៧ចំណុច ដែលមនុស្សគ្រប់វ័យគួរស្វែងយល់អំពីចំណេះដឹងមូលដ្ឋាន

ភ្នំពេញ – ចំណេះដឹងផ្នែកហិរញ្ញវត្ថុ គឺជាចំណេះដឹង និងសមត្ថភាពក្នុងការយល់ដឹងអំពីដំណើរការរបស់សាច់ប្រាក់ និងរបៀបគ្រប់គ្រងសាច់ប្រាក់។ គោលដៅចម្បងរបស់ចំណេះដឹងផ្នែកហិរញ្ញវត្ថុ គឺការអប់រំឱ្យមនុស្សចេះគ្រប់គ្រងថវិការបស់ខ្លួន និងយល់ពីសារៈសំខាន់នៃការសន្សំប្រាក់ និងការវិនិយោគដើម្បីទទួលបានសេរីភាពផ្នែកហិរញ្ញវត្ថុ និងជីវភាពធូរធារនាពេលអនាគត។

ខាងក្រោមនេះ ជាចំណេះដឹងផ្នែកហិរញ្ញវត្ថុមួយចំនួនដែលមនុស្សគ្រប់វ័យគួរស្វែងយល់ និងត្រូវប្រើប្រាស់ប្រាក់ជារៀងរាល់ថ្ងៃ ៖

១. គ្រប់គ្រងហិរញ្ញវត្ថុផ្ទាល់ខ្លួនយ៉ាងឈ្លាសវៃ និងមានប្រសិទ្ធភាព ៖ នៅពេលដែលអ្នកមានចំណេះដឹងផ្នែកហិរញ្ញវត្ថុ អ្នកអាចយល់អំពីរបៀបគ្រប់គ្រងចំណូល និងចំណាយរបស់អ្នកក៏ដូចជាធ្វើយ៉ាងណាដើម្បីចៀសវាងការចំណាយហួសកម្រិតដែលអាចនាំឱ្យអ្នកជាប់ផុងក្នុងបំណុល។ ម្យ៉ាងវិញទៀត មុនពេលអ្នកធ្វើការចំណាយប្រាក់ទិញអ្វីមួយ អ្នកនឹងធ្វើការពិចារណាយ៉ាងម៉ត់ចត់ថា តើវាចាំបាច់ឬសំខាន់ដែរឬទេ និងថ្លឹងថ្លែងថា តើវាសមនឹងតម្លៃដែរឬទេ ប្រសិនបើទិញទំនិញនោះ? ដូចនេះ អ្នកអាចស្វែងរកវិធីសាស្រ្តដើម្បីបង្កើនចំណូលរបស់អ្នក ដូចជាការយកប្រាក់ទៅសន្សំយកការប្រាក់បន្ថែមនៅធនាគារ ការបង្កើតអាជីវកម្មផ្ទាល់ខ្លួន និងការយកទៅវិនិយោគលើទីផ្សារភាគហ៊ុនជាដើម។

២. យល់អំពីភាពខុសគ្នា នៃតម្រូវការ និងចំណង់៖ តម្រូវការ សំដៅទៅលើវត្ថុ ឬទំនិញទាំងឡាយណាដែលចាំបាច់ចំពោះការរស់នៅប្រចាំថ្ងៃ ដូចជា អាហារ សម្លៀកបំពាក់ ជម្រក និងការថែទាំសុខភាពជាដើម។ ចំណែកឯចំណង់សំដៅទៅដល់វត្ថុ ឬ ទំនិញទាំងឡាយណាដែលមនុស្សចង់បានដើម្បីបំពេញចិត្តរបស់ខ្លួនឯង រួមមាន សម្ភារៈ និងយានជំនិះទំនើបៗជាដើម។ ដោយយល់ដឹងអំពីភាពផ្ទុយគ្នារវាងអ្វីដែលអ្នកត្រូវការ និងអ្នកដែលអ្នកចង់បាន អ្នកអាចធ្វើការគ្រប់គ្រងថវិការបស់អ្នកដោយចំណាយទៅតាមភាពចាំបាច់ និងចេះចាត់ចែងប្រាក់សម្រាប់សន្សំ និងវិនិយោគ។

