រយៈពេល៥ឆ្នាំ សិស្ស និស្សិត និងកម្មករនិយោជិត៣០ម៉ឺននាក់ ទទួលបានការបណ្តុះបណ្តាលជំនាញ TVET

ភ្នំពេញ – គិតត្រឹម​រយៈពេល៥ឆ្នាំចុងក្រោយនេះ មានសិក្ខាកាម សិស្ស និស្សិត និង​កម្មករនិយោជិត​ប្រមាណ​៣០ម៉ឺននាក់ បានទទួល​ការ​បណ្តុះបណ្តាល និង​បញ្ចប់ការសិក្សាដោយ​ជោគជ័យក្នុងការ​ទទួល​បានជំនាញថ្មី និង​លើក​កម្ពស់​ជំនាញរបស់ខ្លួន ដោយ​បានចាប់​យកឱកាស​ការងារល្អៗ ក៏​ដូចជា​បង្កើតមុខរបរដោយខ្លួន​ឯង ក្នុង​ការ​បង្កើន​ប្រាក់ចំណូលក្នុងគ្រួសារ និង​ជួយ​លើក​ស្ទួយសេដ្ឋកិច្ច​ជាតិ។

ក្នុងនោះដែរ បើតាមប្រសាសន៍របស់ ឯកឧត្តមបណ្ឌិត ហ៊ីង ស៊ីដេត ប្រតិភូរាជរដ្ឋាភិបាលទទួល​បន្ទុក​ជាអគ្គនាយកអប់រំបណ្តុះបណ្តាលបច្ចេកទេស និងវិជ្ជាជីវៈ ក្នុងឱកាសទិវាជាតិអប់រំបណ្តុះបណ្តាល​បច្ចេកទេស និងវិជ្ជាជីវៈ លើកទី៦ ឆ្នាំ​២០២៣ បានបញ្ជាក់ថា បច្ចុប្បន្នកម្ពុជា​មានគ្រឹះស្ថាន​បណ្តុះបណ្តាល​ជំនាញបច្ចេកទេស និងវិជ្ជាជីវៈ (TVET) សរុបចំនួន ៣២៥គ្រឹះស្ថាន ក្នុងនោះ​ក្រោម​ឱវាទ​ក្រសួងការងារ និង​បណ្តុះបណ្តាលវិជ្ជាជីវៈចំនួន ១៩៩, គ្រឹះស្ថានសាធារណៈចំនួន ៣៧ ឯកជនចំនួន ១៤១ និងអង្គការសមាគមចំនួន២១។

គិតត្រឹម​ឆ្នាំ​២០២២ គ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈ សាធារណៈ​មានសរុបចំនួន ៣៧ ដែលមានអគារចំនួន ១៩៧, បន្ទប់សិក្សាចំនួន ៧០៤, រោងជាង/ទីពិសោធន៍​ចំនួន ២៣៥ និងអន្តេរវាសិកដ្ឋានចំនួន ៣៧។

សម្រាប់គ្រូបច្ចេកទេស គ្រូជាប់កិច្ចសន្យា និង​ជំនាញការ ក្នុងការបណ្តុះបណ្តាល TVET មានសរុបចំនួន ៤៩១៤នាក់ ក្នុងនោះក្របខណ្ឌ​ចំនួន ២២៥៥នាក់ និងគ្រូជាប់កិច្ចសន្យា និង​ជំនាញការចំនួន ២៦៥៩នាក់។ ជាមួយគ្នានេះ ក្រសួងក៏បានបន្ត​អភិវឌ្ឍកញ្ចប់ស្តង់ដាបណ្តុះបណ្តាលផ្អែកលើសមត្ថភាពបានចំនួន ១៦៨គុណវុឌ្ឍិ លើ៧០មុខរបរ តាមក្របខណ្ឌគុណវុឌ្ឍិជាតិកម្ពុជាពីកម្រិត១ ដល់កម្រិត​៥ នៃវិស័យសំណង់, មេកានិក, អគ្គិសនី និងថាមពល, អេឡិចត្រូនិក, កម្មន្តសាល, បរិក្ខាត្រជាក់ និង​កម្តៅ, សេវាកម្មធុរកិច្ច និង​ព័ត៌មានវិទ្យា, សក់ និង​សម្រស់ និង​វាយនភ័ណ្ឌ។

