វិទ្យាស្ថានពហុបច្ចេកទេសខេត្តកំពង់ស្ពឺប្តេជ្ញាជួយដល់យុវជនក្នុងមូលដ្ឋានឱ្យមានជំនាញ និងការងារច្បាស់លាស់ក្នុងជីវិត

ស្របទៅនឹងតម្រូវការកម្លាំងពលកម្មជំនាញពីជាង៤០០ក្រុមហ៊ុន រោងចក្រ​ សហគ្រាសទូទាំងខេត្តកំពង់ស្ពឺ​នាពេលបច្ចុប្បន្ននេះ វិទ្យាស្ថានពហុបច្ចេកទេសខេត្តកំពង់ស្ពឺ ក៏បាននឹងកំពុងសម្រេចបាននូវការផលិតធនធាន​មនុស្ស​ប្រកប​ដោយជំនាញបច្ចេកទេស និងវិជ្ជាជីវៈដែលមានគុណភាពសម្រាប់ផ្គត់ផ្គង់ទៅដល់ក្រុមហ៊ុន រោងចក្រ សហគ្រាសទាំងនោះផងដែរ។

នាយកវិទ្យាស្ថានពហុបច្ចេកទេសខេត្តកំពង់ស្ពឺ លោក កែម ជាក់នី បានបង្ហាញពីចក្ខុវិស័យថា គោលដៅ​ដែលវិទ្យាស្ថានចង់ផ្តល់ជំនាញបច្ចេកទេស និងវិជ្ជាជីវៈនោះ គឺប្រជាពលរដ្ឋនៅក្នុងខេត្ត ជាពិសេស​យុវជន​ដែលមកពីគ្រួសារក្រីក្រ និងគ្រួសារងាយរងហានិភ័យតែម្តង ពោលគឺផ្តល់ឱកាសដល់ អ្នកដែលបាន​បោះបង់​ការសិក្សា អ្នកពុំទាន់មានជំនាញច្បាស់លាស់​ និងអ្នកពុំទាន់មានការងារធ្វើ។

នាយកវិទ្យាស្ថានពហុបច្ចេកទេសខេត្តកំពង់ស្ពឺ បានប្តេជ្ញាថា នឹងជួយដល់សិស្សទាំងអស់មិនត្រឹមតែទទួល​បាននូវ​ជំនាញពិតប្រាកដមួយប៉ុណ្ណោះទេ តែថែមទាំងជួយដល់សិស្សទទួលបានការងារ​ធ្វើក្រោយរៀនចប់​ទៀតផង ស្របទៅតាមអភិក្រមរបស់ សម្តេចមហាបវរធិបតី ហ៊ុន ម៉ាណែត គឺ  «រៀនចប់ រៀនចេះ មានការងារធ្វើ»។ ជាក់ស្តែង នៅក្នុងជំហានទី១ នៃការសិក្សា «កម្មវិធីបណ្តុះ​បណ្តាល ​​ជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ» ដែលមានសិស្សសរុបចំនួន ៤១៨នាក់ (ក្នុងនោះ សិស្សស្រីចំនួន ៦៣នាក់) បានបញ្ចប់ការសិក្សាផ្នែកទ្រឹស្តី និងការអនុវត្តជំនាញ​ក្នុង​វិទ្យាស្ថាន​រយៈពេល​៤ខែ​រួចមកហើយ និងកំពុងចុះហាត់ការផ្ទាល់នៅតាមបណ្តាក្រុមហ៊ុន រោងចក្រ សហគ្រាស មុននឹងចេញ​ប្រកប​ការងារ​ទៅតាមជំនាញរបស់ពួកគេ ដែលអាចទទួលបានប្រាក់ចំណូលចន្លោះពី ៣០០ដុល្លារ ដល់ជាង​៨០០ដុល្លារអាមេរិកក្នុងមួយខែ។

