ស្មេរទាំងឡាយតែងជួបប្រទះនឹងការជាប់គាំងគំនិត នៅពេលដែលពួកគាត់កំពុងបន្ត ឬចាប់ផ្តើមភារកិច្ចទាក់ទងនឹងការសរសេរអ្វីមួយ ហើយជារឿយៗ ដំណោះស្រាយដែលជំរុញឱ្យបន្តអនុវត្តន៍អាចជា ការទុកពេលសម្រាក ការដកដង្ហើមមួយៗ ឬក៏ផ្តើមសរសេរទៅតាមអ្វីដែលនឹកឃើញសិន ឬគំនិតដែលផុសចេញមកភ្លាមៗជាដើម។ គាប់ជួនពេលខ្លះទៀត ស្មេរបានប្រើប្រាស់ពេលរង់ចាំគំនិតច្រាស់ច្រាល់ចេញមកសិន សឹមបន្តសកម្មភាពទៅមុខទៀត។ ប៉ុន្តែយ៉ាងណាមិញ ពេលខ្លះរាល់ដំណោះស្រាយទាំងនោះ នៅតែមិនឆ្លើយតបបានលឿនទៅតាមការរំពឹងទុក ឬនៅតែមិនទទួលបានលទ្ធផលសមតាមបំណង។

តាមគេហទំព័រ howtogeek ណែនាំ ឧបករណ៍កម្មវិធី AI ដែលប្រៀបបានជាជំនួយការសរសេរ ជាពិសេសសម្រាប់អ្នកដែលប្រើប្រាស់ភាសាអង់គ្លេស វាគឺជាដំណោះស្រាយមួយ ដែលជួយលោកអ្នកបានមួយកម្រិតបន្ថែមទៀត ហើយមិនសម្រាប់តែអ្នកមានបទពិសោធន៍សរសេរប៉ុណ្ណោះទេ គឺជួយទាំងបុគ្គលដែលមិនធ្លាប់មានបទពិសោធផងដែរ ក្នុងការជំរុញគំនិត សក្តានុពលឱ្យចាប់ផ្តើមសរសេរ និងផ្តល់នូវគន្លឹះចំគោលដៅ។ កម្មវិធី AI ជាជម្រើសដ៏សំខាន់មួយ ក៏ដូចជាជំនួ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​យការពិសេស ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ហើយនឹងជាឧបករណ៍មួយ នាំលោកអ្នក ឱ្យសម្រេចបាននូវលទ្ធផល ដែលរំពឹងទុកពីមុនមក។ នេះគឺដោយហេតុថា វាមានសមត្ថភាពផ្តល់ឱ្យនូវអ្វីដែលចំទិសដៅភ្លាមៗ ដូចជា ការធ្វើគ្រោងសេចក្ដី អាចអភិវឌ្ឍន៍ដំណើរការសរសេរ ការស្នើក៏ដូចជាយោបល់បន្ថែមក្នុងការផ្លាស់ប្តូរន័យនៅក្នុងអត្ថបទ។

ដូច្នេះហើយ បើអ្នកកំពុងមានបទពិសោធន៍ ដោយការគាំងជាមួយនឹងផ្ទាំងសនៅលើស្រ្គីន ឬដោយភាពទទេស្អាត ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​និងមិនដឹងថាត្រូវសរសេរអ្វីទៀត ហើ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​យ​​​​​​​​​​​​​​​​​​​​​​​​​​​​​កំពុងត្រូវការគំនិតជំរុញ ឬបំផុសបន្ថែម។ នោះឧបករណ៍កម្មវិធី AI ទាំងប្រាំប្រភេទ អាចជួយសម្រួលដល់ម្ចាស់ស្មេរមួយចំនួនបាន ៖

​​​​១. HIX.AI Writer សម្រាប់ជំនួយសរសេរ និងកែសម្រួលន័យ ៖ មិនថាអត្ថបទ ដែលលោកអ្នក កំពុងសរសេរជាប្រភេទអ្វីនោះទេ កម្មវិធីឬក៏ឧបករណ៍ប្រភេទនេះ មានតួនាទីក្នុងការជួយសម្រួល និងបំពេញបន្ថែមក្នុងកិច្ចការតែងសរសេរ។ ហើយវាក៏អាចផ្តល់ដំណោះស្រាយបានដែរនៅពេលលោកអ្នកស្ថិតក្នុងដំណើរការជាប់គាំងណាមួយកំឡុងពេលធ្វើ ពីព្រោះនៅក្នុងកម្មវិធីមានផ្តល់ជូននូវលក្ខខណ្ឌ នៃការប្រើប្រាស់ រហូតដល់១២០ជម្រើស ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​សម្រាប់ការសរសេបែបអ្នកសិក្សាស្រាវជ្រាវ សម្រាប់ផុសលើប្រព័ន្ធផ្សាព្វផ្សាយ និងរបៀបសរសេរជាច្រើនទៀត។  បន្ថែមពីនោះ លោកអ្នកក៏អាច ប្រើប្រាស់កិច្ចសន្ទនាឆ្លើយឆ្លង(chatbot ) នៅក្នុ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ងកម្មវិធីផ្ទាល់បានផងដែរ ដើម្បីសួរនាំ អំពីគន្លឹះនៃការរៀបចំ សំណេរឱ្យ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​មានគុណភាពបន្ថែម តាមរយៈការផ្ញើសារសួរ ជាសំណួរក្នុងកម្មវិធី HIX.AI Writer គ្រាន់ជាជំនួយបន្ទាប់បន្សំ។

