ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការឆ្ពោះទៅរកសេដ្ឋកិច្ចអព្យាក្រឹតកាបូន និងវត្តមានបញ្ញាសិប្បនិម្មិត (AI) ទំនងជានឹងក្លាយជាការផ្លាស់ប្ដូរដ៏អស្ចារ្យនៅអំឡុងទសវត្សឆ្នាំ២០២០។ រឿងទាំងពីរនេះ ពិតជាមានឥទ្ធិពល និងនាំឱ្យមានការផ្លាស់ប្ដូររបៀបធ្វើការ។
យោងតាមទីភ្នាក់ងារថាមពលអន្តរជាតិ (IEA) បានឱ្យដឹងថា ការងារក្នុងវិស័យថាមពលស្អាត ចំនួន ១៤លានកន្លែងនឹងត្រូវបានបង្កើតឡើងនៅឆ្នាំ២០៣០។ ប៉ុន្តែមនុស្សដែលរស់នៅក្នុងតំបន់ ពឹងផ្អែកលើការទាញយកធ្យូងថ្ម និងឥទ្ធនៈហ្វូស៊ីលនឹងត្រូវបាត់បង់ការងារ ហើយឧស្សាហកម្មរថយន្ត នឹងត្រូវការកម្លាំងពលកម្មតិចជាងមុនក្នុងការដំឡើងម៉ាស៊ីនចំហេះខាងក្នុង (Internal engine)។
មានការជជែកវែកញ៉ែកយ៉ាងច្រើនអំពីផលប៉ះពាល់របស់បញ្ញាសិប្បនិម្មិត (AI) មកលើបរិមាណ និងគុណភាពការងារ។ ខណៈភាពជឿនលឿននៃបច្ចេកវិទ្យាថ្មីៗ កំពុងធ្វើឱ្យជាជំនាញកាន់តែច្រើនឡើង អាចត្រូវបានជំនួសដោយស្វ័យប្រវត្តិកម្ម។ ចំណុចនេះបាននាំឱ្យការងារ ដដែលៗមានហានិភ័យខ្ពស់ជាងគេ ដែលអាចជំនួសដោយបច្ចេកវិទ្យា ហើយការងារ និងអាជីពមួយចំនួនស្ថិតក្នុងភាពមិនច្បាស់លាស់។
តាមរយៈការធ្វើកិច្ចការដោយស្វ័យប្រវត្តិ ដែលទាមទារឱ្យមនុស្សមានចំណេះដឹងបញ្ជា និងគ្រប់គ្រង, បញ្ញាសិប្បនិម្មិត (AI) នឹងធ្វើឱ្យបុគ្គលិក ដែលសមត្ថភាពនៅមានកម្រិត និងមានប្រាក់ខែទាប ប្រឈមមុខនឹងការជំនួសដោយបច្ចេកវិទ្យា។ ហេតុនេះ ទាមទារឱ្យមានការចូលរួមពីរដ្ឋាភិបាល និងកិច្ចសហប្រតិបត្តិការអន្តរជាតិជាបន្ទាន់ ដើម្បីធានាថា ការផ្លាស់ប្ដូរនេះ នឹងនាំមកនូវផលប្រយោជន៍ជាអតិបរមា ដល់សង្គម និងបុគ្គលិក។
ទន្ទឹមនឹងនេះ សកម្មភាពប្រយុទ្ធប្រឆាំងនឹងបម្រែបម្រួលអាកាសធាតុ និងបញ្ញាសិប្បនិម្មិត (AI) ត្រូវការការចូលរួមផ្នែកនយោបាយ និងការណែនាំដែលគាំទ្រដោយបទប្បញ្ញត្តិ។ លើសពីនេះ ការគាំទ្រពីសំណាក់សាធារណជន កាន់តែមានសារសំខាន់, ព្រោះយុទ្ធនាការនេះមិនអាចសម្រេចជាផ្លែផ្កានោះទេ ប្រសិនបើមនុស្សមិនជឿថាការងាររបស់ពួកគេកំពុងមានហានិភ័យ ហើយភាពច្របូកច្របល់ក្នុងសង្គម រវាងអ្នកមាន និងអ្នកក្រ នឹងកាន់តែទូលំទូលាយ។
តើអាចបង្កើតការងារឱ្យបានកាន់តែច្រើន និងប្រសើរជាងមុនដោយរបៀបណា?
វេទិកាសេដ្ឋកិច្ចពិភពលោក (WE Forum) បានបង្ហាញពីគោលនយោបាយចម្បងមួយចំនួន ដើម្បីអនុវត្តនៅសម្រាប់ការផ្លាស់ប្ដូរនេះ៖
- ការវិនិយោគលើការអប់រំ និងជំនាញ, ការការពារសង្គមឱ្យកាន់តែប្រសើរឡើង តាមរយៈ ការកាត់បន្ថយអត្រាគ្មានការងារធ្វើ និងដំឡើងប្រាក់ឈ្នួលអប្បបរមា ឬគោលនយោបាយប្រាក់ឈ្នួលរស់នៅ ដើម្បីកាត់បន្ថយភាពក្រីក្រ, និងគោលនយោបាយ ការងារសកម្ម (Active employment) និងការគាំទ្រ។
- គោលនយោបាយឧស្សាហកម្ម/តំបន់ ដើម្បីបង្កើតការងារ (ជាពិសេសតំបន់ដែលងាយរងគ្រោះដោយសារការបាត់បង់ការងារ) រួមទាំងស្ដង់ដាការងារល្អ ដែលជាលក្ខខណ្ឌសម្រាប់ឥណទាន និងការលើកទឹកចិត្តរបស់រដ្ឋាភិបាល។
ការផ្ដោតលើសមភាព ដើម្បីធានាឱ្យមានការផ្លាស់ប្ដូត្រឹមត្រូវនឹងនាំឱ្យការផ្លាស់ប្ដូរអាចគ្រប់គ្រងបាន ហើយការងារល្អៗជាច្រើននឹងត្រូវបានបង្កើតឡើង។ គោលនយោបាយទាំងនេះ នឹងបង្កើនទំនុកចិត្តជាសាធារណៈថា ឱកាសការងារជាច្រើនកំពុងតែត្រូវបានបង្កើតឡើងសម្រាប់មនុស្សជំនាន់ក្រោយ៕
