រកឃើញបេក្ខជន៤ក្រុម បន្តទៅវគ្គផ្ដាច់ព្រ័ត្រក្នុងកម្មវិធីប្រកួតវោហារស័ព្ទស្ដីពីការលុបបំបាត់បារីអេឡិចត្រូនិក

ភ្នំពេញ – នៅក្នុងកម្មវិធីប្រកួតវោហារស័ព្ទ វគ្គពាក់កណ្ដាលផ្ដាច់ព្រ័ត្រ ក្រោម​ប្រធានបទ “ការលុបបំបាត់ការប្រើប្រាស់បារីអេឡិចត្រូនិក និងផលិតផលអេចឈិ៍ធីភី ដើម្បីលើកកម្ពស់សុខភាពសិក្សា” ដែលរៀបចំដោយក្រសួងអប់រំ យុវជន និងកីឡា កាលពីដើមស​ប្តាហ៍នេះ គេបានរកឃើញ​ក្រុម​ជ័យលាភីចំនួន៤ ដែល​នឹង​បន្តទៅប្រកួតវគ្គផ្ដាច់ព្រ័ត្រ ដែលនឹងប្រព្រឹត្តទៅនៅថ្ងៃទី០១ ខែមីនា ឆ្នាំ២០២៣ខាងមុខ ។ កម្មវិធីប្រកួតវោហារស័ព្ទនេះ ធ្វើឡើងក្នុងគោលបំណង ផ្ដល់ឱកាសឱ្យយុវជនបញ្ចេញសមត្ថភាពប្រកួតវោហារស័ព្ទជាក្រុម និងលើកកម្ពស់ការសិក្សាស្រាវជ្រាវ សីលធម៌នៃការជជែកជាសាធារណៈ និងលើកកម្ពស់សុខភាពសិក្សា។

ក្រុម​បេក្ខជនដែលនឹងបន្តទៅវគ្គផ្ដាច់ព្រ័ត្រ រួមមាន ក្រុមទី១ មក​ពី​សាលារៀនអន្តរទ្វីបអាមេរិកកាំង រួមមានបេក្ខជន ឆន ឈុនហ៊ាង, បេក្ខនារី ពន្លឺ នាងពណ្ណរី, បេក្ខជន លី ប៉ាវឡុង, ក្រុមទី២. ក្រុមអមរា រួមមាន បេក្ខនារី ហាន ស្រីល័ក្ខ, បេក្ខនារី ជីវ លីលី, បេក្ខនារី ប៉ា លីហេង, ក្រុម​ទី៣ មក​ពីវិទ្យាល័យហ៊ុន សែនត្រពាំងឬស្សី រួមមាន បេក្ខនារី មឿន សុវណ្ណារី, បេក្ខនារី ហុង មុទិតា និងក្រុមទី៤ មក​ពីសាកលវិទ្យាល័យស្វាយរៀង រួមមាន បេក្ខនារី ផូ ម៉ារី, បេក្ខនារី អ៊ុក សារ៉ែន, បេក្ខជន អ៊ាន សាវន។

លោកជំទាវ សឿន សុជាតា អនុរដ្ឋលេខាធិការក្រសួងអប់រំ យុវជន និងកីឡា មានប្រសាសន៍ដោយ​បាន​កោតសរសើរចំពោះសមត្ថភាព ក៏ដូចជាការចូលរួមរបស់យុវជន នឹងបានផ្ដល់អនុសាសន៍ដល់ក្រុមបេក្ខជនដែលបានចូលរួមប្រកួតត្រូវប្រើប្រាស់វោហារស័ព្ទនៃការបន្លឺសំឡេងឱ្យបានច្បាស់លាស់ ព្រមទាំងដកស្រង់ខ្លឹមសាររបស់រាជរដ្ឋាភិបាល ក្រសួងពាក់ព័ន្ធ អង្គការសុខភាពពិភពលោក ដោយ​ត្រូវអានឱ្យបានច្បាស់។ លោកជំទាវបន្តថា ការប្រកួតមិនមែនលើកឡើងតែរបាយការណ៍ប៉ុណ្ណោះទេ ប៉ុន្តែក៏​ជាការចូលរួមក្នុងនាមជាយុវជនមានវិធានការ ឬអនុសាសន៍បែបណាក្នុងការដោះស្រាយបញ្ហាប្រឈមឆ្លើយតបនឹងប្រធានបទ។