គួរ​ជំរាបជូនថា នៅថ្ងៃទី១៥-១៦ ខែមិថុនា ឆ្នាំ​២០២៣នេះ គឺជាទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ ដែលរៀបចំធ្វើ​ឡើង​នៅ​មជ្ឈមណ្ឌលពិពរណ៍កោះពេជ្រ ដោយ​ឆ្នាំនេះ​ប្រព្រឹត្ត​ឡើងក្រោមប្រធានបទ «TVET ផ្តល់ជំនាញ និង​ការងារសមរម្យ»។ ទិវាជាតិនេះ ត្រូវ​បាន​ប្រារព្ធធ្វើ​ឡើង​ក្នុង​គោល​បំណង​លើក​កម្ពស់​ការ​អប់រំ​បណ្តុះបណ្តាល​បច្ចេកទេស និង​វិជ្ជាជីវៈ និង​ធ្វើការ​ផ្សព្វផ្សាយ​ទៅ​ដល់​សិស្សានុសិស្ស និស្សិត យុវជន មាតាបិតា អាណាព្យាបាល សហគមន៍ កម្មករនិយោជិត និយោជក និង​ផ្នែក​ឯកជន ព្រមទាំង​សាធារណជន​ឱ្យ​បានយល់ដឹងកាន់តែច្បាស់​អំពីសារៈសំខាន់ នៃការ​អប់រំ​បណ្តុះបណ្តាល​បច្ចេកទេស និង​វិជ្ជាជីវៈ ក្នុងការ​អភិវឌ្ឍកម្លាំង​ពលកម្មជំនាញ​ប្រកបដោយ​គុណភាព និង​ប្រសិទ្ធភាព ដើម្បីឆ្លើយតបទៅ​នឹងតម្រូវការទីផ្សារ​ការងារទាំងនៅក្នុងប្រទេស និង​ក្រៅប្រទេស៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍សិក្សាថ្នាក់បរិញ្ញាបត្រ និង​បរិញ្ញាបត្រជាន់ខ្ពស់ នៅប្រទេសឥណ្ឌូនេស៊ី

ព័ត៌មានអាហារូបករណ៍, ព្រឹត្តិការណ៍

• 22/01/2026

សាកលវិទ្យាល័យ Muhammadiyah Purwokerto (UMP) ប្រកាសជ្រើសរើសនិស្សិតអន្តរជាតិឱ្យចូលរៀនក្នុងកម្មវិធីសិក្សាថ្នាក់បរិញ្ញាបត្រ និង​ថ្នាក់បរិញ្ញាបត្រ​ជាន់ខ្ពស់ សម្រាប់ឆ្នាំសិក្សា២០២៦...

ឱកាសសិក្សាអាហារូបករណ៍ថ្នាក់បរិញ្ញាបត្រគ្រប់គ្រងពាណិជ្ជកម្មអន្តរជាតិ នៅវិទ្យាស្ថានស៊ីអ៊ីអូ ១០០កន្លែង

ព័ត៌មានអាហារូបករណ៍, ព្រឹត្តិការណ៍

• 14/09/2023

ឱកាសសិក្សាអាហារូបករណ៍ថ្នាក់បរិញ្ញាបត្រគ្រប់គ្រងពាណិជ្ជកម្មអន្តរជាតិពីវិទ្យាស្ថានស៊ីអ៉ីអូចំនួន១០០ កន្លែងសម្រាប់សិស្សានុសិស្សកំពុងត្រៀមបញ្ចប់ថ្នាក់ទី១២ និងនិស្សិត...

ឱកាសសិក្សាជំនាញ AI ពីកម្មវិធី Google Course Artificial Intelligence 2024 តាមរយៈ Online

ព័ត៌មានអាហារូបករណ៍, ព្រឹត្តិការណ៍

• 01/02/2024

កម្មវិធី Google Course Artificial Intelligence 2024 ផ្ដល់ការសិក្សាអំពី Artificial Intelligence(AI) សម្រាប់ឆ្នាំសិក្សា២០២៤ ។ ការសិក្សាវគ្គខ្លីនេះផ្ដល់...