២. Writer អាចអភិវឌ្ឍន៍សំណេរប្លុកឱ្យកាន់តែប្រសើរ ៖ កម្មវិធីនេះ មានតួនាទីជួយអ្នកនៅក្នុងការបំផុសគំនិតគោលៗ ឬគ្រោងតែងសេចក្ដី និងអាចបំប្លែងគំនិត ហើយអភិវឌ្ឍន៍មាតិកា ព្រមទាំងការវិភាគរាល់អ្វីដែលអ្នកបានសរសេររួចស្រេចទៀតផង។ ហើយកម្មវិធីនេះក៏មានសមត្ថភាពក្នុងការសរសេរ ​​​​​​​​​​​​​​​​​​​​​​​​​​​​​​​​ចំណ​​​​​​​​​​​​​​​​​​​​​​ងជើងទៅតាមអត្ថន័យនៃអត្ថបទ ដែលលោកអ្នកបានសរសេរ រួមទាំងជួយឱ្យកិច្ចការរបស់អ្នកកាន់តែខ្លីជាងមុនដោយការសង្ខេបពីកម្មវិធី។

៣. Rytr ល្អសម្រាប់ម្ចាស់អាជីវកម្ម ៖ ឧបករណ៍ប្រភេទនេះ ​​​​​​​​​​​​​​​​​​​​​​​​​​​​​​​​​ជួយសម្រួលទៅកាន់អ្នក​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ធ្វើទីផ្សា​​​​​​​​​​​​​​​​​​​​​​​​​​​រ​​​​​​​​​​​​ជាពិសេសផងដែរ! ពីព្រោះនៅក្នុងកម្មវិធីមានសមត្ថភាពក្នុងការសម្រួលពាក្យក្នុងរយៈពេលលឿន និងមានគំរូរួចស្រាប់។ ពេលខ្លះ គ្រាន់តែ បញ្ចូលទិន្នន័យទៅតាមការណែនាំក៏បាន។ កម្មវិធីនេះ ក៏ជួយអ្នកឱ្យបង្កើនឱកាសទីផ្សា ដោយការបំពេញភាពខ្វះចន្លោះ។ ឧទាហរណ៍ដោយគ្រាន់តែសរសេរថា តើធ្វើយ៉ាងណាទើបជួយឱ្យអត្ថបទនេះ កាន់តែទាក់ទាញ ឬទៅដល់ដៃអតិថិជនរបស់អ្នក។

៤. Jasper ជាចំណែកមួយជួយពង្រឹងកេរ្តិ៍ឈ្មោះ ៖ កម្មវិធីប្រភេទនេះ អាចជួយឱ្យអ្នកបង្កើតមាតិកា ឱ្យមានការតាំងចិត្តបង្កើតអត្ថបទ ដែលមានភាពទៀងទាត់ មិនថាជាប្រភេទខេបសិន ប្លុក (Blog) អ៊ីម៉ែល និងគេហទំព័រ។  ដូច្នេះកម្មវិធី Jasper គឺជាចំណែកមួយ ជួយគ្រប់គ្រងការផ្សព្វផ្សាយមាតិកាផងដែរ។ កម្មវិធីនេះ បានជួយទៅដល់អ្នកដែលកំពុងពង្រឹងម៉ាកសញ្ញា ឬកេរ្តិ៍ឈ្មោះអ្វីមួយ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​នៅលើបណ្តាញសង្គម ព្រោះវាមានសមត្ថភាពក្នុងការវិភាគ និងសម្រួលដល់ការប្រើប្រាស់ពាក្យ។

៥.  Sudowrite ជាកម្មវិធីជំរុញភាពច្នៃប្រតិដ្ឋពាក់ព័​ន្ធនឹងការសរសេរ ៖ បើសិនជាលោកអ្នក កំពុ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ងផ្តោតអំពីប្រភេទអត្ថបទបែបច្នៃប្រតិដ្ឋ តួយ៉ាងដូចជាប្រលោមលោក   គឺលោកអ្នកមិនគួររំលងកម្មវិធី Sudowrite នោះទេ! ព្រោះវាបៀបដូចជាកិច្ចសហការណ៍របស់អ្នកនិពន្ធអ៊ីចឹង ដោយសារតែកម្មវិធីនេះ ជួយអ្នកក្នុងការបង្កើតឆ្អឹងរឿង និងគម្រោងតែងដទៃទៀត៕​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​