បេក្ខនារី ផូ ម៉ារី ជានិស្សិត នៃសាកលវិទ្យាល័យស្វាយរៀង ដែលបានចូលរួម​ប្រកួត​បាននិយាយថា បារីអេឡិចត្រូនិច និងផលិតផលអេចឈិ៍ធីភី ផ្ដល់ផលប៉ះពាល់ដល់អ្នកដែលប្រើប្រាស់ផ្ទាល់ និងអ្នកដែលនៅជុំវិញខ្លួន ជាពិសេសអ្នកប្រើប្រាស់បារីអេឡិចត្រូវនិចត្រឹមតែកន្លះម៉ោង អាចស្មើនឹងអ្នកជក់បារីធម្មតារហូតដល់ទៅ ១២០ដើម និងបណ្ដាលឱ្យស្លាប់បាត់បង់ជីវិតទៀតផង។ លើសពីនេះ បារីអេឡិចត្រូវនិច ក៏​ផ្ដល់ប៉ះពាល់ដល់បរិស្ថាន សេដ្ឋកិច្ចគ្រួសារ ដែលនឹងក្លាយជាបន្ទុករបស់គ្រួសារ និងជាបន្ទុករបស់សង្គមជាតិ។

បេក្ខនារី ផូ ម៉ារី

“ខ្ញុំចូលរួមកម្មវិធីប្រកួតវោហារស័ព្ទនេះ ដោយសារខ្ញុំចង់ចូលរួមជាផ្នែកមួយជួយផ្សព្វផ្សាយឱ្យយុវជន ក៏ដូចជាអ្នកធ្លាប់ប្រើប្រាស់ហើយឱ្យពួកគាត់ឈប់ប្រើប្រាស់បារីអេឡិចត្រូវនិច ព្រោះវាបង្កផលប៉ះពាល់ដល់សុខភាពយុវជន និងចង់លុបបំបាត់បារីអេឡិចត្រូវនិចនេះមិនឱ្យមានលក់លើទីផ្សារ”

ដើម្បីបង្ការយុវជនពីការអូសទាញឱ្យប្រើប្រាស់ផលិតផលដ៏គ្រោះថ្នាក់នេះ ក្រុមបេក្ខជនដែលចូលរួមប្រកួតបានស្នើសុំឱ្យអាជ្ញាធរពាក់ព័ន្ធបញ្ឈប់ការនាំចូល ការចែកចាយលក់ និងការផ្សព្វផ្សាយផលិតផលនេះ ជាពិសេសលុបបំបាត់ការផ្សព្វផ្សាយតាមប្រព័ន្ធបណ្ដាញសង្គម។ តាមរបាយការណ៍របស់មជ្ឈមណ្ឌលបង្ការ និងគ្រប់គ្រងជំងឺរបស់សហរដ្ឋអាមេរិក (CDC) បានបង្ហាញថា បារីអេឡិចត្រូនិកមានផ្ទុកសាធាតុបង្កគ្រោះថ្នាក់ជាច្រើន ដែលអាចបង្កឱ្យមានជំងឺផ្លូរដង្ហើមរ៉ាំរ៉ៃ មិនតែប៉ុណ្ណោះ បារីអេឡិចត្រូនិកក៏មានផ្ទុកនីកូទីន ដែលជាសារធាតុញៀន ហើយធ្វើឱ្យប៉ះពាល់ដល់ការអភិវឌ្ឍខួរក្បាលរបស់មនុស្សវ័យក្មេង។ ម៉្យាងទៀត វាមិនមែនជាឧបករណ៍សម្រាប់ផ្ដាច់បារីនោះទេ ផ្ទុយទៅវិញវាជាឧបករណ៍ដែលនាំឱ្យមនុស្សវ័យក្មេងមិនធ្លាប់ប្រើប្រាស់បារីសោះ ឱ្យឈានទៅរកការប្រើប្រាស់បារី ព្រមទាំងអាចនាំឱ្យអ្នកប្រើប្រាស់បារីអេឡិត្រូនិកឈានទៅប្រើប្រាស់គ្រឿងញៀនផ្សេងៗទៀត៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱ​កាស​សម្រាប់​សិស្ស​វិទ្យាល័យ​! ​កម្មវិធី​ ​«​ក្លឹប​សហគ្រិន​វិទ្យាល័យ​» ​បើក​ទទួល​ពាក្យ​ ​ដើម្បី​បណ្តុះ​ជំនាញ​អាជីវកម្ម​ ​និង​ភាព​ជា​អ្នកដឹកនាំ​តាម​អនឡាញ​