៣. បង្កើនទម្លាប់សន្សំនៅក្នុងគ្រួសារ ៖ ប្រសិនបើអ្នករស់នៅជាមួយគ្រួសារ លោកអ្នកគួរតែចាត់ទុកផែនការហិរញ្ញវត្ថុជាផែនការរួមរបស់គ្រួសារ និងធ្វើការពិភាក្សាជាមួយដៃគូ និងកូនៗ ។ សកម្មភាពនេះ នឹងលើកទឹកចិត្តទៅដល់សមាជិកគ្រួសាររបស់អ្នកឱ្យមានចំណែកចូលរួមក្នុងផែនការរបស់គ្រួសារ និងរៀបចំផែនការសន្សំរួមគ្នា។ លើសពីនេះ នឹងបង្រៀនពីសារៈសំខាន់នៃការសន្សំទៅដល់កុមារ និងសមាជិកគ្រួសារផ្សេងៗ ដើម្បីជំរុញឱ្យពួកគេចេះធ្វើការសន្សំប្រាក់ដើម្បីអនាគតរបស់ពួកគេ។

៤. យល់ដឹងពីភាពខុសគ្នារវាងទ្រព្យសកម្ម និងបំណុល ៖ ទ្រព្យសកម្ម (Assets) សំដៅទៅដល់ទ្រព្យទាំងឡាយណាដែលអ្នកមាន ហើយអាចបម្លែងជាសាច់ប្រាក់បាន។ ឧទាហរណ៍ ភាគហ៊ុន ប័ណ្ណបំណុល គេហដ្ឋាន ដី ប្រាក់សន្សំជាដើម។ ចំណែក បំណុល (Liabilities) សំដៅទៅលើប្រាក់ដែលអ្នកជំពាក់អ្នកដទៃ រួមមាន បំណុលចរន្ត បំណុលរយៈពេលវែង កម្ចីឥណទាន កម្ចីបង់រំលស់ ចំណាយលើការប្រាក់ជាដើម។ មហាសេដ្ឋីជាច្រើនបានផ្ដល់ជាយោបល់ថា ទ្រព្យសកម្មដែលយើងមានគឺគួរតែអាចប្រើប្រាស់បានដើម្បីបង្កើនជាចំណូលបន្ថែមទៀត ប្រសើរជាងការបង្កើនទំហំបំណុលដែលនាំឱ្យអ្នកមានការចំណាយកាន់តែច្រើន។

៥. មានសមត្ថភាពក្នុងការរកចំណូលបន្ថែមតារយៈការវិនិយោគ៖ ការវិនិយោគសំដៅទៅលើការប្រើប្រាស់សាច់ប្រាក់ដើម្បីបង្កើតជាប្រាក់ចំណូលបន្ថែមនាពេលអនាគត ឬការយកលុយដើម្បីបង្កើតលុយ។ បន្ថែមពីនេះ អ្នកត្រូវស្វែងរកប្រភពចំណូលលើសពីមួយ ឬចំណូលអកម្មបន្ថែម។ តាមរយៈការស្គាល់ប្រភេទផ្សេងៗនៃការវិនិយោគ អ្នកនឹងមានសមត្ថភាពស្វែងយល់អំពីភាពចំណេញ និងហានិភ័យនៃការវិនិយោគទាំងនោះ ដែលនាំឱ្យអ្នកនឹងអាចធ្វើការបែងចែកការវិនិយោគរបស់អ្នកឱ្យមានប្រសិទ្ធភាព។

