ភ្នំពេញ៖ សាកលវិទ្យាល័យអាមេរិកាំងភ្នំពេញ មានបទពិសោធន៍ជាច្រើនឆ្នាំកន្លងមកហើយក្នុងការផ្តល់ការអប់រំកម្រិតពិភពលោក ដល់និស្សិតជាច្រើនជំនាន់ដែលទទួលបានជោគជ័យក្នុងវិស័យការងារ ដើម្បីក្លាយខ្លួនជាអ្នកដឹកនាំដ៏មានសមត្ថភាពនាពេលអនាគតនៅក្នុងប្រទេសកម្ពុជា។ AUPP បានផ្តោតយកចិត្តទុកដាក់លើការអប់រំដែលមានភាពលេចធ្លោជាងគេ និងទទួលបានលទ្ធផលវិជ្ជមានជាបន្តបន្ទាប់ ដោយជាប់ចំណាត់ថ្នាក់កំពូលក្នុងចំណោមសាកលវិទ្យាល័យធំៗ និងល្អបំផុតនៅកម្ពុជា។

AUPP មានសេចក្តីសោមនស្សរីករាយក្នុងការប្រកាសបើកវគ្គកម្មវិធីសិក្សាថ្មី Graduate Law Programs – LL.M. (Master of Laws) នៅក្នុងអាជីវកម្មអន្តរជាតិ និងបច្ចេកវិទ្យាឌីជីថល និង កម្មវិធី MLS (Master of Legal Studies) ដែលឆ្លើយតបទៅនឹងតម្រូវការកើនឡើងនាពេលបច្ចុប្បន្ននៅក្នុងវិស័យជំនាញ និងចំណេះដឹងផ្នែកច្បាប់សម្រាប់សេដ្ឋកិច្ចឌីជីថល។ ក្រៅពីនេះ AUPP ក៏មានផ្តល់អាហារូបករណ៍សម្រាប់បេក្ខជនទាំងឡាយណាដែលមានសមត្ថភាព អាចបង្ហាញលទ្ធផលសិក្សាឆ្នើម ភាពជាអ្នកដឹកនាំ និងឆន្ទៈមុះមុតក្នុងការសម្រេចឲ្យបានអ្វីមួយលើសពីការរំពឹងទុក។

សម្រាប់អ្នកដែលមានបំណងចង់សិក្សា អាចដាក់ពាក្យស្នើសុំចូលរៀនសម្រាប់ឆមាសថ្មីឆ្នាំ២០២៣ តាមរយៈ កម្មវិធីចូលរៀនរបស់ថ្នាក់អនុបណ្ឌិត។ នៅសាកលវិទ្យាល័យAUPP យើងជឿជាក់ទៅលើការអនុញ្ញាតឲ្យនិស្សិតបម្រើការងារក្នុងពេលសិក្សាថ្នាក់អនុបណ្ឌិត ។ បន្ថែមពីនេះ យើងក៏មាន​ផ្តល់អាហារូបករណ៍រហូតដល់ ៧០ភាគរយ តាមរយៈការវាស់វែងលើគុណសម្បត្តិរបស់សិស្ស-និស្សិតដែលមានធនធាន និងជំនាញផ្សេងៗទៀត ។

លោកបណ្ឌិត Raymond Leos សាកលវិទ្យាធិការរងផ្នែកកិច្ចការសិក្សារបស់សាកលវិទ្យាល័យAUPP បានបង្ហាញភាពរីក រាយចំពោះកម្មវិធីសិក្សាថ្មីនេះថា៖ «យើងមានសេចក្តីសោមនស្សរីករាយក្នុងការផ្តល់ជូននូវកម្មវិធីថ្មីៗបែបនេះនៅ AUPP ។ យើងផ្តល់ជូននៅបទពិសោធន៍ល្អៗលើសគេតាមរយៈគម្រោងសិក្សាទំនើបៗ ការណែនាំជំនួយស្មារតីសិក្សាពិសេសៗ ការរៀបចំផែនការអាជីពផ្ទាល់ខ្លួនឲ្យបានត្រឹមត្រូវ និងឱកាសការងារអន្តរជាតិជាច្រើន»។
កម្មវិធីសិក្សាថ្មី រួមមាន៖

១. LL.M. (Master of Laws) នៃអាជីវកម្មអន្តរជាតិ និងបច្ចេកវិទ្យាឌីជីថល៖ កម្មវិធីនេះត្រូវបានរៀបចំឡើងសម្រាប់អ្នកជំនាញ ប្រវត្តិសិក្សាផ្នែកច្បាប់ (បរិញ្ញាបត្រច្បាប់) ដែលមានបំណងចង់បង្កើនចំណេះដឹងបន្ថែមនៅក្នុងអាជីពនេះ។ ក្រោយការបញ្ចប់ការសិក្សា សិស្ស-និស្សិត នឹងទទួលបានការយល់ដឹងកាន់តែស៊ីជម្រៅទៅលើចំណេះដឹងផ្នែកច្បាប់ អាជីវកម្មអន្តរជាតិ និងតួនាទីនៃបច្ចេកវិទ្យាឌីជីថលនៅក្នុងរបៀបដែលអាជីវកម្មសកលលោកដំណើរការ និងបទប្បញ្ញត្តិនានាជុំវិញវិស័យបច្ចេកវិទ្យាឌីជីថល។

សម្រាប់សិស្សដែលបញ្ចប់ការសិក្សាពីកម្មវិធីនេះ នឹងមានចំណេះដឹងដែលជាតម្រូវការសម្រាប់ក្រុមមេធាវី ដើម្បីចូលរួមយ៉ាងពេញលេញនៅក្នុងសេដ្ឋកិច្ចពិភពលោក និងឌីជីថលនាពេលបច្ចុប្បន្ន។