ព័ត៌មានអាហារូបករណ៍, ព្រឹត្តិការណ៍

• 26/06/2026

ដើម្បីចូលរួមចំណែកក្នុងការជំរុញ និងអភិវឌ្ឍសមត្ថភាពយុវជនកម្ពុជាឱ្យកាន់តែមានភាពច្នៃប្រឌិត និងទាន់សម័យកាល ពេលនេះកម្មវិធី «ក្លឹបសហគ្រិនវិទ្យាល័យ» បានប្រកាសបើកទទួលពាក្យចូលរួមពីសិស្សានុសិស្សទូទាំងប្រទេស...

ឱកាស​អាហារូបករណ៍ ៥០កន្លែង​សម្រាប់​និស្សិត​កម្ពុជា ទៅបន្តការសិក្សា​នៅ​ប្រទេស​ចិន តាមរយៈ​កម្មវិធី 2025-Skilk Road Program

ព័ត៌មានអាហារូបករណ៍, ព្រឹត្តិការណ៍

• 13/05/2025

ក្រោម​កិច្ច​សហការ​រវាង​សមាគមនិស្សិត​កម្ពុជា​ប្រចាំ​សាធារណរដ្ឋ​ប្រជាមានិតចិន និង​សាកលវិទ្យាល័យ​មួយចំនួន​នៅ​ប្រទេស​ចិន សមាគមបាន​ប្រកាស​ពី​ការផ្តល់​អាហារូបករណ៍​ថ្នាក់បរិញ្ញាបត្រ និង​បរិញ្ញាបត្រជាន់ខ្ពស់​ចំនួន៥០កន្លែង ដែលជា​ប្រភេទ​អាហារូបករណ៍​...

ក្រសួងអប់រំប្រកាសប្រឡង​ជ្រើសរើសនិស្សិតអាហារូបករណ៍​ទៅ​សិក្សា​នៅ​ប្រទេសឡាវ

ព័ត៌មានអាហារូបករណ៍, ព្រឹត្តិការណ៍

• 12/05/2023

ភ្នំពេញ - ក្រោមកិច្ចព្រមព្រៀងរវាងក្រសួងអប់រំ យុវជន និងកីឡា នៃព្រះរាជាណាចក្រកម្ពុជា និងក្រសួងអប់រំ និងកីឡា នៃសាធារណរដ្ឋប្រជាធិបតេយ្យប្រជាមានិតឡាវ...

វិទ្យាស្ថានពហុបច្ចេកទេស​ខេត្តកំពង់ឆ្នាំង ផ្តល់អាហារូបករណ៍​រៀនជំនាញបច្ចេកទេស ៦៥៥នាក់ សម្រាប់ឆ្នាំសិក្សា​២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 28/11/2024

ជាឱកាស​សម្រាប់​សិស្សដែល​ទើបប្រឡងបាក់ឌុបរួច ក៏​ដូចជាយុវជន​ចង់ស្វែង​រកជំនាញប្រចាំជីវិត សម្រាប់ឆ្នាំ​សិក្សា​២០២៤-២០២៥នេះ វិទ្យាស្ថានពហុបច្ចេកទេស​ខេត្តកំពង់ឆ្នាំង បានប្រកាស​ពីការ​ផ្តល់អាហារូបករណ៍​សិក្សា​ជំនាញ​បច្ចេកទេស និង​វិជ្ជាជីវៈ​ឥតគិតថ្លៃ...