យុវជន នេន ដា ជាសិស្សជំនាញជួសជុលរថយន្ត និងកំពុងហាត់ការលើជំនាញសិក្សារបស់ខ្លួន និយាយទាំងទឹកមុខញញឹម និងក្តីសង្ឃឹមថា៖ «ខ្ញុំប្តេជ្ញារៀនឲ្យចប់ ឲ្យចេះ​ និងមានការងារធ្វើ»។​ យុវជនរូបនេះ បាន​សម្តែង​ការ​ពេញចិត្តជាខ្លាំងចំពោះការទទួលបានឱកាសសិក្សាលើជំនាញដែលខ្លួនស្រឡាញ់ ដោយមិន​មាន​ការបង់ថ្លៃ និងទទួលបានការយកចិត្តទុកជាខ្លាំងពីគ្រូបណ្តុះបណ្តាល​នៅវិទ្យាស្ថានពហុ​បច្ចេក​ទេស​ខេត្តកំពង់ស្ពឺ។

វិទ្យាស្ថានពហុបច្ចេកទេសខេត្តកំពង់ស្ពឺ មានទីតាំងស្ថិតនៅក្នុងភូមិទំពូង ឃុំកាហែង ស្រុកសំរោងទង គឺជាគ្រឹះស្ថានដ៏ធំមួយដែលកំពុងបណ្តុះ​បណ្តាល​ជំនាញបច្ចេកទេស និងវិជ្ជាជីវៈ រហូតដល់១៩មុខជំនាញទៅ​ដល់​ប្រជាពលរដ្ឋ ជាពិសេសយុវជន​ដែល​មកពី​គ្រួសារក្រីក្រ និងគ្រួសារងាយរងហានិភ័យ តាមរយៈ «កម្មវិធីបណ្តុះ​បណ្តាល ​​ជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ» ដែលរាជរដ្ឋាភិបាល​កម្ពុជា​បាន​ប្រកាស​​អនុវត្តជាផ្លូវការចាប់ពីថ្ងៃទី១៤ ខែវិច្ឆិកា ឆ្នាំ២០២៣មក​ ។

មុខជំនាញទាំង១៩ ដែលវិទ្យាស្ថានពហុបច្ចេកទេសខេត្តកំពង់ស្ពឺផ្តល់ការបណ្តុះបណ្តាល​ រួមមាន៖ ១. ការងារកំបោរ ២.​ ការដំឡើងបណ្តាញបំពង់ទឹក ៣. ការដំឡើងបណ្តាញអគ្គិសនីក្នុងអាគារ ៤. ការដំឡើងពុម្ភ ៥.​ ការដំឡើង និងថែទាំកាមេរ៉ាសុវត្ថិភាព ៦. ការផ្សារអគ្គិសនី ៧. ការថែទាំ និងជួសជុលរថយន្ត ៨.ការថែទាំ និងជួសជុលម៉ាស៊ីនត្រជាក់រថយន្ត ៩.ការថែទាំនិងជួសជុលអគ្គិសនីរថយន្ត ១០. សេវាកម្មធនធានមនុស្ស ១១. សេវាកម្មកុំព្យូទ័រ ១២.សេវាកម្មអតិថិជន ១៣. ការរចនាក្រាហ្វិកដោយកុំព្យូទ័រ ១៤.សេវាកម្មបរិក្ខារត្រជាក់ក្នុងគេហដ្ឋាន ១៥.ធុរកិច្ចភេសជ្ជៈ ១៦.ការធ្វើម្ហូបខ្មែរ ១៧.ការដាំ ថែទាំ និងប្រមូលផលដំណាំស្វាយកែវរមៀត ១៨.ការចញ្ចឹម និងថែទាំត្រីប្រា និង១៩.ការកែច្នៃបន្លែ និងផ្លែឈើ។

