ក្រុងកំពង់ឆ្នាំងត្រូវប្រកាសជាក្រុងបញ្ចប់ការបន្ទោបង់ពាសវាលពាសកាលដំបូង

ក្រុងកំពង់ឆ្នាំងត្រូវប្រកាសជាក្រុងបញ្ចប់ការបន្ទោបង់ពាសវាលពាសកាលដំបូងគេនៅក្នុងខេត្តកំពង់ឆ្នាំង

ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

17/05/2022 17/05/2022

កំពង់ឆ្នាំង – ឯកឧត្តមបណ្ឌិតសភាចារ្យ អ៊ុក រ៉ាប៊ុន រដ្ឋមន្រ្ដីក្រសួងអភិវឌ្ឍន៍ជនបទ មានប្រសាសន៍ថា ក្រុងកំពង់ឆ្នាំងជារដ្ឋបាលមួយក្នុងចំណោមរដ្ឋបាលថ្នាក់ស្រុកទាំង៧ និងក្រុង១ បានប្រកាសទទួលស្គាល់ជាផ្លូវការ ជាក្រុងបានបញ្ចប់ការបន្ទោបង់ពាសវាលពាសកាល (ODF) ដំបូងគេបង្អស់ក្នុងចំណោម ក្រុង ស្រុក ក្នុងខេត្តកំពង់ឆ្នាំង។ ឯកឧត្តមបណ្ឌិតសភាចារ្យ ថ្លែងបែបនេះ ក្នុងឱកាស អញ្ជើញជាអធិបតីក្នុងពិធីប្រកាសទទួលស្គាល់ជាផ្លូវការ ក្រុងកំពង់ឆ្នាំង ជាក្រុងបានបញ្ចប់ការបន្ទោបង់ពាសវាលពាសកាល (ODF) នាព្រឹកថ្ងៃទី១៧ ឧសភា ។

ឯកឧត្តមបណ្ឌិតសភាចារ្យ អ៊ុក រ៉ាប៊ុន រដ្ឋមន្រ្តីក្រសួងអភិវឌ្ឍជនបទ កត់សម្គាល់ថា ភូមិសាស្រ្តខេត្តកំពង់ឆ្នាំ ជាភូមិសាស្រ្តពិបាក ជាតំបន់ខ្ពង់រាប មានទន្លេ មានភ្នំ ប៉ុន្តែទោះជាយ៉ាងណា ឯកឧត្តមក៏បន្តលើកទឹកចិត្ត និងជឿជាក់ថា ខេត្តកំពង់ឆ្នាំងនឹងក្លាយទៅជាខេត្ត ODF ជាខេត្តដែលគ្មានការបន្ទោរបង់ពាសវាលពាសកាល សម្រេចបាននៅឆ្នាំ២០២៣ ។

ឯកឧត្តមបណ្ឌិតសភាចារ្យ អ៊ុក រ៉ាប៊ុន

“ខ្ញុំជឿជាក់ថាប្រជាពលរដ្ឋនៅពេលដែលមានបង្គន់ហើយ នឹងផ្លាស់ប្ដូរទម្លាប់បន្ទោរបង់ក្រៅបង្គន់ ប្រសិនបើយើងមិនប្ដូរទម្លាប់ គឺយើងនៅតែបន្ទោរបង់ពាសវាលពាសកាលដដែល”

លោក យិន សាវ៉េត អភិបាលក្រុងកំពង់ឆ្នាំង មានប្រសាសន៍ថា អង្គការវ៉តធើអេត និងមន្ទីរអភិវឌ្ឍន៍ជនបទខេត្តកំពង់ឆ្នាំង បានប្រជុំរៀបចំផែនការ ODF ថ្នាក់សង្កាត់ និងថ្នាក់ក្រុង ចុះពិនិត្យនិងតាមដាន ចុះផ្ទៀងផ្ទាត់ភូមិ សង្កាត់ សម្រេចបាន ODF ចុះប្រជុំជាមួយគ្រួសារក្រីក្រដែលគ្មានបង្គន់អនាម័យប្រើប្រាស់ និងស្វែងរកគាំទ្រពីអ្នកពាក់ព័ន្ធ។ លោក យិន សាវ៉េត បន្តថា ការចុះធ្វើសកម្មភាពរបស់មន្ទីរអភិវឌ្ឍន៍ជនបទ បានធ្វើឱ្យប្រជាពលរដ្ឋបានយល់ដឹងពីសារៈសំខាន់នៃការបន្ទោបង់ក្នុងបង្គន់ ហើយផ្លាស់ប្តូរទម្លាប់មកសាងសង់បង្គន់ប្រើប្រាស់ ហូបទឹកស្អាត និងលាងដៃជាមួយសាប៊ូ ។

