បាត់ដំបង ៖ កម្មវិធី «អ៊ីនធឺប្រាយ បាត់ដំបង ស្តាតធឺ រដូវកាលទី៦ (Enterprise Battambang Starter)» បានរៀបចំការប្រកួត គំរូធុរកិច្ចថ្មីនៅថ្ងៃទី ១ កុម្ភៈ ឆ្នាំ២០២៥ ក្នុងទីតាំងសណ្ឋាគាប្រេស៊ីដង់ ចាប់ពីម៉ោង ៧ៈ០០ ព្រឹក ដល់ ១២ៈ០០រសៀល ដែលក្រុមអាជីវកម្មថ្មីចំនួន ៩ បានធ្វើបទបង្ហាញប្រកួតប្រជែងគំនិតអាជីវកម្ម ដែលមានវាយតម្លៃពីគណៈកម្មការជំនាញចំនួន ៣ រូប ជាមួយគ្នានេះក៏មានការតាំងពិព័រណ៍ផលិតផលពីក្រុម អាជីវកម្មដែល ជាអតីតអ្នក ចូលរួមកម្មវិធី នៃ រដូវកាលទី ១, ២, ៣, ៤, ៥ ផងដែរ ។ និងមានការអញ្ញើញចូលរួមពីតំណាងមន្ទីឧស្សាហកម្ម បច្ចេកវិទ្យា វិទ្យាសាស្ត្រ និងនវានុវត្ត, តំណាងពី សហគ្រិនខ្មែរ, តំណាងពីអង្គការ វី អេស អូ ប្រទេសកម្ពុជា, តំណាងពី Impact Hub Phnom Penh, សហគ្រិន និង សិស្ស និសិត្សជាច្រើនទៀត។

សហគ្រិនខ្មែរ បានសហការជាមួយ ភូមិអ៉ីមផេក និង Impact Hub Phnom Penh បានរួមគ្នាបង្កើតកម្មវិធី «អ៊ីនធឺប្រាយ បាត់ដំបង ស្តាតធឺ» ដោយរួម ឧបត្ថម្ភដោយអង្គការ វី អេស អូ ប្រចាំប្រទេសកម្ពុជា។ ដែលត្រូវបានចាប់ផ្តើមទាំងពីឆ្នាំ ២០២០មកដែលបញ្ចាប់ដោយជោគជ័យចំនួន ៧ វគ្គ អាជីវកម្មថ្មីចំនួន ៤៩បានបញ្ចប់វគ្គបណ្តុះបណ្តាល មានការចូលរួមពីប្រឹក្សាយោបល់ជំនាញចំនួន ៣១ រូប និងដំណើរទស្សនៈកិច្ចចំនួន ៩ សហគ្រាស។

កម្មវិធីភ្ញាស់គំនិតអាជីវកម្មជាភាសាខ្មែរដែលមានរយៈពេល៣ខែ ដែលអ្នកសិក្សាយកផលិតផលរបស់ពួកគេ សាកល្បងជាមួយទីផ្សារជាក់ស្តែងហើយកសាងគំនិតអាជីវកម្មរបស់ពួកគេទៅជាផែនការអាជីវកម្មដោយមានការណែ នាំពីជំហានលំអិតនីមួយៗ។ ក្រុមអាជីវកម្មថ្មីបានឆ្លងកាត់វគ្គបណ្តុះបណ្តាលចំនួន ដែលត្រូវបានរៀបចំជាៈ

• ថ្នាក់សិក្សាផ្ទាល់ចំនួន ៧ សប្តាហ៍
• ថ្នាក់អនឡាញចំនួន ១០ មេរៀន
• ដំណើទស្សនៈកិច្ចសិក្សាជាមួយសហគ្រាសក្នុងខេត្តបាត់ដំបងស្វែងយល់ពីបទពិសោធផ្ទាល់
• ការប្រឹក្សាយយោបល់ពី អ្នកជំនាញផ្នែកអាជីវកម្ម ម៉ាកយីហោ និងឌីស្សាញ

ប្រធានបទដែលក្រុមអាជីវកម្មថ្មី ទាំងអស់បានសិក្សាមានដូចខាងក្រោមៈ

• កំណត់តម្រូវការទីផ្សារ និងការស្រាវជ្រាវទីផ្សារ
• ការបង្តើតដំណោះស្រាយ និងផលិតតម្រូវទីផ្សារ
• ការបង្កើតផលិតផលគម្រូ
• ការកំណត់តម្លៃ និង យុទ្ធសាស្ត្រតម្លៃ
• យុទ្ធសាស្រ្តទីផ្សារ
• ការបង្តើតម៉ាកយីហោ

ជាលទ្ធផលធុរកិច្ចៈ
– អាជីវកម្ម V.H ត្រូវបានជ្រើសរើសជាជ័យលាភីទី១, ទទួលបានប្រាក់រង្វាន់ចំនួន ៨,០០០,០០០ រៀល ពីសហគ្រិនខ្មែរ
– អាជីវកម្ម រតនៈ ជាជ័យលាភីទី២, ទទួលបានប្រាក់រង្វាន់ចំនួន ៦,០០០,០០០ រៀល ពីសហគ្រិនខ្មែរ
– និង អាជីវកម្ម P2H និង រាជនីដំឡូង ជាជ័យលាភីទី៣, ទទួលបានប្រាក់រង្វាន់ចំនួន ៤,០០០,០០០ រៀល ពីសហគ្រិនខ្មែរ
ហើយក្រុមទាំង ៥ ដែលមិនទទួលបានជ័យលាភីក៏ទទួលបានថវិកាចំនួន ១,០០០,០០០រៀល ពីសហគ្រិនខ្មែរគាំទ្រសម្រាប់ចាប់ផ្តើមអនុវត្ថន៍ គំរូធុរកិច្ចផងដែរ។

សម្រង់ពាក្យសំដីនៃសហគ្រិនដែលបានបញ្ចាប់វគ្គបណ្តុះបណ្តាល អ៉ីនធឺប្រាយបាត់ដំបងស្តាតធឺរដូវកាលទី ៦

“ ដំបូងខ្ញុំគិតថាមករៀនអោយដឹង និង យកមេរៀនទៅផ្ទះវិញប៉ុន្តែុកម្មវិធីនេះប៉ុន្តែពេលបញ្ចប់ពីកម្មវិធីខ្ញុំបែជា ធ្វើអាជីវកម្មបានមែន”

ស៊ូ កក្កដា

“ ខ្ញុំតែងតែមិនជឿជាក់លើខ្លួនឯង គិតថាខ្លួនមិនសូវមានចំណេះដឹង និង សមត្ថភាពប៉ុន្តែបន្ទាប់ពីចូលរួមអ៉ីន ធឺប្រាយបាត់ដំបងស្តាតធឺ ខ្ញុំប្រាកដចិត្តថាអាចធ្វើអាជីវមួយនេះបាន”

ស្រី ប៊ុនណា