២. MLS (Master of Legal Studies)៖ កម្មវិធីនេះត្រូវបានបង្កើតសម្រាប់អ្នកដែលមិនមានប្រវត្តិសិក្សាផ្នែកច្បាប់ ដោយ ផ្តល់ឱកាសឲ្យសិស្សនិស្សិតបង្កើននូវការយល់ដឹងយ៉ាងទូលាយអំពីគោលការណ៍ច្បាប់ និងការអនុវត្តជាក់ស្តែង ដើម្បីឲ្យមាន “ការយល់ដឹងត្រិះរិះដូចមេធាវី” – ដោយមិនចាំបាច់ក្លាយជាមេធាវីនោះទេ។ និស្សិតក្រោយបញ្ចប់ការសិក្សានឹងអាចរៀនពីជំនាញវិភាគ បញ្ហាសកលដ៏ស្មុគស្មាញ ដែលកើតឡើងនៅក្នុងអាជីវកម្មអន្តរជាតិ និងរបៀបនៃការដោះស្រាយបញ្ហាផ្លូវច្បាប់នានា។

ដើម្បីស្វែងយល់បន្ថែមអំពីកម្មវិធីសិក្សាថ្នាក់អនុបណ្ឌិត និងនីតិវិធីនៃការដាក់ពាក្យ បេក្ខជនដែលមានចំណាប់អារម្មណ៍ចង់ស្វែងយល់បន្ថែមអាចចូលរួមកម្មវិធី Open House របស់យើង នៅថ្ងៃទី ២៩ ខែកក្កដា និងថ្ងៃទី៥ ខែសីហា ពីម៉ោង ១១ព្រឹក ដល់ម៉ោង១២រសៀល។ អាហារថ្ងៃត្រង់នឹងត្រូវបានផ្តល់ជូន ហើយយើងសង្ឃឹមថានឹងបានជួបអ្នកនៅទីនោះ!

អត្ថប្រយោជន៍នៃការចូលរួមកម្មវិធីរបស់យើងរួមមាន៖
• បញ្ចប់ថ្នាក់សិក្សាចំនួន១៥ថ្នាក់ក្នុងរយៈពេល២៤ ខែ
• សិទ្ធិទទួលបានអាហារូបករណ៍រហូតដល់ ៧០ភាគរយ
• អាចទទួលបានផែនការបង់ប្រាក់តាមដំណាក់កាល និងជម្រើសប្រាក់កម្ចី
• បរិវេណសាលា និងសំភារៈសិក្សាទាន់សម័យ និងបង្កើតចំណេះដឹងថ្មីៗ
• ឱកាសសិក្សាជាមួយសិស្សនិស្សិតឆ្នើមមានប្រវត្តិ និងប្រភពចម្រុះគ្នា

អំពី AUPP
សាកលវិទ្យាល័យអាមេរិកាំងភ្នំពេញ (AUPP) គឺជាស្ថាប័នដែលទទួលបានការទទួលស្គាល់ខ្ពស់មានទីតាំងនៅកណ្តាលរាជធានីនៃប្រទេសកម្ពុជា។ AUPP ជាសាកលវិទ្យាល័យតែមួយគត់នៅកម្ពុជាដែលផ្តល់ជូននូវការអប់រំបែបអាមេរិកយ៉ាងសំបូរបែប។ AUPP ក៏ផ្ដល់ជូននូវសញ្ញាបត្រពីរ មួយចេញដោយសាកលវិទ្យាល័យ AUPP និងមួយទៀតចេញដោយសាកលវិទ្យាល័យដៃគូនៅសហរដ្ឋអាមេរិក គឺសាកលវិទ្យាល័យអារីហ្សូណា ឬសាកលវិទ្យាល័យរដ្ឋហ្វតហេស៍។ សិស្សានុសិស្សអាចជ្រើសរើសមុខជំនាញដែលជាកម្មវិធីសិក្សាសញ្ញាបត្រពីរដោយចំនាយតិចជាងការសិក្សាផ្ទាល់នៅអាមេរិក។

AUPP ទទួលបានចំណាត់ថ្នាក់កំពូលក្នុងចំណោមសាកលវិទ្យាល័យធំៗ និងល្អបំផុតនៅកម្ពុជា។ AUPP ផ្តល់ជូននូវមហាវិទ្យាល័យកម្រិតពិភពលោក ទាំងការសិក្សា និងការទទួលយកបទពិសោធន៍ភ្ជាប់ទំនាក់ទំនងឧស្សាហកម្មដ៏មានតម្លៃទាំងក្នុងស្រុក និងក្រៅស្រុក។

គោលបំណងរបស់ AUPP គឺដើម្បីផ្តល់នូវការអប់រំដ៏ទំនើបនៅក្នុងបរិវេណសាលា និងការបំពាក់ដោយបរិក្ខារទំនើបៗនៅតាមថ្នាក់ ព្រមទាំងជំនាញដ៏ចាំបាច់សម្រាប់សិស្សដើម្បីក្លាយជាអ្នកដឹកនាំ និងធនធានមនុស្សដ៏សំខាន់នៅក្នុងសេដ្ឋកិច្ចពិភពលោកដែលកំពុងវិវត្តន៍ឥតឈប់ឈរ៕

សម្រាប់ព័ត៌មានបន្ថែមអំពី AUPP និង កម្មវិធីសិក្សាសូមចូលទៅកាន់គេហទំព័រ https://www.aupp.edu.kh/ ឬទំនាក់ទំនងមកកាន់ លោក Piseth (Ten) Tann តាម Email: p.tann@aupp.edu.kh