អភិបាលក្រុងកំពង់ឆ្នាំង បន្ថែមថា តាមរយៈការចូលរួមរបស់អាជ្ញាធរក្រុង អាជ្ញាធរសង្កាត់ មេភូមិ និងប្រជាពលរដ្ឋ បានធ្វើឱ្យអត្រាអនាម័យកើនពី ៨៩% មក១០០% នៅទូទាំងក្រុងកំពង់ឆ្នាំង ដោយក្នុងនោះមានភូមិចំនួន២៦ សង្កាត់ចំនួន០៤ និងក្រុងកំពង់ឆ្នាំង សម្រេចបាន ODF និងបានផ្ទៀងផ្ទាត់ និងវាយតម្លៃទទួលស្គាល់ជាផ្លូវការរួចរាល់ដោយគណៈកម្មការ ។

លោក យិន សាវ៉េត

“ខ្ញុំប្ដេជ្ញានឹងខិតខំបន្តអនុវត្តតាមគោលនយោបាយយុទ្ធសាស្ត្រចតុកោណដំណាក់កាលទី៤ និងផែនការយុទ្ធសាស្រ្តអភិវឌ្ឍន៍ជាតិ ដើម្បីធានាបាននូវការរក្សានូវសន្តិសុខសណ្តាប់ធ្នាប់សាធារណៈ និងសុវត្តិភាពសង្គម ជូនដល់ប្រជាពលរដ្ឋគ្រប់មជ្ឈដ្ឋាន និងមានអនាម័យបរិស្ថានកាន់តែល្អប្រសើរ”

លោក ឆាត សុភាព នាយកប្រចាំប្រទេសនៃអង្គការវ៉តធើអេត មានប្រសាសន៍ថា នៅពេលនេះ ក្រុងកំពង់ឆ្នាំង បានសម្រេចគោលដៅ ODF ដែលជាគោលដៅឱ្យប្រជាពលរដ្ឋគ្រប់ក្រុមគ្រួសារមានបង្គន់អនាម័យប្រើប្រាស់ និងបញ្ឈប់ការបន្ទោរបង់ពាសវាលពាសកាល ស្របទៅនឹងផែនការសកម្មភាពយុទ្ធសាស្រ្តរបស់ព្រះរាជាណាចក្រកម្ពុជាដែលមានក្រសួងអភិវឌ្ឍជនបទដឹកនាំនៅក្នុងវិស័យអភិវឌ្ឍទឹកស្អាត និងអនាម័យ។

លោក ឆាត សុភាព

“ខ្ញុំគិតថាខេត្តកំពង់ឆ្នាំជាខេត្តមួយបានកំណត់យកគោលដៅឆ្នាំ២០២៣ ដែលនឹងត្រូវសម្រេចបានគោលដៅអភិវឌ្ឍវិស័យទឹកស្អាត និងអនាម័យឱ្យបាន ១០០% ដូច្នេះថ្ងៃនេះ គឺជាសមិទ្ធផលមួយ ហើយក៏ជាការបង្ហាញអំពីភាពជាគំរូទៅដល់រដ្ឋបាលស្រុកទាំងអស់នៅក្នុងខេត្តកំពង់ឆ្នាំងសម្រាប់បន្តការខិតខំប្រឹងប្រែង”

នាយកប្រចាំប្រទេសនៃអង្គការវ៉តធើអេត បន្ថែមថា នៅក្នុងផែនការយុទ្ធសាស្រ្តអភិវឌ្ឍន៍ជាតិឆ្នាំ២០២៣ ដែលកំណត់ឱ្យសម្រេចបាន ៩០%នៃអត្រាគ្របដណ្ដប់សេវាទឹកស្អាត និងអនាម័យទូទាំងប្រទេស ទាមទារឱ្យមានការបន្តកិច្ចសហប្រតិបត្តិការ និងចូលរួមចំណែកទាំងធនធាន និងបច្ចេកទេស សម្រាប់សម្រេចបាននៅគោលដៅរួម។

គួរបញ្ជាក់ថា នៅចុងឆ្នាំ២០២០ អង្គការវ៉តធើអេត បានជ្រើសរើសក្រុងកំពង់ឆ្នាំង ជាតំបន់គោលដៅ ដើម្បីអនុវត្តកម្មវិធីផ្គត់ផ្គង់ ការសំអាត និងអនាម័យជនបទ។ ទន្ទឹមគ្នានេះ ក្នុងពេលចាប់ផ្តើមអនុវត្តដំបូង ប្រជាពលរដ្ឋមានប្រភពទឹកប្រើប្រាស់ចំនួន ១០០% ក្នុងនោះប្រជាពលរដ្ឋប្រើប្រាស់ទឹកស្អាតចំនួន ៨៧.៤% ចំណែកអត្រាប្រជាពលរដ្ឋមានបង្គន់អនាម័យប្រើប្រាស់ចំនួន ៨៩% និងអត្រាប្រជាពលរដ្ឋទម្លាប់លាងដៃជាមួយសាប៊ូចំនួន ៩១% ៕