អាហារូបករណ៍​ទេពកោសល្យស្ទែម ចំនួន១០កន្លែង​នៅ​សាកលវិទ្យាល័យ CamTech

ព័ត៌មានអាហារូបករណ៍, ព្រឹត្តិការណ៍

• 20/08/2025

សម្រាប់សិស្សានុសិស្ស​ដែល​ចាប់អារម្មណ៍​ក្នុងការ​បន្ត​ការ​សិក្សា​នៅ​សាកលវិទ្យាល័យ​ទៅ​លើជំនាញស្ទែម ពេលនេះ សាកលវិទ្យាល័យ CamTech បានប្រកាស​ពីអាហារូបករណ៍​ទេពកោសល្យ​ស្ទែម របស់ឯកឧត្តមបណ្ឌិតសភាចារ្យ ហង់ជួន ណារ៉ុន...

អាហារូបករណ៍កម្រិតសញ្ញាបត្រ​ជាន់ខ្ពស់​បច្ចេកទេស នៅ​ប្រទេស​វៀតណាម សម្រាប់សិស្ស​ជាប់បាក់ឌុប​ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 08/09/2025

សាលា Thai Nguyen College នៃប្រទេស​វៀតណាម នឹងផ្តល់អាហារូបករណ៍​កម្រិត​សញ្ញាបត្រ​ជាន់ខ្ពស់​បច្ចេកទេស សិក្សា​រយៈពេល៤ឆ្នាំ ដល់​សិស្ស​កម្ពុជា​ចំនួន ៧២កន្លែង។

អាហារូបករណ៍​ចូលសិក្សា​វគ្គ​បណ្តុះបណ្តាល​ជំនាញអប់រំ​ភាសាកូរ៉េ នៅ​សាកលវិទ្យាល័យ​ភូមិន្ទភ្នំពេញ

ព័ត៌មានអាហារូបករណ៍, ព្រឹត្តិការណ៍

• 24/07/2025

សាកលវិទ្យាល័យភូមិន្ទភ្នំពេញ បានប្រកាស​ដល់​និស្សិត​ដែល​កំពុង​សិក្សា​ថ្នាក់បរិញ្ញាបត្រ ឬ​បញ្ចប់ការសិក្សា​ថ្នាក់​បរិញ្ញាបត្រ​ភាសាកូរ៉េ នៅ​សាកលវិទ្យាល័យ​ភូមិន្ទភ្នំពេញ និង​គ្រប់ស្ថាប័នទាំងអស់ថា សាកលវិទ្យាល័យ​នឹងផ្តល់អាហារូបករណ៍​ចំនួន១៥កន្លែង...

ឱកាសសិក្សាថ្នាក់ Online ឥតគិតថ្លៃពី UNICEF Online Courses 2023

ព័ត៌មានអាហារូបករណ៍, ព្រឹត្តិការណ៍

• 06/06/2023

កម្មវិធីសិក្សាឥតគិតថ្លៃពី UNICEF online Course 2023 បើកទទួលនិស្សិតអន្តជាតិគ្រប់ជាតិសាសន៍សិក្សាដោយឥតគិតថ្លៃចំនួន១១៥៤វគ្គសិក្សា។ អាហារូបករណ៍ក៏មានផ្ដល់លិខិតបញ្ជាក់...

រដ្ឋាភិបាល​ឆែក ​ប្រកាស​ផ្ដល់​អាហារូបករណ៍​ថ្នាក់​អនុ​បណ្ឌិត ​និង​បណ្ឌិត ​ដល់​និស្សិត​កម្ពុជា​ ​សម្រាប់​ឆ្នាំ​សិក្សា​ ​២០​២៧​–​២០២៨

ព័ត៌មានអាហារូបករណ៍, ព្រឹត្តិការណ៍

• 25/08/2026

​រដ្ឋាភិបាល​នៃ​សាធារណរដ្ឋ​ឆែក ​បាន​ប្រកាស​ពី​ការ​បើក​ទទួល​ពាក្យ​ស្នើសុំ​អាហារូបករណ៍​ជា​ផ្លូវការ​សម្រាប់​ឆ្នាំ​សិក្សា​ ​២០​២៧​–​២០២៨ ​ដល់​និស្សិត​កម្ពុជា​ដែល​មាន​បំណង​បន្ត​ការ​សិក្សា​ថ្នាក់​ឧត្តម​សិក្សា​...