ៉ាន់ដាឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 24/10/2024

ឱកាសសិក្សាអាហារូបករណ៍ចំនួន១០កន្លែង សម្រាប់សិក្សាថ្នាក់បរិញ្ញាបត្រ ជំនាញគណនេយ្យ នៅវិទ្យាស្ថាន វ៉ាន់ដា ក្នុងឆ្នាំសិក្សា២០២៤-២០២៥។ អាហារូបករណ៍ជាការគាំទ្រពី ឯកឧត្តមអភិបណ្ឌិត ស សុខា និង លោកជំទាវ កែ សួនសុភី...

ឱកាសសិក្សាអាហារូបករណ៍ថ្នាក់បណ្ឌិតពីកម្មវិធី  Singapore A STAR ACIS ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 22/04/2025

កម្មវិធីអាហារូបករណ៍ Singapore A STAR ACIS នឹងបើកទទួលពាក្យអាហារូបករណ៍សម្រាប់និស្សិតអន្តរជាតិ ឱ្យស្នើការសិក្សាថ្នាក់ឧត្ដមសិក្សាសម្រាប់ឆ្នាំសិក្សា២០២៥ នៅប្រទេស​សឹង្ហបុរី។ អាហារូបករណ៍ផ្ដល់ជូនការសិក្សាថ្នាក់បណ្ឌិតស្រាវជ្រាវ..

សហភាពអឺរ៉ុបប្រកាសផ្តល់អាហារូបករណ៍ ៣០កន្លែង ដល់និស្សិត និងអ្នកជំនាញកម្ពុជា ទៅសិក្សាលើវិស័យទឹកនៅអឺរ៉ុប

ព័ត៌មានអាហារូបករណ៍, ព្រឹត្តិការណ៍

• 18/02/2026

ដើម្បីចូលរួមចំណែកក្នុងការអភិវឌ្ឍប្រកបដោយចីរភាព និងពង្រឹងសមត្ថភាពអ្នកជំនាញក្នុងវិស័យទឹកនៅកម្ពុជា សហភាពអឺរ៉ុបប្រចាំកម្ពុជាបានប្រកាសបើកទទួលពាក្យសុំអាហារូបករណ៍ក្រោមកម្មវិធី "European Global Scholarship...

អាហារូបករណ៍ TVET ចំនួន ១២០៥កន្លែង នៅ​វិទ្យាស្ថាន​ពហុបច្ចេកទេស​ខេត្ត​បន្ទាយមានជ័យ

ព័ត៌មានអាហារូបករណ៍, ព្រឹត្តិការណ៍

• 02/10/2025

សម្រាប់ឆ្នាំសិក្សា​២០២៥-២០២៦ វិទ្យាស្ថាន​ពហុបច្ចេកទេស​ខេត្ត​បន្ទាយមានជ័យ នឹង​ជ្រើសរើស​សិស្ស​និស្សិតរហូត​ដល់ចំនួន ១២០៥នាក់ សម្រាប់ទទួលអាហារូបករណ៍​ទៅតាម​មុខ​ជំនាញ និង​កម្រិតសញ្ញាបត្រ។

ឱកាសអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Tsinghua

ព័ត៌មានអាហារូបករណ៍, ព្រឹត្តិការណ៍

• 31/05/2023

សាកលវិទ្យាល័យ Tsinghua ផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ចំនួន២០០កន្លែងសម្រាប់និស្សិតបរទេសសិក្សានៅប្រទេសចិនឆ្នាំ២០២៣។ ...

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Donghua ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 01/08/2025

កម្មវិធីអាហារូបករណ៍ Donghua University Scholarship 2026 ប្រកាសផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត សម្រាប់ឆ្នាំសិក្សា២០២៦ នៅសាកលវិទ្យាល័យ Donghua ប្រទេសចិន។

ឱ​កាស​សម្រាប់​យុវជន​កម្ពុជា​អភិវឌ្ឍន៍​ជំនាញ​គ្រប់គ្រង​អ៊ីនធឺណិត​សកល ​សិក្សា​នៅ​ប្រទេស​ព័រទុយហ្គាល់​

ព័ត៌មានអាហារូបករណ៍, ព្រឹត្តិការណ៍

• 28/07/2026

ឱកាសសម្រាប់យុវជនកម្ពុជាអភិវឌ្ឍន៍ជំនាញគ្រប់គ្រងអ៊ីនធឺណិតសកល សិក្សានៅប្រទេសព័រទុយហ្គាល់

អាហារូបករណ៍ថ្នាក់បរិញ្ញាបត្រជាន់ខ្ពស់ជំនាញសុរិយោដី និងអភិរក្ស ១០០% និង៥០% នៅសាកលវិទ្យាល័យអន្តរជាតិ

ព័ត៌មានអាហារូបករណ៍, ព្រឹត្តិការណ៍

• 09/02/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យអន្តរជាតិ(IU) ចំនួន២៧កន្លែងសម្រាប់ឆ្នាំសិក្សា២០២៤។ អាហារូបករណ៍ផ្ដល់ជូន...