កញ្ញា វ៉ាន គីមសល់ | Ms. Van Kimsal

កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

របាយការណ៍ថ្មី

មើលទាំងអស់ ➧

វិធីជំរុញខ្លួនឯងឱ្យធ្វើលំហាត់ប្រាណបានទៀងទាត់

ចំណេះជីវិត, បទយកការណ៍

• 04/02/2026

អត្ថប្រយោជន៍នៃការប្រើប្រាស់ឡើងវិញ និងកាត់បន្ថយប្លាស្ទិក

ចំណេះជីវិត, បទយកការណ៍

• 04/02/2026

ក្នុងវ័យសិក្សា តើសិស្សនិស្សិតគួរគេងប៉ុន្មានម៉ោងទើបល្អ?

ចំណេះជីវិត, បទយកការណ៍

• 04/02/2026

កត្តាសំខាន់ៗក្នុងការរៀបចំសម្ភារៈ និងឯកសារ ដែលជួយសម្រួលដល់ការសិក្សា

ចំណេះជីវិត, ជំនាញ, បទយកការណ៍

• 18/12/2025

៣គន្លឹះដើម្បីបង្កើនឥទ្ធិពលក្នុងការទំនាក់ទំនង

ចំណេះជីវិត, បទយកការណ៍

• 17/12/2025

រក្សាភាពស្ងប់អំឡុងពេលស្រេ្តស ជួយរក្សាស្មារតីឱ្យនៅជាមួយបច្ចុប្បន្នភាព

ចំណេះជីវិត, បទយកការណ៍

• 17/11/2025

អនុវិស័យ ១២ ដែលមានតម្រូវការការងារខ្ពស់ក្នុង ឆ្នាំ២០២៤ និងឆ្នាំ២០២៥

ចំណេះជីវិត, បទយកការណ៍

• 02/06/2025

មត្តេយ្យសិក្សាជាមូលដ្ឋានគ្រឹះដំបូងមិនអាចខ្វះបានសម្រាប់កុមារមុនឈានដល់បឋមសិក្សា

ចំណេះជីវិត, បទយកការណ៍, អប់រំកុមារតូច

• 27/12/2024

វត្តមានយុវតីសិក្សាជំនាញវិស្វកម្មទឹក និងបរិស្ថាន ជួយលើកកម្ពស់ការអប់រំសហគមន៍ និងសម្រេចគោលដៅអភិវឌ្ឍន៍ប្រកបដោយចីរភាពនៅកម្ពុជា

បទយកការណ៍, យុវជនឆ្នើម

• 13/12/2024

ព័ត៌មានទូទៅ

មើលទាំងអស់ ➧

អាហារូបករណ៍៥០កន្លែងទៅសិក្សានៅប្រទេសឥណ្ឌា សម្រាប់ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 28/03/2023

កម្មវិធីអាហារូបករណ៍ ICCR Scholarships បានប្រកាសផ្តល់អាហារូបករណ៍ចំនួន៥០កន្លែងសម្រាប់សិស្សនិស្សិតកម្ពុជា ទៅសិក្សានៅប្រទេសឥណ្ឌា ...

ឱកាសអាហារូបករណ៍ថ្នាក់អនុបណ្ឌិត បរិញ្ញាបត្រ និងបរិញ្ញាបត្ររង ១០០% ចំនួន២៣០កន្លែង ពី ស.ស.យ.ក. រាជធានីភ្នំពេញ

ព័ត៌មានអាហារូបករណ៍, ព្រឹត្តិការណ៍

• 27/09/2024

សហភាពសហព័ន្ធយុវជនកម្ពុជារាជធានីភ្នំពេញ (ស.ស.យ.ក. រាជធានីភ្នំពេញ) ក្រោមកិច្ចសហប្រតិបត្តិការជាមួយវិទ្យាស្ថានខ្មែរជំនាន់ថ្មី ផ្តល់ជូនអាហារូបករណ៍ថ្នាក់បរិញ្ញាបត្រជាន់ខ្ពស់ (អនុបណ្ឌិត) ចំនួន៣០កន្លែង ថ្នាក់បរិញ្ញាបត្រ និងថ្នាក់បរិញ្ញាបត្ររង ចំនួន...