៦. ចេះកិតគូរពីចំណូលចំណាយ និងធ្វើផែនការចំណាយឱ្យស្របនឹងចំណូល៖ មូលដ្ឋានសំខាន់ក្នុងការរៀបចំផែនការថវិកា គឺ យល់ដឹងអំពីរគោលការណ៍នៃការចាយវាយ គឺការព្យាយាមចាយឱ្យតិចជាងចំណូលដែលរកបាន ។ វិធីមួយនៃការចាប់ផ្តើមរៀបចំផែនការថវិកា គឺអ្នកត្រូវកត់ត្រារៀបរាប់រាល់ចំណូលដែលរកបាន ខ្ទង់ចំណាយ រួមទាំងបំណុលផងដែរ។ ការធ្វើបែបនេះ អាចជួយឱ្យលោកអ្នកអាចមើលដឹងពីចំណូលជាក់លាក់របស់អ្នកនៅអតីតកាលបាន។

៧. ចៀសផុតពីការធ្លាក់ខ្លួនទៅក្នុងបំណុល ៖ នៅពេលអ្នកមានចំណេះដឹងផ្នែកហិរញ្ញវត្ថុ នឹងជួយឱ្យយើងមិនអាចចាយលើសពីអ្វីដែលរកបាននោះទេ ហើយយើងក៏មិនគួររបង្កើតបំណុលអាក្រក់ មានន័យថា ខ្ចីលុយទៅទិញសម្ភារៈ ដែលមិនផ្ដល់ផលចំណេញ។ ម៉្យាងវិញទៀត មិនត្រូវផ្ដល់អាទិភាពលើចំណង់ ធំជាងតម្រូវការ ព្រោះទាំងអស់នេះជាមាគ៌ានាំទៅរកបំណុល៕

កញ្ញា វ៉ាន គីមសល់ | Ms. Van Kimsal

កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។

របាយការណ៍ថ្មី

មើលទាំងអស់ ➧

ប្រទេសកម្ពុជា

បទយកការណ៍, ព័ត៌មានជាតិ និងអន្តរជាតិ, ព័ត៌មានអន្តរជាតិ

• 28/05/2026

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

ក្រសួងទេសចរណ៍ ជ្រើសរើសសិក្ខាកាមចូលរៀនជំនាញឆុងកាហ្វេ និងសេវាកម្មម្ហូបអាហារ និងភេសជ្ជៈ សម្រាប់ខេត្តបាត់ដំបង

ព័ត៌មានអាហារូបករណ៍, ព្រឹត្តិការណ៍

• 24/08/2023

គណៈកម្មការគ្រប់គ្រងគម្រោង ហូកា នៃក្រសួងទេសចរណ៍ ក្រោមកិច្ចសហការជាមួយគម្រោង “គាំទ្រនិរន្តរភាពហេដ្ឋារចនាសម្ព័ន្ធជនបទ ដើម្បីទីផ្សារកសិករ និងពាណិជ្ជូបនីយកម្មកសិកម្មនៅកម្ពុជា (SAAMBAT)”...

ឱកាសគ្រូបង្រៀនចូលរួមកម្មវិធី Teacher Training Students នៅប្រទេសជប៉ុន ឆ្នាំ២០២៦

ព័ត៌មានអាហារូបករណ៍, ព្រឹត្តិការណ៍

• 15/01/2026

ជាឱកាសសម្រាប់លោកគ្រូ អ្នកគ្រូ ដែលកំពុងបង្រៀននៅតាមសាលារៀនបឋមសិក្សា មធ្យមសិក្សា និងសាលាគរុកោសល្យ នៅទូទាំងប្រទេសកម្ពុជា, សម្រាប់ឆ្នាំ២០២៦នេះ កម្មវិធីអាហារូបករណ៍ Teacher Training...

