ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
យោងតាមសេចក្តីជូនដំណឹង និងការព្យាករបស់ក្រសួងធនធានទឹក និងឧតុនិយម រដូវប្រាំងនៅខែមេសា ខាងមុខ សីតុណ្ហភាពមធ្យមអតិបរមា អាចនឹងឡើងដល់ ៣៨អង្សាសេ ដែលជាកត្តាធ្វើឱ្យអាកាសធាតុក្តៅខ្លាំង។ សីតុណ្ហភាពខ្ពស់នេះ អាចបង្កហានិភ័យដល់សុខភាពយ៉ាងធ្ងន់ធ្ងរ ជាពិសេសអ្នកដែលងាយរងគ្រោះបំផុត ដូចជាទារក កុមារ និងមនុស្សចាស់។
ខាងក្រោមនេះ គឺជាគន្លឹះមួយចំនួន ដែលណែនាំដោយ អង្គការយូណេនីសេហ្វ ពីរបៀបការពារកុមារពីអាកាសធាតុក្តៅខ្លាំង ដែលមានដូចជា ៖
រឿងគួរធ្វើ
– ពិនិត្យកូនៗរបស់អ្នកឱ្យបានទៀងទាត់ ប្រសិនបើពួកគេស្រេកទឹក បែកញើស មានអារម្មណ៍ក្តៅ ក្អួត មាត់ស្ងួត និងស្ទិត ឬឈឺក្បាលជាដើម។ ប្រសិនបើកូនរបស់អ្នកមានអាការៈមិនស្រួល ក្តៅខ្លួនខ្លាំង វិលមុខ ឬដកដង្ហើមញាប់ សូមយកពួកគេទៅមន្ទីរពេទ្យជាបន្ទាន់។
– ឱ្យកូនរបស់អ្នកស្លៀកពាក់ខោអាវរលុង។ វាអាចជួយការពារការរលាកដោយកម្តៅ និងឡើងកម្តៅបាន។
– ពិនិត្យមើលថា កូនរបស់អ្នកញ៉ាំទឹកបានគ្រប់គ្រាន់ហើយឬនៅ។ ពួកគេប្រហែលជាមិនដឹងថា ការខ្វះជាតិទឹក និងការឡើងកម្តៅក្នុងខ្លួន មានអារម្មណ៍បែបណានោះទេ។ សូមបំបៅកូនក្រោមអាយុ៦ខែ ដោយទឹកដោះម្តាយតែមួយមុខគត់។ ម្តាយដែលបំបៅដោះកូន គួរតែទទួលទានទឹកឱ្យបានច្រើន ព្រោះការខ្វះជាតិទឹក អាចប៉ះពាល់ដល់ការផលិតទឹកដោះ។ កុមារដែលមានអាយុចាប់ពី ៦ខែឡើង គួរញ៉ាំទឹកឱ្យបានទៀងទាត់ក្នុងមួយថ្ងៃ។
រឿងមិនគួរធ្វើ
– កុំផ្តល់ថ្នាំដល់ទារក ដោយមិនបានពិគ្រោះជាមួយវេជ្ជបណ្ឌិត ប្រសិនបើពួកគេមានអាការៈឡើងកម្តៅ។
– កុំទុកទារក និងកុមារក្នុងកន្លែងបិទជិតដោយគ្មានខ្យល់ចេញចូល ដូចជារថយន្ត ឬបន្ទប់ដែលមានបង្អួចបិទជិត។
– កុំទុកឱ្យកុមារលេងនៅខាងក្រៅយូរពេក នៅពេលអាកាសធាតុក្តៅ និងមិនបាននៅមើលពួកគេ ។ ឱ្យពួកគេសម្រាករៀងរាល់ ៣០នាទីម្តង នៅពេលហាត់ប្រាណ ឬលេងនៅខាងក្រៅ ។ ការហាត់ប្រាណ ឬលេងក្រោមសីតុណ្ហភាពក្តៅ អាចនាំឱ្យបាត់បង់ជាតិទឹក និងមានផលវិបាកយ៉ាងធ្ងន់ធ្ងរ៕