ទន្ទឹមនេះ នាយកវិទ្យាស្ថានពហុបច្ចេកទេសខេត្តកំពង់ស្ពឺ សូមអំពាវនាវ និងលើកទឹកចិត្តដល់យុវជនផ្ទាល់ និង ក្រុមគ្រួសារ​ដែលមាន​កូនចៅពុំទាន់​មានចំណេះ​ជំនាញ​ណាមួយច្បាស់លាស់នោះទេ សូមជួយជំរុញពួកគាត់​ឱ្យ​មកចុះឈ្មោះសិក្សាលើជំនាញណាមួយ ក្នុងចំណោម​ជំនាញ​ទាំង១៩ ដែលវិទ្យាស្ថានបានត្រៀមជាស្រេច​ក្នុងការបណ្តុះបណ្តាលដល់ពួកគាត់។ នេះជាឱកាសពិសេសណាស់ តាមរយៈ «កម្មវិធីបណ្តុះ​បណ្តាល ​​ជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ» របស់រាជរដ្ឋាភិបាល​នាពេលនេះ គឺយុវជនមកពីគ្រួសារក្រីក្រ និងគ្រួសារងាយរងហានិភ័យ ចូលរៀនមិនបង់ថ្លៃសិក្សានោះទេ ហើយថែមទាំងទទួលបានប្រាក់ឧបត្ថម្ភចំនួន ២៨ម៉ឺនរៀលពីរាជរដ្ឋាភិបាលថែមទៀត ចំណែកយុវជន និងពលរដ្ឋទូទៅដែលមានអាយុចាប់ពី ១៥ឆ្នាំដល់៦០ឆ្នាំ ក៏អាចចូលសិក្សាដោយមិនគិតថ្លៃនោះដែរ។ បន្ថែមពីនេះ វិទ្យាស្ថានពហុបច្ចេកទេសខេត្តកំពង់ស្ពឺ ក៏ផ្តល់ជូនកន្លែងស្នាក់នៅសម្រាប់សិស្សក្រីក្រ ខ្វះមធ្យោបាយធ្វើដំណើរ និងមានទីលំនៅឆ្ងាយទៀតផង៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យអន្តរជាតិ Cyprus ២០២៥

ព័ត៌មានអាហារូបករណ៍, ព្រឹត្តិការណ៍

• 01/04/2025

ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យអន្តរជាតិ Cyprus នៃសាធារណរដ្ឋស៊ីប (Republic of Cyprus) សម្រាប់ឆ្នាំសិក្សា២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត។

អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យវិទ្យាសាស្ត្រព័ត៌មាន និងបច្ចេកវិទ្យាណានជីង

ព័ត៌មានអាហារូបករណ៍, ព្រឹត្តិការណ៍

• 04/07/2025

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ ក្នុងជំនាញ Agromrteorology ឬ Hydrometerology នៅសាកលវិទ្យាល័យវិទ្យាសាស្ត្រព័ត៌មាន និងបច្ចេកវិទ្យាណាជីងសម្រាប់ឆ្នាំសិក្សា២០២៥-២០២៧..

អាហារូបករណ៍សិក្សាថ្នាក់បរិញ្ញាបត្រ និង​បរិញ្ញាបត្រជាន់ខ្ពស់ នៅប្រទេសឥណ្ឌូនេស៊ី

ព័ត៌មានអាហារូបករណ៍, ព្រឹត្តិការណ៍

• 22/01/2026

សាកលវិទ្យាល័យ Muhammadiyah Purwokerto (UMP) ប្រកាសជ្រើសរើសនិស្សិតអន្តរជាតិឱ្យចូលរៀនក្នុងកម្មវិធីសិក្សាថ្នាក់បរិញ្ញាបត្រ និង​ថ្នាក់បរិញ្ញាបត្រ​ជាន់ខ្ពស់ សម្រាប់ឆ្នាំសិក្សា២០២៦...