អាហារូបករណ៍ France Excellence សិក្សាថ្នាក់បណ្ឌិតនៅប្រទេសបារាំង ឆ្នាំ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 25/03/2026

ជាឱកាសសម្រាប់និស្សិតកម្ពុជាដែលមានបំណងចង់បន្តការសិក្សានៅប្រទេសបារាំង។ ស្ថានទូតបារាំងប្រចាំកម្ពុជា បានប្រកាសបើកទទួលពាក្យសុំអាហារូបករណ៍ France Excellence (BFE) ថ្នាក់បណ្ឌិត...

ឱកាសសិក្សាអាហារូបករណ៍ថ្នាក់បណ្ឌិតពីកម្មវិធី Singapore A STAR ACIS ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 22/04/2025

កម្មវិធីអាហារូបករណ៍ Singapore A STAR ACIS នឹងបើកទទួលពាក្យអាហារូបករណ៍សម្រាប់និស្សិតអន្តរជាតិ ឱ្យស្នើការសិក្សាថ្នាក់ឧត្ដមសិក្សាសម្រាប់ឆ្នាំសិក្សា២០២៥ នៅប្រទេសសឹង្ហបុរី។ អាហារូបករណ៍ផ្ដល់ជូនការសិក្សាថ្នាក់បណ្ឌិតស្រាវជ្រាវ..

អាហារូបករណ៍ថ្នាក់បរិញ្ញាបត្រជាន់ខ្ពស់ជំនាញបច្ចេកវិទ្យាឌីជីថលចំនួន១០០កន្លែងសម្រាប់ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 02/12/2024

តាមរយៈក្រសួងប្រៃសណីយ និងទូរគមនាគមន៍ (ក.ប.ទ) ប្រកាសជ្រើសរើសសិស្សនិស្សិត និងសាធារណជនចូលសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ចំនួន១០០នាក់ ដើម្បីសិក្សាលើជំនាញបច្ចេកវិទ្យាឌីជីថល នៅបណ្ឌិត្យសភាបច្ចេកវិទ្យាឌីជីថលកម្ពុជា...

អាហារូបករណ៍ថ្នាក់បរិញ្ញាបត្រ បរិញ្ញាបត្ររង ១០០% នៅសាកលវិទ្យាល័យ IIC និងវិទ្យាស្ថាន ITI

ព័ត៌មានអាហារូបករណ៍, ព្រឹត្តិការណ៍

• 14/11/2025

ជាឱកាសសម្រាប់សិស្សានុសិស្សដែលបញ្ចប់ថ្នាក់ទី១២ ហើយកំពុងស្វែងរកអាហារូបករណ៍សម្រាប់ការសិក្សាថ្នាក់បរិញ្ញាបត្រ និងថ្នាក់បរិញ្ញាបត្ររង។ សម្ពន្ធយុវជនអាហារូបករណ៍ (ស២) បានប្រកាសពីការផ្តល់...

វិទ្យាស្ថានពហុបច្ចេកទេសខេត្តបន្ទាយមានជ័យ ផ្តល់ការបណ្តុះបណ្តាលជំនាញបច្ចេកទេសឥតគិតថ្លៃចំនួន ១២៦០កន្លែង

ព័ត៌មានអាហារូបករណ៍, ព្រឹត្តិការណ៍

• 23/09/2024

សម្រាប់បងប្អូនប្រជាពលរដ្ឋ យុវជន យុវនារី កម្មករ កម្មការិនី និងជនសំណាកស្រុក ដែលមកពីគ្រួសារក្រីក្រ គ្រួសារងាយរងហានិភ័យ ដែលចង់ទទួលបានជំនាញមួយពិតប្រាកដសម្រាប់ជីវិត ពេលនេះវិទ្យាស្ថានពហុបច្ចេកទេសខេត្តបន្ទាយមានជ័យ...

វិទ្យាស្ថានតេជោសែនសាធារណការ និងដឹកជញ្ជូនផ្ដល់អាហារូបករណ៍១០០%ចំនួន៥០កន្លែង

ព័ត៌មានអាហារូបករណ៍, ព្រឹត្តិការណ៍

• 04/01/2023

ឱកាសសិក្សានៅអាហារូបករណ៍១០០%នៅវិទ្យាស្ថានតេជោសែន សាធារណការ និងដឹកជញ្ជូនផ្ដល់ចំនួន៥០កន្លែងសម្រាប់ឆ្នាំសិក្សា២០២៣ ។...

អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Beijing Normal ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 17/01/2025

សាកលវិទ្យាល័យភូមិន្ទភ្នំពេញ បានប្រកាសដំណឹងអំពីការជ្រើសរើសនិស្សិតទៅសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ នៅសាកលវិទ្យាល័យប៉េកាំង (Beijing Normal Universty) នាសាខា Zhuhai នៃសាធារណរដ្ឋប្រជាមានិតចិន ឆ្នាំសិក្សា២០២៥។