ឱកាសផ្លាស់ប្ដូរការសិក្សាពីកម្មវិធីអាហារូបករណ៍ Hurford Youth Fellowship 2025 នៅសហរដ្ឋអាមេរិក

ព័ត៌មានអាហារូបករណ៍, ព្រឹត្តិការណ៍

• 08/07/2024

ឱកាសផ្លាស់ប្ដូរការសិក្សាសម្រាប់និស្សិតអន្តរជាតិពីកម្មវីធីអាហារូបករណ៍ Hurford Youth Fellowship 2025 នៅសហរដ្ឋអាមេរិក។ កម្មវិធីផ្លាស់ប្ដូរការ...

ឱកាសផ្លាស់ប្ដូរការសិក្សា៨សប្ដាហ៍នៅសាកលវិទ្យាល័យក្យូតូ ប្រទេសជប៉ុនឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 12/12/2024

ឱកាសទទួលបានការផ្លាស់ប្ដូរការសិក្សានៅសាកលវិទ្យាល័យក្យូតូ នាប្រទេសជប៉ុនក្នុងឆ្នាំសិក្សា២០២៥ ពីកម្មវិធីអាហារូបករណ៍ 2025 Kyoto University Amgen Scholars Program។ កម្មវិធីផ្លាស់ប្ដូរការសិក្សាមានរយៈពេល៨សប្ដាហ៍...

ឱកាសអាហារូបករណ៍សិក្សានៅប្រទេសអូស្ត្រាលី ពី Macquarie University International Scholarship សម្រាប់និស្សិត​ពីតំបន់អាស៊ាន

ព័ត៌មានអាហារូបករណ៍, ព្រឹត្តិការណ៍

• 30/12/2025

សាកលវិទ្យាល័យ Macquarie ដែលជាគ្រឹះស្ថានសិក្សាលំដាប់ថ្នាក់អន្តរជាតិមួយក្នុងប្រទេសអូស្ត្រាលី កំពុងប្រកាសផ្តល់អាហារូបករណ៍ Vice-Chancellor's International Scholarship សម្រាប់និស្សិតឆ្នើមមកពីបណ្តា...

អាហារូបករណ៍ថ្នាក់បរិញ្ញាបត្រ​៦០កន្លែង​នៅ​សាកលវិទ្យាល័យ​ភូមិន្ទវិចិត្រ​សិល្បៈ​ ឆ្នាំសិក្សា​២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 08/11/2024

ដើម្បីគាំទ្រ និងបន្តលើកស្ទួយវិស័យអប់រំ សម្ដេចអគ្គមហាសេនាបតីតេជោ ហ៊ុន សែន និងសម្តេច​គតិព្រឹទ្ធបណ្ឌិត ផ្ដល់អាហារូបករណ៍​ថ្នាក់​បរិញ្ញាបត្រ​ចំនួន​៦០កន្លែង សិក្សានៅសាកលវិទ្យាល័យភូមិន្ទវិចិត្រសិល្បៈ សម្រាប់សិក្សា២០២៤-២០២៥។

អាហារូបករណ៍ថ្នាក់ឧត្ដមសិក្សាពីកម្មវិធីអាហារូបករណ៍រដ្ឋាភិបាល Hubei

ព័ត៌មានអាហារូបករណ៍, ព្រឹត្តិការណ៍

• 12/05/2025

កម្មវិធីអាហារូបករណ៍រដ្ឋាភិបាល Hubei ប្រកាសផ្ដល់អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Hubei សាកលវិទ្យាល័យវិទ្យាសាស្ត្រ និងបច្ចេកវិទ្យា Huazhong និង សាកលវិទ្យាល័យភូមិសាស្ត្រចិន បានប្រកាស​ផ្តល់អាហារូបករណ៍...

អាហារូបករណ៍ជំនាញបច្ចេកទេស និងវិជ្ជាជីវៈ១ នៅវិទ្យាស្ថានជាតិពហុបច្ចេកទេសតេជោសែន

ព័ត៌មានអាហារូបករណ៍, ព្រឹត្តិការណ៍

• 18/02/2025

វិទ្យាស្ថានជាតិពហុបច្ចេកទេសតេជោសែន កំពុងប្រកាសជ្រើសរើស សិស្ស និងសាធារណជនទៅរៀនជំនាញបច្ចេកទេស និងវិជ្ជាជីវៈ ជាច្រើនកន្លែងសម្រាប់ថ្នាំសិក្សាថ្មី ក្នុងកម្រិតសញ្ញាបត្របច្ចេកទេស និងវិជ្ជាជីវៈ១ ។