ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ចំណុចដែលបានដឹងជាទូទៅគឺ ដើម្បីរក្សានូវភាពរីកចម្រើនបាន គឺការដកទម្លាប់មិនល្អចេញ ជំនួសដោយទម្លាប់ល្អៗ ប៉ុន្តែតើធ្វើយ៉ាងណាដើម្បីកត់សម្គាល់ថា តើអ្វីទៅជាទម្លាប់ល្អ ឬមិនល្អ?
តាមរយៈគេហទំព័រ Lifestyle NEWS បានបង្ហាញទម្លាប់៣ចំណុចដែលគួរកម្ចាត់ចោល ៖
១. ការរុះរើសម្ភារចាស់ៗចោល ៖ អំឡុងពេលកំណត់គោលដៅ មនុស្សបានដឹងហើយថា ការជ្រើសរើសចំណុចសំខាន់ៗសុទ្ធសឹងតែជាចំណែកពុំអាចខ្វះបាន យ៉ាងណាមិញការរស់នៅប្រចាំថ្ងៃមិនថាការងារ ឬការសិក្សា ឬការស្នាក់នៅនោះទេ ការជ្រើសតែរបស់សំខាន់ ក៏ជាចំណែកកាត់បន្ថយភាពស្មុគស្មាញ។ ហើយដើម្បីរក្សាបាននូវរបស់សំខាន់ទៅបាន ជាដំបូងគឺត្រូវជម្រុះចោលរាល់សម្ភារទាំងឡាយណាដែលមិននាំនូវប្រយោជន៍បោះចោលជាមុនសិន។ ជារៀងរាល់ថ្ងៃ ឧស្សាហ៍សង្កេតសម្ភារជុំវិញខ្លួនដែលមិនត្រូវការប្រើប្រាស់ ឬក៏សម្ភារដែលមានក៏បាន អត់ក៏បាន បើឃើញថាមានច្រើនពេក គឺដល់ពេលហើយដែលត្រូវសម្រេចចិត្តបោះចោល ឬក៏បរិច្ចាគទៅកាន់អ្នកដែលត្រូវការជាចាំបាច់។
ត្បិតថាសម្ភារទាំងអស់សុទ្ធតែមានគុណតម្លៃ ប៉ុន្តែមិនមែនមានន័យថា ត្រូវរក្សាទុកទាំងអស់នោះទេ ជាពិសេសរបស់ ឬទ្រព្យធន ដែលពុំឆ្លើយតបនឹងតម្រូវការប្រចាំថ្ងៃ ព្រោះការប្រមូលផ្តុំទុកកាន់តែច្រើន វានឹងបង្កនូវភាពស្មុគស្មាញកាន់តែច្រើនដូចគ្នា។ ជាងនេះទៀត ការរុះរើអាហារហូបប្រចាំថ្ងៃក៏ជាចំណុចសំខាន់ដែរ ប្រសិនបើមានទម្លាប់ប្រមូលផ្តុំអាហារ ដែលនាំឱ្យប៉ះពាល់សុខភាព ឬប្រភេទអាហារដែលជិតផុតកំណត់ ជាកត្តានាំឱ្យទម្លាប់មិនល្អកាន់តែរីកដុះដាល។ ឧទាហណ៍កាត់បន្ថយការទិញភេសជ្ជៈដែលមានជាតិផ្អែមដាក់ក្នុងទូរ ជំនួសមកវិញនូវការដាក់ប្រភេទផ្លែឈើស្រស់ៗ។
២. អនុញ្ញាតឱ្យខ្លួនឯងទទួលបានបរិយាកាសចម្រុះ ៖ បរិយាកាសដើរតួនាទីសំខាន់ក្នុងការបំបែកទម្លាប់មិនល្អ ដោយសារតែបរិយាកាសមានកម្លាំងក្នុងការជំរុញចិត្ត និងជាការរំលឹកឱ្យទៅធ្វើសកម្មភាពណាមួយដែលស្ថិតក្នុងគោលបំណង។
៣. ក្រើនរំលឹកខ្លួនឯង ៖ ប្រសិនបើកន្លងមក មានទម្លាប់មិនល្អរួចស្រេចហើយ កាលដែលមានចិត្តចង់ផ្លាស់ប្តូរតែមួយមុខ នោះពុំទាន់គ្រប់គ្រាន់នៅឡើយទេ តួយ៉ាងត្រូវការ ការរំលឹក និងការបង្កើតជាសកម្មភាពដាស់តឿនស្មារតីជាប្រចាំ។ ឧទាហរណ៍ប្រសិនបើឧស្សាហ៍ភ្លេចពិសាទឹក ដូច្នេះគួរប្រើក្រដាសបិទដោយសរសេររំលឹកខ្លួនឯង ឬមួយក៏ប្រើប្រាស់ទូរស័ព្ទដៃជាសញ្ញាដាស់តឿន៕