អាហារូបករណ៍សាច់ប្រាក់ ពីកម្មវិធីអាហារូបករណ៍សិល្បៈអមតៈអាន ចនផន ឆ្នាំ២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 29/03/2024

ឱកាសទទួលបានអាហារូបករណ៍សាច់ប្រាក់ពីកម្មវិធីអាហារូបករណ៍សិល្បៈអាន ចនផន ចំនួន១០កន្លែងសម្រាប់ឆ្នាំសិក្សា២០២៤-២០២៥។ អាហារូបករណ៍...

អាហារូបករណ៍ថ្នាក់កុំព្យូទ័រ ១០០% សម្រាប់សិស្សថ្នាក់បឋមសិក្សា អនុវិទ្យាល័យ និងវិទ្យាល័យ

ព័ត៌មានអាហារូបករណ៍, ព្រឹត្តិការណ៍

• 11/02/2025

តាមរយៈក្រសួងអប់រំ យុវជន និងកីឡា សាលា អុី-ស្គូល (ខេមបូឌា) នឹងផ្តល់អាហារូបករណ៍ថ្នាក់កុំព្យូទ័រ ១០០% ជូនសិស្សានុសិស្សថ្នាក់បឋមសិក្សា អនុវិទ្យាល័យ និងវិទ្យាល័យ...

កម្មវិធី Kemitraan Negara Berkembang ប្រកាសផ្តល់អាហារូបករណ៍ថ្នាក់ឧត្តមសិក្សាជាច្រើនកន្លែងនៅប្រទេសឥណ្ឌូនេស៊ី

ព័ត៌មានអាហារូបករណ៍, ព្រឹត្តិការណ៍

• 27/01/2023

ភ្នំពេញ - ឱកាសសិក្សាអាហារូបករណ៍ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតជាច្រើនកន្លែងសម្រាប់និស្សិតថ្នាក់អន្តរជាតិសិក្សានៅប្រទេសឥណ្ឌូនេស៊ី ឆ្នាំសិក្សា២០២៣...

អាហារូបករណ៍ល្បីៗ៣ប្រភេទសម្រាប់និស្សិតចង់ទៅសិក្សានៅប្រទេសតួគី

ព័ត៌មានអាហារូបករណ៍, ព្រឹត្តិការណ៍

• 20/06/2023

កម្មវិធីអាហារូបករណ៍៣ប្រភេទកំពុងបើកផ្ដល់អាហារូបករណ៍ថ្នាក់ឧត្តមសិក្សានៅសាកលវិទ្យាល័យជាច្រើនដែលជាសាកលវិទ្យាល័យដៃគូក្នុងប្រទេស...

ឱកាសអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ SIIT ប្រទេសថៃ ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 01/03/2023

វិទ្យាស្ថានបច្ចេកវិទ្យាអន្តរជាតិ Sirindhorn ឬហៅកាត់ថា SIIT បានប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតសម្រាប់ឆ្នាំសិក្សា២០២៣ ...

អាហារូបករណ៍ថ្នាក់បរិញ្ញាបត្រជាន់ខ្ពស់ពី Erasmus University Rotterdam នៅប្រទេសហូឡង់

ព័ត៌មានអាហារូបករណ៍, ព្រឹត្តិការណ៍

• 29/01/2026

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាលាគ្រប់គ្រង Rotterdam នៃសាកលវិទ្យាល័យ Rotterdam ប្រទេសហូឡង់ ពីកម្មវិធីអាហារូបករណ៍ Erasmus ឆ្នាំសិក្សា២០២៦-២០២៧។

ឱកាសអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ Peking (PKU)

ព័ត៌មានអាហារូបករណ៍, ព្រឹត្តិការណ៍

• 13/04/2026

វិទ្យាស្ថានកិច្ចសហប្រតិបត្តិការ និងអភិវឌ្ឍន៍ត្បូង-ត្បូង (ISSCAD) នៃសាកលវិទ្យាល័យ Peking ជូនដំណឹងអំពីការជ្រើសរើសនិស្សិតអាហារូបករណ៍អន្តរជាតិសម្រាប់កម្មវិធីសិក្សាឆ្នាំ ២០២៦។