អាហារូបករណ៍ថ្នាក់បរិញ្ញាបត្រ​ សិក្សានៅប្រទេសវៀតណាម សម្រាប់យុវជនខេត្តស្វាយរៀង

ព័ត៌មានអាហារូបករណ៍, ព្រឹត្តិការណ៍

• 09/03/2026

សាកលវិទ្យាល័យ​សេដ្ឋកិច្ច-ឧស្សាហកម្មឡុងអាន នៃប្រទេសវៀតណាម បានប្រកាស​ផ្តល់អាហារូបករណ៍​ចំនួន ៦កន្លែង ដល់សិស្ស និស្សិតរស់នៅ​ក្នុងខេត្តស្វាយរៀង ដើម្បីបន្ត​ការ​សិក្សា​ថ្នាក់បរិញ្ញាបត្រ។

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យបច្ចេកវិទ្យាហាប៊ីន ប្រទេសចិនឆ្នាំ២០២៦

ព័ត៌មានអាហារូបករណ៍, ព្រឹត្តិការណ៍

• 19/12/2025

កម្មវិធីអាហារូបករណ៍រដ្ឋាភិបាលចិន កំពុងបើកប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត សិក្សានៅសាកលវិទ្យាល័យបច្ចេកវិទ្យាហាប៊ីន ឆ្នាំ២០២៦។ អាហារូបករណ៍ផ្ដល់ឱ្យសិក្សាជាថ្នាក់ភាសាអង់គ្លេស និងភាសាចិន។

ក្រសួងទេសចរណ៍ ជ្រើសរើសសិក្ខាកាមចូលរៀនជំនាញឆុងកាហ្វេ និងសេវាកម្មម្ហូបអាហារ និងភេសជ្ជៈ សម្រាប់ខេត្តបាត់ដំបង

ព័ត៌មានអាហារូបករណ៍, ព្រឹត្តិការណ៍

• 24/08/2023

គណៈកម្មការគ្រប់គ្រងគម្រោង ហូកា នៃក្រសួងទេសចរណ៍ ក្រោមកិច្ចសហការជាមួយគម្រោង “គាំទ្រនិរន្តរភាពហេដ្ឋារចនាសម្ព័ន្ធជនបទ ដើម្បីទីផ្សារកសិករ និងពាណិជ្ជូបនីយកម្មកសិកម្មនៅកម្ពុជា (SAAMBAT)”...

ឱកាសអាហារូបករណ៍ថ្នាក់បរិញ្ញាបត្ររង៤០កន្លែងនៅវិទ្យាស្ថាន N-Tech International ប្រទេសថៃ

ព័ត៌មានអាហារូបករណ៍, ព្រឹត្តិការណ៍

• 15/03/2023

វិទ្យស្ថាន N-Tech International ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្ររងចំនួន៤០កន្លែង នៅប្រទេសថៃឆ្នាំសិក្សា២០២៣-២០២៤ ។...

ឱកាសសិក្សាអាហារូបករណ៍ ៧៨កន្លែងនៅប្រទេសចិន  ពី អ.ម.ត សម្រាប់ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 17/03/2025

គណៈកម្មាកិធិការអាហារូបករណ៍សិស្ស-និស្សិតក្រីក្រ សម្ដេចអគ្គមហាសេនាបតីតេជោ ហ៊ុន​ សែន និងសម្ដេចកិត្តិព្រឹទ្ធបណ្ឌិត ប្រកាសផ្ដល់អាហារូបករណ៍ ថ្នាក់ភាសាចិន ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ឆ្នាំសិក្សា២០២៥-២០២៦

អាហារូបករណ៍ថ្នាក់បរិញ្ញាបត្រជាន់ខ្ពស់ និង​បណ្ឌិត ១២១កន្លែង ពីកម្មវិធីអាហារូបករណ៍ Thailand Scholarship Year 2025

ព័ត៌មានអាហារូបករណ៍, ព្រឹត្តិការណ៍

• 06/03/2025

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យជាច្រើនក្នុងប្រទេសថៃ ក្រោមកម្មវិធីអាហារូបករណ៍ Thailand Scholarship Year 2025, THe Ministry of Higer Education, Science...