ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ជាការចូលរួមចំណែកជាមួយរាជរដ្ឋាភិបាលក្នុងការលើកកម្ពស់វិស័យអប់រំ និងបណ្តុះបណ្តាលធនធានមនុស្ស នៃព្រះរាជាណាចក្រកម្ពុជា ក្នុងឆ្នាំសិក្សា២០២៤-២០២៥ សហភាពសហព័ន្ធយុវជនកម្ពុជារាជធានីភ្នំពេញ (ស.ស.យ.ក. រាជធានីភ្នំពេញ) ក្រោមកិច្ចសហប្រតិបត្តិការជាមួយវិទ្យាស្ថានខ្មែរជំនាន់ថ្មី ផ្តល់ជូនអាហារូបករណ៍ថ្នាក់បរិញ្ញាបត្រជាន់ខ្ពស់ (អនុបណ្ឌិត) ចំនួន៣០កន្លែង ថ្នាក់បរិញ្ញាបត្រ និងថ្នាក់បរិញ្ញាបត្ររង ចំនួន២០០កន្លែង ដល់សិស្ស និស្សិត និងយុវជនដែលមានបំណងបន្តការសិក្សា និងអភិវឌ្ឍសមត្ថភាពបន្ថែម។
ជំនាញឯកទេសដែលត្រូវផ្តល់ជូនរួមមាន ៖ ថ្នាក់បរិញ្ញាបត្រជាន់ខ្ពស់ សិក្សារយៈពេល២ឆ្នាំ រួមមាន វិទ្យាសាស្រ្តអប់រំ និង រដ្ឋបាលសាធារណៈ ។ ម៉ោងសិក្សា គឺថ្ងៃសៅរ៍-អាទិត្យ។
ជំនាញឯកទេសសម្រាប់ថ្នាក់បរិញ្ញាបត្ររង និងថ្នាក់បរិញ្ញាបត្រ ៖ អក្សរសាស្រ្តអង់គ្លេស, នីតិសាស្រ្ត, រដ្ឋបាលសាធារណៈ, វិទ្យាសាស្រ្តកុំព្យូទ័រ, គ្រប់គ្រង, គណនេយ្យ, ទីផ្សារ, ធនាគារ និងហិរញ្ញវត្ថុ, ទេសចរណ៍, សេដ្ឋកិច្ច។
លក្ខខណ្ឌនៃការជ្រើសរើស ៖ អាហារូបករណ៍សម្រាប់សិស្សានុសិស្ស និស្សិត និងយុវជន ជាអាទិភាពសម្រាប់បេក្ខជនដែលមានជីវភាពខ្វះខាត, បេក្ខជនត្រូវមានសញ្ញាបត្របរិញ្ញាបត្រ ឬឯកសារបញ្ជាក់ដែលមានតម្លៃស្មើ សម្រាប់សិក្សាថ្នាក់បរិញ្ញាបត្រជាន់ខ្ពស់, បេក្ខជនត្រូវមានសញ្ញាបត្រមធ្យមសិក្សាទុតិយភូមិ (BacII) ឬឯកសារបញ្ជាក់ដែលមានតម្លៃស្មើ សម្រាប់សិក្សាថ្នាក់បរិញ្ញាបត្រ និងបរិញ្ញាបត្ររង, បេក្ខជនត្រូវឆ្លងកាត់ការប្រកួតប្រជែងជ្រើសរើស ដែលរៀបចំដោយក្រុមការងារកម្មវិធីសាបព្រោះគ្រាប់ពូជ នៃសហភាពសហព័ន្ធយុវជនកម្ពុជារាជធានីភ្នំពេញ។
កាលបរិច្ឆេទនៃការទទួលពាក្យ ៖ បេក្ខជនត្រូវស្នើសុំ និងបំពេញទម្រង់បែបបទស្នើសុំអាហារូបករណ៍ ចាប់ពីថ្ងៃជូនដំណឹងនេះ រហូតដល់ថ្ងៃទី៣១ ខែមករា ឆ្នាំ២០២៥ ជាកំហិត។
បេក្ខជនដែលមានចំណាប់អារម្មណ៍ សូមទាញយកសំណុំឯកសារស្នើសុំរបស់ ស.ស.យ.ក. រាជធានីភ្នំពេញ តាមរយៈតំណភ្ជាប់នេះ ដើម្បីបំពេញ បន្ទាប់មក Upload ឯកសារទាំងអស់ តាមរយៈតំណភ្ជាប់ ៖ https://forms.gle/QBYqofLjYTnXzpP47 ៕
